კვენტინ ტარანტინოს რჩეული 20 თანამედროვე ფილმი

nugo July 10, 2021

ტარანტინოს გადარეული სიყვარული კინოს მიმართ ყველასთვის ცნობილია. ჯერ კიდევ მანამდე, სანამ ლეგენდარული რეჟისორი გახდებოდა, ის ვიდეოგაქირავების მაღაზიაში მუშაობდა, სადაც დროს ფილმების ერთიმეორის ხარბად ცქერაში ატარებდა. დღეს ტარანტინოს სრულიად გამორჩეული სტილი ნებისმიერი კინომოყვარულისთვის ნაცნობია, მისი სახელი კი ჰოლივუდის დიდების ხეივანშია სამუდამოდ შეტანილი. მაგრამ რა გემოვნება აქვს ფილმებში თავად ტარანტინოს? რომელი ფილმები მიაჩნია მას საუკეთესოდ?

ერთ-ერთ ინტერვიუში ტარანტინომ დაასახელა თავისი ფავორიტი 20 ფილმი 1992 წლიდან – ანუ იმ დროიდან, რაც მისი კარიერა დაიწყო – თანამედროვე ეპოქის ჩათვლით. ჩვენც გავეცნოთ ლეგენდარული რეჟისორის რჩეულ ფილმებს.

20. მებრძოლთა კლუბი

დევიდ ფინჩერი

ამ შესანიშნავი, თავბრუდამხვევი ფილმის სიყვარული ტარანტინოს ხასიათის რეჟისორისგან სრულიად მოსალოდნელია.

19. ჩვენიანი

მაიკლ მანი

ფილმს კომპლექსური, ურთიერთგანსხვავებული პერსონაჟები და დრამატული სიუჟეტი გამოარჩევს.

18. თარგმანში დაკარგულები

სოფია კოპოლა

ჩანს, ამ წყნარმა, ემოციურმა და ამავე დროს ფილოსოფიურმა დრამამ ტარანტინოს მსგავსი ტემპერამენტიანი ადამიანიც მოხიბლა.

17. სამეფო ბრძოლა

კინჯი ფუკასაკუ

“სამეფო ბრძოლა” საშიში თამაშია – იქ გადარჩენილი მხოლოდ ერთია. ფილმი თანამედროვე გიჟური რიტმის მქონე ცხოვრების და იმის სატირაა, თუ როგორ ვუმკლავდებით მას. ჟანრს დაუმატეთ იაპონური ესთეტიკა და ნამდვილად ტარანტინოს მოსაწონ კოქტეილს მიიღებთ.

16. დოგვილი

ლარს ფონ ტრიერი

ლარს ფონ ტრიერის შედევრი, რომელსაც განსაკუთრებული სიმძაფრე და კლაუსტროფობიულობა ახასიათებს.

15. სხვა ყველაფერი

ვუდი ალენი

ტარანტინოს რჩეულებში ვუდი ალენის 2003 წლის ფილმიც მოხვდა, რომელიც განსაკუთრებული იუმორი და მსუბუქი ირონია გამოარჩევს.

14. მატრიცა

ენდი და ლანა ვაჩოვსკები

მატრიცამ მოახერხა და უკვე საკულტო ტრილოგიად იქცა. ის ტიპური საი-ფაი არაა, არამედ ღრმა სოციო-პოლიტიკური და ფსიქოლოგიური დრამა.

13. ზომბი სახელად შონი

ედგარ რაითი

შონი კლასიკური ზომბი ფილმების პაროდიას წარმოადგენს. გონებამახვილური და სახალისო იუმორით გამორჩეული ფილმი მართლაც შედევრია.

12. მოწეულები და აფორიაქებულები

რიჩარდ ლინკლეიტერი

70-ების ესთეტიკაზე გადაღებული ეს ფილმი ნამდვილი კალეიდოსკოპია – ფერადოვანი, ახალგაზრდობით, სექსითა და მხიარულებით სავსე.

11. სინჯები

ტაკეში მიიკე

გასაოცარი კონტრასტი იაპონურ ლირიკულობასა და ამაზრზენ, სადისტურ ფინალს შორის ამ ფილმს განსაკუთრებულ ეშხს ანიჭებს. მასში მთელი სიმძაფრითაა ასახული მოსმენებსა და სინჯებზე მიღებული კულტურული შოკი.

10. მახვილი

ცუ ჰარკი

კორეული მძფრსიუჟეტიანი, მინიმალისტური და დაძაბული დრამა დამახასიათებელი ნათელი ფერებით, დაძაბულობითა და საოცარი პერსონაჟებით.

9. ბუგი ნაითსი

პოლ ტომას ანდერსონი

“სექსი. ნარკოტიკები. ძალადობა” – ამ სამი სიტყვით შეიძლება დავახასიათოთ ანდერსონის ფილმი. გასაკვირი არაა, რომ ტარანტინოს ერთ-ერთი ფავორიტია.

8. მოგონებები მკვლელობაზე

ჯუნ-ჰო ბონგი

მორიგი აზიური კრიმინალური თრილერი რეჟისორის ფავორიტებში.

7. სიჩქარე

ჟან დე ბონტი

მიუხედავად სწორხაზოვანი სიუჟეტისა, მთელი ფილმის ცქერისას მაყურებელი დაძაბულობის მწვერვალზეა. ყველასთვის საყვარელი ფილმი ტარანტინოს აზრითაც საუკეთესოა.

6. გაერთიანებული უსაფრთხოების ზონა

ჩან-ვუკ პაკი

ამ მრავალმხრივმა პოლიტიკურმა დეტექტივმა ტარანტინოს მოწონება პირველ რიგში ალბათ დამოუკიდებელი, ძლიერი ნებისყოფის მქონე ქალი გამომძიებლის გამო დაიმსახურა.

5. პარასკევი

ფ. გარი გრეი

სახალისო კომედიას აის კუბისა და კრის ტაკერის შესანიშნავი დუეტი განსაკუთრებულს ხდის.

4. მსოფლიო პოლიცია

ტრეი პარკერი

ამ თოჯინური ფილმისთვის დამახასიათებელი სიტყვათა თამაში, დიდებული საუნდტრეკები და ხმის ეფექტები, ამას დამატებული მსუბუქი სატირა. ნამდვილად ღირსეული რჩეულია.

3. სტუმარი

ჯუნ-ჰო ბონგი

ამ რეჟისორის მეორე ფილმი ტარანტინოს რჩეულებში. ის არაა მხოლოდ საშინელებათა ფილმი მონსტრით, არამედ დამაფიქრებელი დრამა ადამიანურ ურთიერთობებზე.

2. პოლიციის ამბავი 3: სუპერ პოლიციელი

სტენლი ტონგი

კრიმინალური კომედია, რომელმაც კრიმინალური კომედიების ლეგენდის ყურადღება დაიმსახურა.

1. გაუტეხავი

მ. ნაით შიამალანი

მძაფრსიუჟეტიანი, თრილერი, სამეცნიერო ფანტასტიკა, ფენტეზი – ამ ჟანრობრივად მრავალფეროვან და საინტერესო სიუჟეტის მქონე ფილმს ტარანტინოს ოცეულში მოხვედრის პატივი ერგო.