კოლექცია მშობლებისთვის: 10 მულტფილმი, რომლებსაც ბავშვებთან ერთად უნდა უყუროთ

nugo July 11, 2021

იმის გათვალისწინებით, რომ სკოლაში სწავლა (ვირუსების გამო) უფრო გვიან იწყება, ვიდრე დაგეგმილი იყო, გადავწყვიტეთ კოლექცია მშობლებისთვის და შვილებისთვის გაგვეკეთებინა, რომ ეს დღეები გაახალისოთ, უფრო საინტერესო გახადოთ და თქვენს ოჯახისწევრებთან ერთად, დრო სასიამოვნოდ გაატაროთ.

ეს მულტფილმები ნამდვილი შედევრებია. ისინი საინტერესო, დამრიგებლური, ლამაზი, გონიერი და გასაგებია. ეს ის ანიმაციური ფილმებია, რომლებიც ყველა ბავშვს უნდა ჰქონდეს ნანახი, მაგრამ პატარებთან ერთად წინ თქვენც დიდი სიამოვნება გელოდებათ.

მაშ ასე, დავიწყეთ:

თავდაყირა (2015)

ერთი შეხედვით მულტფილმი, რომელმაც ოსკარი საუკეთესო ანიმაციური ფილმისთვის მიიღო, მარტივი და სახალისოა, მაგრამ მას ფილოსოფიური სიღრმეები აქვს, რომლებსაც 5 წლის ბავშვი შეიძლება ვერ ჩასწვდეს, მაგრამ ზედაპირულად ყურებისას სიამოვნებას ყველაზე პატარა მაყურებელიც კი მიიღებს. სასაცილო და ამავე დროს სერიოზული ანიმაციური ფილმი, რომელიც მიზეზ-შედეგობრივ კავშირებზე და ემოციებზე მოგვითხრობს, რომლებიც ადამიანებს გვმართავენ. წინ დიდი სიამოვნება გელოდებათ.

ზღვის სიმღერა (2014)

თქვენ თვალწინ ზღვის ტალღების ხმაურში ირლანდიური მითი გაცოცხლდება. ტომ მურის მულტფილმი, რომელიც ოსკარზე საუკეთესო ანიმაციური ფილმისთვის იყო ნომინირებული, იდუმალ და წარმოუდგენელ სამყაროს გვიშლის, რომელიც მდიდარია ლეგენდებით და ეპიკური თქმულებებით. ეს არის ანიმაციური ფილმი, რომელიც ადამიანური ურთიერთობების სერიოზულ პრობლემებს ეხება. მულტფილმი პატარებს ულამაზეს ზღაპარს აჩუქებს, უფროსებს კი – ბევრ საფიქრალს გაუჩენს.

ერნესტი და სელესტინა (2012)

კიდევ ერთი ლამაზი მულტფილმი, რომელიც ნომინირებული იყო ოსკარზე საუკეთესო ანიმაციური ფილმისთვის. მაგრამ ამ ფილმის განხილვის დროს, რა თქმა უნდა, არ უნდა აღინიშნოს მხოლოდ მისი სილამაზე. მიუხედავად ისტორიის ბავშვური გულუბრყვილობის მანერით მოყოლისა, კარგად არის დემონსტრირებული საზოგადოებაში დამკვიდრებული ცრურწმენები და ნორმები. დათვი ანგარების ალეგორიაა, თაგვი კი – ლაჩრობის. ავტორები არავის არ განსჯიან, ისინი უბრალოდ ასახავენ სინამდვილეს, რადგან რეალურ ცხოვრებაში ყოველთვის იქნებიან დათვებიც და თაგვებიც.

როგორ მოვათვინიეროთ დრაკონი (2010)

არაჩვეულებრივი თავგადასავალი საინტერესო გმირებით, ბრძოლის დინამიკური სცენებით, კარგი იუმორითა და მუსიკით. ფანტასტიკური ისტორია მეგობრობაზე და ერთგულებაზე, რომელიც გულგრილს არც ზრდასრულებს და არც პატარებს არ დატოვებს. ისტორია იმის შესახებ, თუ როგორ დაამსხვრიოთ ორი კლანის გაუგებრობის მრავალწლიანი კედელი. თუ ჯერ კიდევ ორჭოფობთ, ნახოთ თუ არა ეს მულტფილმი, დაგვიჯერეთ, არ ინანებთ.

მაღლა (2009)

ორი ოსკარის მფლობელი ულამაზესი ანიმაციური ფილმი, რომელიც სავსეა, როგორც ბედნიერი, ისე სევდიანი მომენტებით. წინ გელოდებათ მოგზაურობა საინტერესო პერსონაჟებთან ერთად, რომლებიც სხვადასხვა სიტუაციებში ხვდებიან. ფილმში ბევრი იუმორი და საინტერესო სცენაა, რომელიც ნებისმიერი ასაკის მაყურებელს მოეწონება. ასეთი გულისამაჩუყებელი და ამაღელვებელი მულტფილმი საკმაოდ იშვიათია.

უოლ-ი (2008)

ძალიან მნიშვნელოვანი მულტფილმი, რომელიც ერთ-ერთ ყველაზე დიდ პრობლემას ეხება და რომელიც ყველამ უნდა ნახოს. დედამიწის დაბინძურების თემა და ადამიანების მოქმედებები, რომლებმაც შესაძლოა უდიდეს კატასტროფამდე მიგვიყვანოს. ამ ყველაფერს მულტფილმის შემქმნელები პატარა რობოტის თვალებით გვიჩვენებენ. ეს არის ძალიან ლამაზი ფილმი, ძალიან მნიშვნელოვანი პრობლემით, რომლის ყურებაც ყველას თავისებურ სიამოვნებას მიანიჭებს. კიდევ ერთი ნამუშევარი, რომელმაც ოსკარი საუკეთესო ანიმაციური ფილმისთვის მიიღო.

ნემოს ძიებაში (2003)

ეს ისტორია ყველასთვის ნაცნობია და ბევრ ახსნას არ საჭიროებს. ეს არის ნამუშევარი, რომელიც ანიმაციურ ფილმზე მეტად ოკეანარიუმში დაივინგური ექსკურსიის შთაბეჭდილებას დაგიტოვებთ. მიუხედავად იმისა, რომ ფილმი ჯამში თბილი და სახალისოა, სცენარისტები ისეთ მნიშვნელოვან თემას შეეხნენ, როგორიცაა გარემოს დაბინძურება. მოვლენები იმდენად საინტერესოდ ვითარდება, რომ მოსაწყენი დრო არც ერთი ასაკის წარმოამდგენელს არ დარჩება.

ლილო და სტიჩი (2002)

მულტფილმი, რომელიც სიკეთისა და ოჯახის მოფრთხილების ყველაზე კარგი გაკვეთილია. მაღალი ხარისხის ულამაზესი ანიმაცია შესაფერისი გმირებით. მისი ნახვა მოუბეზრებლად შეიძლება, რადგან თავად ოჯახის თემა, შეიძლება ითქვას, რომ ამოუწურავია და ყოველი ნახვის შემდეგ ახალი დეტალები შეიძლება აღმოაჩინოთ.

კოკო (2017)

კიდევ ერთი ორი ოსკარის მფლობელი მულტფილმი, რომელიც ორიგინალური და უჩვეულო იდეით გამოირჩევა. სტუდია Pixar თითქმის ყოველთვის ცდება უბრალოდ საბავშვო კინემატოგრაფიის ჩარჩოებს და გაცილებით ღრმა და მნიშვნელოვან თემებს ეხება ხოლმე. მაგრამ რეჟისორები და სცენარისტები ყოველთვის ახერხებდნენ ამა თუ იმ პრობლემის გადმოცემას ლამაზ და საინტერესო სამყაროში, რომლის ყურებაც ნებისმიერი ასაკის მაყურებლისთვის იქნება საინტერესო, შესაბამისად, არც ეს მულტფილმია გამონაკლისი. ბევრი კრიტიკოსი მას თანამედროვე კინემატოგრაფიის შედევრსაც კი უწოდებს. ეს არის ღრმა, ამაღელვებელი და მნიშვნელოვანი აზრის მატარებელი მულტფილმი, რომელიც იმსახურებს თქვენს ყურადღებას.

მეფე ლომი (1994)

რა თქმა უნდა, დღევანდელი კოლექცია ამ მულტფილმის გარეშე წარმოუდგენელია. ალბათ, თითოეული თქვენგანი დაგვეთანხმება, რომ კლასიკად აღიარებული მულტფილმი ყველას ყურადღებას იმსახურებს. პირველ რიგში უნდა აღინიშნოს, რომ მოქმედება, რომელიც მულტფილმში ვითარდება, ერთგვარი ანარეკლია. ფილმი ისეთ თემებს ეხება, როგორიცაა ღირსება, ოჯახური ღირებულებები, ცხოვრების ციკლი, შეუჩერებელი პროცესები და დედამიწაზე არსებული ყველა ცოცხალი არსების ურთიერთკავშირი.