თუ ცხოვრების შეცვლა გსურთ – ფილმები 30 წლამდე ქალებისთვის

ქვემოთ ჩამოთვლილ ფილმებში ნაჩვენებია ქალების ყოველდღიური ცხოვრება, მათი სიამოვნებები და პრობლემები. ბევრი თქვენგანი მათში საკუთარ თავს ამოიცნობთ, ბევრმა კი შესაძლოა ცხოვრების სტილიც კი შეიცვალოთ…

მამის მსგავსი (2018)

მას შემდეგ, რაც საქმრომ საკურთხეველთან მიატოვა, რეიჩელი დიდი ხნის უნახავ მამას ხვდება და რაოდენ უცნაურადაც უნდა მოგეჩვენოთ – მასთან ერთად თვრება. მეორე დილას კი იღვიძებს გემზე, სადაც ქმართან ერთად თაფლობის თვის გასატარებლად უნდა წასულიყო. ეს მოგზაურობა ძირფესვიანად ცვლის მამა-შვილის ურთიერთდამოკიდებულებას.

მადამ ბოვარი (1991)

კლოდ შაბროლის ფილმი, რომელშიც მთავარ როლს იზაბელ იუპერი თამაშობს, გუსტავ ფლობერის ამავე სახელწოდების რომანის ბრწყინვალე ეკრანიზაციაა. ესაა ისტორია ახალგაზრდა ქალზე – ემა ბოვარზე, რომელიც, თავისი მოსაწყენი ცხოვრებით დაღლილი, სარისკო ნაბიჯებს დგამს და საბედისწერო შედეგამდე მიდის.

სიახლოვე (2004)

სიყვარული, ვნება და ღალატი, რომელიც ოთხი ადამიანის ყოველდღიურ რუტინას არღვევს. მაიკ ნიკოლსის ვარსკვლავებით დახუნძლულ ფილმში თანამედროვე საზოგადოებისთვის კარგად ნაცნობი პრობლემები და სასიყვარულო ურთიერთობებია ნაჩვენები.

საუზმე ტიფანისთან (1961)

ტრუმენ კაპოტეს ცნობილი წიგნის ცნობილი ეკრანიზაცია – მთავარ როლში ლეგენდარული ოდრი ჰეპბერნით. ექსტრაორდინალურ ჰოლი გოლაითლის უყვარდება კაცი, რომელიც მის შენობაში ახლახანს გადმოვიდა. ჩახლართული, საინტერესო და ნათელი ისტორია, რომელიც ჰეპბერნის შესრულებამ სრულიად დაუვიწყარი გახადა.

სიკვდილის მიზეზი (1995)

რეალურ ამბავზე დაფუძნებული ფილმი ახალგაზრდა, ლამაზ ქალზე, რომელსაც აკვიატებულად სურს ტელევარსკვლავობა და ამისთვის ყველაფერს აკეთებს. ფილმის რეჟისორი, გას ვან სენტი ერთი ადამიანის მაგალითზე თანამედროვე საზოგადოების პრობლემებს გვიჩვენებს.

ეშმაკი ატარებს პრადას (2006)

ახალგაზრდა ქალი – ახალი სამსახურით მოდის ინდუსტრიაში, რაც, მოლოდინების საწინააღმდეგოდ, საშინლად სტრესული აღმოჩნდება, მკაცრი და უხეში უფროსის გამო. ენ ჰეთევეის და მერილ სტრიპის შესანიშნავმა ტანდემმა ეს – ერთი შეხედვით, უბრალო სიუჟეტის მქონე ფილმი, ბევრისთვის საყვარელ კინოსურათად აქცია.

ქალბატონი ამერიკა (2015)

მარტოსული სტუდენტი ნიუ-იორკიდან თავის ნახევარდას ხვდება. გარდა იმისა, რომ ისინი უკეთ იცნობენ და უმეგობრდებიან ერთმანეთს, ეს ხდება ახალი – ყველა იმ სიამოვნებით აღსავსე ცხოვრების დასაწყისი, რომელსაც მათ ნიუ-იორკი სთავაზობს. ქალბატონი ამერიკა არის ერთ-ერთი საუკეთესო ფილმი 20 წლის ასაკის გოგონების ყოველდღიურობაზე.

ველური (2014)

პირადი ტრაგედიის შემდეგ, ახალგაზრდა ქალი გადაწყვეტს, საკუთარი მორალური და ეთიკური სტანდარტები დაარღვიოს და დიდ მოგზაურობას იწყებს. ველური, მთავარ როლში – რიზ უიზერსპუნით, სულ მცირე, მოგზაურობასა და თავგადასავლებს მაინც მოგანდომებთ.

თარგმანში დაკარგულები (2003)

ტოკიოში მოგზაურობისას, შუახნის კაცი და ახალგაზრდა ქალი ერთმანეთს ხვდებიან. მარტოობის დასაძლევად, ისინი ურთიერთობის საკმაოდ უჩვეულო ფორმას ირჩევენ. ეს არის არასტანდარტული ისტორია, მელანქოლიური ატმოსფეროთი და მთავარი გმირებით.

კარიერისტი ქალები (1997)

წლების შემდეგ ორი ძველი მეგობარი – ორი კარიერისტი ქალი კვლავ ხვდება ერთმანეთს და წარსულის მნიშვნელოვან ფრაგმენტებს იხსენებს. ნოსტალგიური განწყობის ფონზე, ჩვენ ვხედავთ მარტოსული ქალების ცხოვრებას ოცდაათი წლის ასაკში.

 

წყარო: www.movielistnow.com