კინოკრიტიკოსთა რჩეული ბოლო ათწლეულის 10 ფილმი

nugo July 11, 2021

250 კინოკრიტიკოსსა და ფილმის შემქმნელს სთხოვეს, ბოლო ათწლეულის 5 ფავორიტი ფილმი დაესახელებინათ. ქვემოთ მოყვანილი ათეული სწორედ იმ ფილმებისგან შედგება, რომლებმაც ყველაზე მეტი ხმა მიიღო. ესაა კინოკრიტიკოსთა რჩეული ბოლო ათწლეულის 10 ფილმი:

ლუინ დევისის შინაგანი მხარე (2014)

ლუინ დევისის შინაგანი მხარე

ფილმის მთავარი გმირი ცდილობს, კარგი და ინდივიდუალური მუსიკოსი იყოს, თუმცა რეალობა მას ამის საშუალებას არ აძლევს. საყვარელი საქმით ის არსებობისთვის საკმარის ფულსაც კი ვერ გამოიმუშავებს. ეს ფილმი ემოციურად აუცილებლად შეეხება მათ, ვისაც უჭირს საკუთარი გზის პოვნა ამ სამყაროში.

განქორწინება (2011)

განქორწინება

ნადერი და სიმინი ირანიდან წასვლას გადაწყვეტენ, თუმცა, მოგვიანებით ნადერი გადაიფიქრებს, რათა ავადმყოფ მამას მოუაროს. სიმინი დათმობას არ აპირებს და მათ სასამართლოს გზით უწევთ იმის გარკვევა, თუ ვისთან დარჩება მათი 11 წლის ქალიშვილი…

მთვარის შუქი (2016)

მთვარის შუქი

ეს ერთი ადამიანის ბავშვობის, მოზარდობისა და ზრდასრულობის ქრონიკაა, შავკანიანი გეი მამაკაცის, რომელიც მაიამის სტერეოტიპულ სოციუმში იზრდება და გარემოს ზეწოლის შედეგად, გამუდმებით შინაგან კონფლიქტს განიცდის.

უხილავი ძაფი (2017)

უხილავი ძაფი

პოლ ტომას ანდერსონის შთამბეჭდავი სურათი პერფექციონისტი დიზაინერის, რეინოლდ ვუდკოკის ისტორიას გვიყვება, მის ობსესიურ დამოკიდებულებას საქმისადმი, ადამიანებისა და ზოგადად, სამყაროსადმი. არ უნდა დაგვავიწყდეს ისიც, რომ ვუდკოკი კინოისტორიაში ერთ-ერთი საუკეთესო მსახიობის, დენიელ დეი-ლუისის ბოლო როლია. თუმცა, გადაღებების დაწყებამდე ლუისი კინოდან წასვლას არ გეგმავდა. როგორც მან მოგვიანებით განაცხადა: ფილმის შექმნის პროცესში მეც და პოლიც უსაზღვრო სევდამ შეგვიპყრო…

ოსტატი (2012)

ოსტატი

რჩეული ფილმების ათეულში პოლ ტომას ანდერსონის კიდევ ერთი ფილმი – ოსტატი მოხვდა. სიუჟეტი ომის ვეტერანისა და კულტის ლიდერის ირგვლივ ვითარდება და ჩვენ ვხედავთ, რას ნიშნავს ძალაუფლებით შეპყრობილობა, როდესაც ადამიანი მიზნის მისაღწევად არაფერზე იხევს უკან და არ ფიქრობს დამღუპველ შედეგებზე, რომლებიც მის ქმედებებს მოჰყვება.

სიცოცხლის ხე (2011)

სიცოცხლის ხე

ფილმის მოქმედება 1950-იანი წლების ტეხასში ვითარდება. ეს უფროსი ვაჟის თვალით დანახული ოჯახის ისტორიაა – სიყვარული, სიძულვილი, კონფლიქტი, სოცოცხლე და სიკვდილი – ყველაფერი, რაც თითოეული ჩვენგანის ცხოვრების შემადგენელი ნაწილია.

რომა (2018)

რომა

წლევანდელ ოსკარებზე ალფონსო კუარონის ფილმმა ყველაზე მეტი ნომინაცია მიიღო. ეს შავ-თეთრი სურათი გვიჩვენებს ქალის მძიმე ყოფას და იმ სირთულეებს, რომლის დასაძლევადაც ქალებს დიდი ნებისყოფის გამოვლენა სჭირდებათ.

სოციალური ქსელი (2010)

სოციალური ქსელი

ფილმი ფეისბუქის შექმნის ნამდვილ ისტორიას ეფუძნება. ჩვენ ვხედავთ მისი შემქმნელის მოულოდნელ წარმატებას, იმ გამოწვევებს, გამარჯვებებსა და პრობლემებს, რომელიც ყველაზე პოპულარული სოციალური ქსელის შექმნას მოჰყვა.

მოზარდი (2014)

მოზარდი

რიჩარდ ლინკლეიტერმა ფილმის გადაღება 2002 წელს დაიწყო და 12 წლის შემდეგ დაასრულა. მან ასახა ერთი უბრალო ოჯახის ყოველდღიურობა და გარემო, რომელშიც ფილმის მთავარი გმირი გაიზარდა, მისი სამყაროსეული ხედვა თუ დამოკიდებულებების ცვლილება, რაც მოზარდობის ჩვეული პროცესია.

შეშლილი მაქსი (2015)

შეშლილი მაქსი

შესაძლოა, შეშლილი მაქსის დანახვამ ცოტათი გაგაკვირვოთ, თუმცა, კრიტიკოსთა არჩევანი ასეთია და სურათიც ბევრი მიზეზით იმსახურებს ათეულში მოხვედრას. უდაბნოში ჩარჩენილთა აპოკალიფსურ ისტორიას ისეთი საოცარი სპეცეფექტები აქვს, რომ ამ კუთხით უდაოდ ერთ-ერთი მოწინავე ფილმია არამარტო ბოლო ათწლეულის, არამედ ზოგადად კინოს ისტორიაში.