გადაწყვეტილება, რომელიც ადამიანის ცხოვრებას ანგრევს – 10 ფილმი

nugo July 11, 2021

როგორ განვსაზღვროთ, სწორია თუ არა ჩვენი გადაწყვეტილება? ზოგჯერ ადამიანები საშინელ გადაწყვეტილებას იღებენ, რომლის შედეგებსაც ვეღარ გაურბიან და ეს შედეგები მათ აწმყოზე უზარმაზარ გავლენას ახდენს. ესაა 10 ფილმი მცდარ გადაწყვეტილებებზე, რომელიც ადამიანის ცხოვრებას ანგრევს:

დანაშაული და სასჯელი (1983)

დანაშაული და სასჯელი

დოსტოევსკის ცნობილ რომანზე დაფუძნებული ფილმის მოქმედება ჰელსინკში ხდება. ფილმის მთავარი გმირი, რაიმე აშკარა მიზეზის გარეშე, მდიდარი კაცის მოკვლას გადაწყვეტს. ამ გადაწყვეტილების შედეგები კი მთელ მის მომავალ ცხოვრებაზე აისახება.

ეშმაკი (1972)

ეშმაკი

მე-18 საუკუნის პოლონეთი. ახალგაზრდა აზნაურს უცნობი მოულოდნელად დაეხმარება, თუმცა, მოგვიანებით, სანაცვლოდ მნიშვნელოვან საზღაურს მოსთხოვს. ძირითადი ხაზის პარალელურად, ჩვენ ვხედავთ დისფუნქციურ ოჯახს, სოციუმს და ასევე, მთავარი გმირის უცნაურ საქციელს, რომელსაც აუცილებლად მოჰყვება შედეგები.

კომივოიაჟორის სიკვდილი (1985)

კომივოიაჟორის სიკვდილი

მოზარდი შვილის დაბრუნება კაცში ეგზისტენციალურ კრიზისს იწვევს. ის აცნობიერებს, რომ მისი – მორალით ნაკარნახევი გადაწყვეტილებები, რომელსაც იღებდა, მისთვის ემოციურად მტანჯველია. ახლა კი შესაძლოა, ყველაფერი დაკარგოს.

ფარული (2005)

ფარული

კრიტიკოსი მოულოდნელ ამანათს იღებს – ვიდეოფირებს, რომლებზეც მისი ოჯახის წევრთა ცხოვრებაა ასახული. მიხაელ ჰანეკე ბევრ ფრაგმენტს აცოცხლებს მთავარი გმირის წარსულიდან, რათა გვიჩვენოს წარსული ქმედებების შედეგები აწმყოზე და ის, რომ ასე უბრალოდ არაფერი მიეცემა დავიწყებას.

ჯილდა (1946)

ჯილდა

მას შემდეგ, რაც კაზინოს მფლობელი სიცოცხლეს შეუნარჩუნებს, თაღლითი გადაწყვეტს, მასთან მენეჯერად იმუშავოს. თითქოს ყველაფერი კარგად მიდის საბედისწერო ქერათმიანი ქალბატონის გამოჩენამდე, რომელიც ორივე მათგანის ცხოვრებაში არეულობას შემოიტანს.

მანჩესტერი ზღვასთან (2016)

მანჩესტერი ზღვასთან

ძმის სიკვდილის შემდეგ, დეპრესიული ახალგაზრდა კაცი მშობლიურ ქალაქში ბრუნდება, რათა ძმისშვილზე იზრუნოს. მისი მივიწყებული წარსული ზედაპირზე ამოდის და ნათელი ხდება, თუ რამ მიიყვანა ის ამ მდგომარეობამდე.

ამერიკული ისტორია X (1998)

ამერიკული ისტორია X

ციხიდან გამოსული ნეონაცისტი პირდაპირ აღმოჩნდება იმ შედეგების წინაშე, რომელიც მისმა ქმედებებმა გამოიწვია, ქმედებები კი – მყარად გამჯდარმა რწმენებმა, და მიუხედავად იმისა, რომ ყველაფერს აკეთებს ოჯახის წევრთა დასაცავად, აცნობიერებს, რომ ზოგიერთი გადაწყვეტილება ვეღარ გამოსწორდება.

მიცვალებული მოდის (1995)

მიცვალებული მოდის

ამ საოცრად ადამიანური ისტორიის მთავარი გმირი მონაზონია, რომელიც თანაგრძნობას იჩენს როგორც მსხვერპლთა ოჯახებისადმი, ისე მკვლელისადმი. სწორედ მისი ემპათიური დამოკიდებულება აიძულებს დამნაშავეს, საზარელ წარსულს თვალი გაუსწოროს და სიკვდილით დასჯას შეეგუოს.

მაგნოლია (1999)

მაგნოლია

რამდენიმე ადამიანის ისტორია, მათი შეცდომები, სინანული, ტკივილი, უიმედობა, მცდარი გადაწყვეტილებები, რომელმაც მთელი მათი მომავალი განსაზღვრა, თუმცა, ფილმის გმირები ამას ძალიან, ძალიან გვიან მიხვდნენ…

წმინდა ირმის მკვლელობა (2017)

წმინდა ირმის მკვლელობა

იორგოს ლანთიმოსის შთამბეჭდავ სურათში, სადაც მოვლენები მისტიკური და უჩვეულოა, ალბათ, ყველაზე სასტიკი ფორმით დგება ერთი შეცდომის, ერთი გადაწყვეტილების შედეგები, რომელიც ადამიანების ცხოვრებას ნამდვილ ჯოჯოხეთად აქცევს.