თუ ისედაც სევდიან ხასიათზე ხართ: 10 ფილმი ღალატზე

nugo July 11, 2021

ხანდახან გვინდა ხოლმე, რომ ჩვენს სევდიან განწყობას ზემოდან კიდევ დავამატოთ ისეთი წიგნი, ან ფილმი, რომელიც უფრო გაამძაფრებს ამ შეგრძნებას და ძალიან ბევრ რამეზე დაგვაფიქრებს, ან ძალიან გვატირებს, ან სხვა ემოციებს გამოიწვევს.

გადავწყვიტეთ, დღეს ისეთი ფილმები წარმოგვედგინა, სადაც დიდად სასიხარულოს, სახალისოს და აღმაფრთოვანებელს არ გვპირდებიან – პირიქით, ამ ფილმებში დიდი სევდა, დაბნეულობა, დაძაბულობა და შფოთია.

თუმცა ისიც უნდა გითხრათ, რომ დროს სულ ტყუილად არ დაკარგავთ. მოდი, დავიწყებთ:

დარლინი (2017)

ადამიანს, წარმატებულ ბალერინას, შეუძლია იპოვოს ძალა საკუთარ თავში და შეეგუოს იმ აზრს, რომ ტრავმის გამო უნდა შეწყვიტოს ცეკვა, იმ აზრსაც, რომ მას უფრო ახალგაზრდა მოცეკვავე ჩაანაცვლებს, მაგრამ როგორია გაიგო და გაიაზრო ის, რომ შენ არამარტო სცენაზე, არამედ პირად ცხოვრებაშიც განაცვლებენ?! ფილმი დიდხანს დარჩება თქვენს გონებაში არამარტო ძლიერი სიუჟეტის და რეჟისორული ნამუშევრის, არამედ მსახიობების არაჩვეულებრივი შესრულების დამსახურებითაც.

ერთი შეხვედრა (2014)

საინტერესო, თავბრუდამხვევი ფრანგული ფილმი, რომელიც დასრულების შემდეგ, ცოტა ნაღვლიან ფიქრებს დაგიტოვებთ. ამბობენ, 35 წლის შემდეგ აღარ არის დრო დაუფიქრებელი ქმედებებისთვის, მაგრამ როდესაც საქმე ნამდვილ სიყვარულს ეხება, თავის შეკავება არც ისე ადვილია. ფილმის გმირები აღარ არიან ახალგაზრდები, ჰყავთ შვილები, მაგრამ მათი შეხვედრა ბოლო წლების მანძილზე მათ ცხოვრებაში ერთ-ერთი ყველაზე ნათელი მოვლენაა.

შეპყრობილი (2009)

ფილმი დასაწყისში ჩვეულებრივი დრამის შთაბეჭდილებას ტოვებს, თუმცა სიუჟეტის დინამიკური განვითარება და ვნება პერსონაჟებს შორის ფილმის განწყობას მალევე ცვლის. ბედნიერი მეუღლე და მამა, რომლის მდივანსაც დიდი გეგმები აქვს მასთან დაკავშირებით. მისი ვნება ნამდვილ პარანოიაში იზრდება. მიუხედავად შაბლონური მომენტებისა, ფილმი საინტერესოა და იმსახურებს თქვენს ყრუადღებას.

სიყვარულის ილუზია (2016)

ფრანგული ფილმი მილენა აგუსის რომანის მიხედვით არის გადაღებული. მოვლენები საფრანგეთის პროვინციაში ვითარდება. რა შედეგები შეიძლება მოჰყვეს ცალმხრივ სიყვარულს, ან გარიგებით გათხოვაბას? უნდა აღინიშნოს მარიონ კოტიარის შესანიშნავი შესრულება, რომელმაც არაჩვეულებრიავდ გადმოსცა მისი პერსონაჟის განცდები და სასოწარკვეთა.

ფატალური გატაცება (2016)

ფილმი ფლორან გონსალვესის, ვერსალის საგამოძიებო იზოლატორის უფროსის ავტობიოგრაფიულ რომანს ეფუძნება, რომელიც 2011 წელს ირანელ პატიმართან ურთიერთობის გამო სკანდალში გაეხვია. გოგონა რელიგიურ საფუძველზე სასტიკ მკვლელობაში მონაწილეობისთვის იყო გასამართლებული. მეოჯახე ციხის დირექტორი კი პატიმარი გოგონას გამო ყველაფერზეა წამსვლელი….

ჩემი მეფე (2015)

არიან ადამიანები, რომლებიც არ არიან დაბადებულები ქორწინებისთვის: ისინი ბუნებით თავისუფალი და ვნებიანი საყვარლები არიან. ფილმის მთავარი გმირი სწორედ ასეთ ადამიანს შეხვდა, რომლის როლსაც ვინსენტ კასელი ასრულებს. მისი ერთგული მეუღლის როლს ემანიუელ ბერკო ასრულებს, რომელმაც კანის კინოფესტივალზე ჯილდო საუკეთესო მსახიობი ქალისთვის მიიღო. რეჟისორის მეივენ ლე ბესკოს თქმით ფილმი ნაწილობრივ ბიოგრაფიულია, ბევრი რამ მისი პირადი ცხოვრებიდან არის აღებული.

წუხელ ნიუ-იორკში (2010)

ერთი ღამე, რომელიც შეუღლებული წყვილის ერთგულების ყველაზე დიდი გამოცდა აღმოჩნდა. საინტერესო ფილმი ღალატზე და მის განსხვავებაზე ქალებსა და მამაკაცებს შორის. რეჟისორის საინტერესო გადაწყვეტილებები მთელი ფილმის განმავლობაში აუცილებლად დაგაფიქრებთ და გაგიჩენთ კითხვას “და საერთოდ, რას გულისხმობს ღალატი? და რომელი ღალატი უფრო მტკივნეულია – ფიზიკური თუ ემოციური?

სიახლოვე (2004)

გულახდილი ისტორია ორ წყვილზე, რომელიც ადამიანებს შორის ურთიერთობის სირთულეებზე მოგვითხრობს, რომლებიც ცხოვრებამ სიყვარულით და ვნებით დააკავშირა, მაგრამ ფილმში წარმოდგენილია ურთიერთობების მეორე მხარე, რომელიც გვაჩვენებს, რომ სამუდამო არაფერია. ფილმი პატრიკ მარბერის პიესის მიხედვით არის გადაღებული. მსახიობების შესანიშნავი შესრულება ისტორიას კიდევ უფრო ტრაგიკულს და რეალურს ხდის.

მოღალატე (2002)

ეს ფილმი იმ აუტანელი ტკივილის ზუსტი ილუსტრაციაა, რომელიც ღალატს ახლავს თან. ეს ფრანგული ფილმის “მოღალატე ცოლის” რიმეიქია. ბევრ წყვილს უწევს ჩამქრალ სიყვარულთან შეგუება. ვიღაც ადრე თუ გვიან ვერ უძლებს ცდუნებას კვლავ შეიგრძნოს ვნება, მაგრამ უკვე ახალ პარტნიორებთან. ბედნიერებას მოიტანს ეს თუ მხოლოდ ახალ პრობლემებს – ფილმში კარგად არის ნაჩვენები ეს დილემა პერსონაჟების მაგალითზე.

ქეროლი (2015)

შეიძლება ცხოვრებაში გქონდეს კარგი სახლი, გყავდეს წარმატებული მეუღლე, პატარა ქალიშვილი, მაგრამ გაკლდეს ყველაზე მთავარი – სიყვარული. ფილმის მთავარ გმირებს შორის, ასაკიან, მაგრამ ეფექტურ ქალს და ახალგაზრდა გამყიდველ გოგონას შორის ჩნდება ვნება, რომელიც ქალიშვილის დაკარგვის საშიშროებასაც კი ქმნის. ძლიერი და ემოციური ფილმი გრძნობებზე, რომელიც წარდგენილი იყო ოსკარზე, ოქროს გლობუსზე და სხვა ბევრ კინოფესტივალზე აუცილებლად დატოვებს თქვენში დაუვიწყარ ემოციებს