თურქული სერიალები, რომელთა ნახვა მალე ქართულად შეგეძლებათ

nugo July 11, 2021

თურქულმა სერიალებმა უკვე მთელი მსოფლიო დაიპყრეს და მათ შორის საქართველოც. როგორც თურქული სერიალების მოყავრულები ამბობენ, თუ ერთ სერიას მაინც ჩართავთ, ვეღარ შესძლებთ მოწყდეთ მათ სკანდალებს, ინტრიგებსა და გამოძიებებს.

თუ გიყვართ თურქული სერიალები, და Adjaranet.com-ისგან ქართულად გახმოვანებას ელით, კარგი ამბავი გვაქვს: წლის ბოლომდე (ანუ ძალიან მალე) ოთხ თურქულ სერიალს ქართულად იხილავთ:

ერთხელ ჩუკუროვაში (2018)

მოვლენები სერიალში ვითარდება 1970-იანი წლებიდან დღემდე. ეს არის ისტორია იილმაზე, რომელმაც სიყვარულის გამო ადამიანი მოკლა, და ზულეიჰაზე, რომელმაც საყვარელი ადამიანის სიცოცხლის გამო, სხვას გაჰყვა ცოლად. მაგრამ ეს ისტორია არ არის მხოლოდ ორ დაშორებულ შეყვარებულზე. აქ ასევე შევხდებით ადამიანებს, რომლებიც ერთადერთი ვაჟისთვის ყველაფერზე არიან წამსვლელები და რომლებიც მზად არიან საყვარელი ქალი ტყვეობაში ჰყავდეთ. ასევე არის შურისძიება, მიწები, რომლებსაც ვერ იყოფენ, ბრძოლა ძალაუფლებისთვის და, რა თქმა უნდა, სიყვარული, რომელსაც არ აქვს საზღვრები და სასტიკი გამოცდების გავლა უწევს.

გიულპერი (2018)

ეს სერიალი მოგვითხრობს დედაზე, რომელიც საკუთარი შვილების მეურვეობისთვის იბრძვის. მისი მეუღლე ერაყის საზღვართან მოკლეს და მისი (ქმრის) ოჯახი თვლის, რომ მათი ვაჟის სიკვდილში მისი ცოლი, გიულპერია დამნაშავე. ისინი მდიდრები არიან და ქალს სამივე შვილს ართმევენ, თავად გიულპერს კი პატიმრობა მიუსაჯეს. როდესაც სამი შვილის დედა ციხიდან გამოდის მამამთილი მას სტამბულში აცილებს, ბავშვებისგან შორს, სადაც ის კონსიერჟად იწყებს მუშაობას. ის იქ ყოფილ შეყვარებუსლ შეხვდება, რომელიც წარმატებული ადვოკატი გახდა და მზად არის გიულპერს ბავშვების დაბრუნებაში დაეხმაროს.

ნომერი 309 (2016-2017)

ლალემ, რომელიც ქორიწილის წინ მიატოვეს, სიყვარულზე უარის თქმა გადაწყვიტა. მიუხედავად ამისა, დედას, რომელიც მის გათხოვებას ცდილობს, უარი არ უთხრა ექიმ ონურთან ორგანიზებულ შეხვედრაზე. მაგრამ მის მაგიდასთან სხვა ონური დაჯდა. ამ გაურკვევლობას კი მოულოდნელი შედეგები მოჰყვება.

სავსე მთვარე (2017)

სიუჟეტი ფერიტის და ნაზლის შეუძლებელი სიყვარულის შესახებ მოგვითხრობს. ნაზლის ყველაზე მეტად საკუთარი რესტორნის გახსნა, პროფესიონალ კულინარად ჩამოყალიბება და იაპონური სამზარეულოს შესწავლა სურს. სწავლის პარალელურად, იმსითვის, რომ საკუთარი ფული ჰქონდეს, ერთ-ერთი ბიზნესმენის პირად მზარეულად იწყებს მუშაობას. ფერიტი მისი ახალი უფროსია. მდიდარი ბიზნესმენი და მზარეული სხვადასხვა დამთხვევების შედეგად ერთმანეთს უახლოვდებიან.