კოლექცია: როგორია ფანატიზმში გადაზრდილი სიყვარული?

nugo July 11, 2021

სამწუხაროდ, ყველა სიყვარული არ არის ჰაეროვანი და მარტივი, ხანადხან უბრალო სიყვარული შეიძლება დამანგრეველ გრძნობად იქცეს, რომელიც ადამიანებთან ერთად, სიყვარულსაც აქრობს . წარმოგიდგენთ ფილმებს, რომლებიც გაჩვენებთ, როგორი შეიძლება იყოს გრძნობა, როდესაც ადამიანი სიყვარულით არის შეპყრობილი. და ამ შემთხვევაში “შეპყრობილს” პირდაპირი მნიშვნელობით ვგულისხმობთ

მხოლოდ შენ გხედავ (2017)

როდესაც ბავშვობიდან უსინათლო ხარ, მაგრამ გყავს საყვარელი მეუღლე, რომელიც გიფრთხილდება, რთული წარმოსადგენია, რომ მხედველობის აღდგენის შემთხვევაში რაიმე შეიძლება შეიცვალოს. მაგრამ წყვილის პრობლემები სწორედ ბლეიკ ლაივლის გმირის მხედველობის აღდგენის შემდეგ დაიწყო, როდესაც მასში ვნებიანმა ბუნებამ გამოიღვიძა და ახალი ინტერესები გაუჩნდა. ეს სიახლეები, რა თქმა უნდა, მეუღლეს არ ახარებს და მათი ურთიერთობა ნგრევას ჩვენ თვალწინ იწყებს.

ქლოია (2010)

რამდენად უნდა გეპარებოდეთ ეჭვი საკუთარ მიმზიდველობაში, რომ ქმრის ერთგულების შესამოწმებლად სხვა ქალი დაიქირაოთ? ჯულიანა მურის გმირი მიმზდიველ ქლოის დაიქირავებს მისი მეუღლის შესამოწმებლად, მაგრამ, რა თქმა უნდა, გარკვეული შეზღუდვებით. მეუღლე შემოწმებას ვერ გადის, გოგონა კი ქალს თავისი მონაყოლით აწვალებს, მაგალითად, როგორია სექსი მის მეუღლესთან. მართალია ქალი გოგონას ექსპერიმენტის შეწყვეტას თხოვს, მაგრამ ის ამაზე უარს ამბობს…

მომკალი ნაზად (2002)

ერთი შეხედვით ნამდვილი ბედნიერებაა, როდესაც ცნობილ ალპინისტს უყვარდები, რომელიც სულ სხვა, აქამდე შენთვის უცხო სამყაროს გიჩვენებს, გიხსნის ახალ შეგრძნებებსა და ჰორიზონტებს, თუმცა სამაგიეროდ, სასტიკ კონტროლს გიწესებს – როგორც სექსში, ისე ცხოვრებაში. ფილმის მთავარი გმირი ამაზე თანახმა იყო და სიამოვნებდა კიდეც, სანამ ერთი უსიამოვნო დეტალი არ აღმოაჩინა…

სკანდალური დღიური (2006)

რიჩარდ ეირეს ფილმი აკრძალულ სიყვარულზე, რომელმაც უამრავი ადამიანის ყურადღება მიიპყრო, ოსკარზე კი ოთხ კატეგორიაში იყო ნომინირებული. არასდროს ვიცით, როგორ მოვიქცეთ კონკრეტულ სიტუაციაში, თუმცა მაშინ, როდესაც იგებ, რომ შენი თანამშრომელი (რომელსაც მეუღლე და შვილი ჰყავს) რომანს 15 წლის მოსწავლესთან აბამს, არჩევანი არც ისე მრავალფეროვანია-

დაბადება (2004)

სიყვარულს ნამდვილად შეუძლია ადამიანის გაგიჟება. რამდენად გიჟური უნდა იყოს სიყვარული, რომ დაიჯეროთ – თქვენთან მოსული პატარა ბიჭი თქვენი გარდაცვლილი მეუღლეა?! დიახ, ძალიან უცნაურად ჟღერს, მაგრამ ნიკოლ კიდმანის გმირს იმდენად უყავრდა მისი მეუღლე, რომ მზად არის ახალ საქმროზე უარი თქვას, გაიქცეს ახალგაზრდა მეუღლესთან ერთად და მის სრულწლოვანებას დაელოდოს…

გაუჩინარებული ქალი (2014)

სიყვარულით შეპყრობილი ადამიანის კიდევ ერთი კარგი მაგალითი. ერთი შეხედვით იდეალური წყვილის ურთიერთობა, სულაც არ არის სრულყოფილი. ოჯახური ცხოვრება ხანდახან წლებთან ერთად რთულდება და იმ მომხიბვლელობას კარგავს, რის გამოც ოჯახები იქმნება. რა შეიძლება მოიფიქროს ქალმა ურთიერთობის გასამრავალფეროვნებლად? ან რა შეიძლება მოიმოქმედოს თანაცხოვრების ბოლო პერიოდის გამო, რომელიც ფარსად იქცა?

ლოლიტა (1997)

ეს ფილმი ვნების და აკრძალული სიყვარულის განსახიერებაა, რომელიც უფროს მამაკაცს და ჭირვეული ახალაგზრდა გოგონას შორის ჩნდება. ეს ფილმი იმის კარგი მაგალითია, რომ განათლება და გონიერება გრძნობებთან არავითარ კავშირში არ არის და ბავშვობის კომპლექსმა ნებისმიერ დროს შეიძლება იჩინოს თავი. მამაკაცი, რომელსაც ქალების ყურადღება არ აკლია, თავადაც ხვდება, რომ მისი ახალგაზრდა გოგონებისადმი მიზიდულობა საშინელებაა და ყველანაირად ცდილობს ყურადღების გადატანას, მაგრამ თავის გაკონტროლება კიდევ უფრო რთული, ლოლიტას გამოჩენის შემდეგ ხდება…

მწარე მთვარე (1992)

მეუღლესთან ერთად მოგზაურობისას სხვა ქალით დაინტერესება არც ისე სასიამოვნო უნდა იყოს, მაგრამ როდესაც მისი მეუღლე გხვდება, ალბათ, კიდევ უფრო უხერხულია. განსაკუთრებულ უხერხულობას კი მისი მონაყოლი ქმნის: როგორ სურდა მას მწერალი გამხდარიყო, მაგრამ შემდეგ მას შეხვდა, რომანი ზედმეტად სწრაფად ვითარდებოდა, საწოლში კი ექსპერიმენტების ჩატარება უყვარდათ, რომლებიც ხანდახან ზომიერების ფარგლებს სცდებოდა.

საშო (2010)

ძალიან რთულია, იმ ადამიანის გარდაცვალებას შეეგუო, რომელიც შენი ბავშვობის მეგობარი, შემდეგ კი შენი მეორე ნახევარი ხდება. როდესაც ყველაფერს ამ ადამიანთან აკავშირებ, მის სიკვდილსაც ვერ ეგუები. ევა გრინის პერსონაჟიც ვერ შეეგუა საყვარელი ადამიანი დაკარგვას და წარმოუდგენელ გადაწყვეტილებამდე მივიდა. მისი გადაწყვეტილება ნამდვილად სადაო და ბევრისთვის მიუღებელიცა, მაგრამ სიგიჟემდე შეყავრებული ადამიანის შეჩერება, როგორც ჩანს, შეუძლებელია…

ვუყვარვარ… არ ვუყვარვარ (2002)

ფსიქოლოგიური დრამა, რომელიც წარმატებული ხელოვნების სტუდენტის ისტორიას მოგვითხრობს. ეროტომანიის და განსხვავებული ხედვების თანმიმდევრობა ოსტატურად არის შესრულებული და ფილმს კიდევ უფრო საინტერესოს ხდის. ფილმი, რომელშიც მთავარ როლს ოდრი ტატუ ასრულებს, სიყვარულზე, სასოწარკვეთილებაზე და გაუგებრობებზეა.