კიდევ 10 ფილმი, რომელსაც პაემანის შემდეგ, საყვარელ ადამიანთან ერთად უნდა უყუროთ
ამ ფილმებიდან ზოგიერთი თქვენთვის კარგად ნაცნობია, ზოგის შესახებ შესაძლოა არც გაგიგიათ, ზოგი ბევრს გაცინებთ, ზოგი კი პირიქით – გატირებთ. თუმცა, ყველა მათგანი ემოციურია და შესანიშნავი საყურებელი საყვარელ ადამიანთან ერთად, პაემანის შემდეგ:
კასაბლანკა (1942)
ეს კლასიკური ფილმი საუკეთესო დასტურია, რომ ძველი არ ნიშნავს მომაბეზრებელს. კასაბლანკაში გადახვეწილი ღამის კლუბის მეპატრონე ხვდება ქალს, რომელიც ერთ დროს ძალიან უყვარდა. ნაცისტები ქალსა და მის ქმარს ეძებენ და კლუბის მეპატრონე ურთულესი გადაწყვეტილებების წინაშე დგება…
ოთხი ქორწილი და ერთი დაკრძალვა (1994)
ინგლისელი ჩარლი და ამერიკელი კერი ერთმანეთს სულ ქორწილებზე და დაკრძალვებზე ხვდებიან. ეს უცნაური დამთხვევა იმდენჯერ ხდება, რომ ბოლოს ორივე ჩათვლის, რომ ერთმანეთისთვის არიან შექმნილები.
თქვენთვის წერილია (1998)
პატარა წიგნების მაღაზიის გამყიდველი ვერ ახერხებს, შეაჩეროს წიგნების მაღაზიათა ქსელის მფლობელი, რომელიც მისი მაღაზიის სიახლოვეს გადმოდის. თუმცა, ისტორიას მეორე მხარეც აქვს: ისინი ინტერნეტით გაიცნობენ ერთმანეთს, უამრავ საერთოს აღმოაჩენენ და ვირტუალური რომანიც მაშინვე იწყება…
ნოთინგ ჰილი (1999)
ყველასათვის ნაცნობი და საყვარელი მელოდრამა. წიგნების მაღაზიის მეპატრონის ცხოვრება ძირფესვიანად იცვლება მას შემდეგ, რაც შემთხვევით მიმზიდველ ცნობილ მსახიობს შეხვდება. მიუხედავად იმისა, რომ ისინი სრულიად განსხვავებული სამყაროდან არიან, მათ შორის სიახლოვე ჩნდება, რაც მალე სიყვარულში გადაიზრდება.
შეშლილი და მშვენიერი (2001)
ორი სტუდენტი. ორი სოციალური ფენა. თავნება გოგო მდიდარი ოჯახიდან და ღარიბი, ამბიციური ბიჭი, რომელიც ყველაფერს აკეთებს იმისთვის, რომ წარმატებული გახდეს. თვალსაჩინო განსხვავებების მიუხედავად, ისინი ურთიერთობას იწყებენ და მალე ეს ურთიერთობა შეშლილ და მშვენიერ სიყვარულში გადაიზრდება.
მოახლე მანჰეტენიდან (2002)
თანამედროვე კონკიას ისტორია. მიმზიდველ სენატორობის კანდიდატს უყვარდება მარტოხელა დედა, რომელიც სასტუმროში დაბინავებული სტუმარი ჰგონია. სინამდვილეში კი ქალი სასტუმროში დამლაგებლად მუშაობს.
13-დან 30-ში (2004)
13 წლის გოგოს საკუთარ დაბადების დღეზე დაამცირებენ. ის ინატრებს, იქცეს 30 წლის მიმზიდველ, წარმატებულ ქალად და ეს სურვილი ახდება. საოცნებო გარეგნობა, ბინა, სამსახური, მეგობრები – ერთი შეხედვით, თითქოს ყველაფერი აქვს ბედნიერებისთვის, მაგრამ ხვდება, რომ რაღაც მაინც აკლია…
პაემანი ქორწილში (2005)
კეტი დის ქორწილისთვის ემზადება. მოულოდნელად ის აღმოაჩენს, რომ სიძის მეჯვარე მისი ყოფილი შეყვარებულია, რომელმაც ორი წლის წინ მიატოვა. ყოფილისთვის იმის საჩვენებლად, რომ პირად ცხოვრებაში ყველაფერი კარგად აქვს, ის ქორწილისთვის ესკორტად მიმზიდველ მამაკაცს დაიქირავებს.
სამერის 500 დღე (2009)
რომანტიკულ ახალგაზრდა კაცს, ტომს, უყვარდება სამერი – გოგო, რომელსაც სიყვარულის არ სჯერა. ბიჭს 500 დღე აქვს იმისთვის, რომ მას სიყვარულის არსებობა დაუმტკიცოს… ფილმი გრძნობების გარდა, ძალიან კარგად გვიჩვენებს ურთიერთობების რეალურ მხარეებს.
თუ დავრჩები (2014)
ახალგაზრდა, ნიჭიერი მია ლაღად ცხოვრობს მანამ, სანამ ავარია მოხდება და ყველაფერი თვალის დახამხამებაში შეიცვლება. სიკვდილ-სიცოცხლის ზღვარზე მყოფს ძალიან რთული და სერიოზული გადაწყვეტილებების მიღება უხდება.
წყარო: www.brightside.com