კოლექცია უხასიათოებისთვის: რა ვნახოთ ასეთ ამინდში, როცა გარეთ გასვლა არ გვინდა

nugo July 11, 2021

ქუჩაში ტემპერატურა ყოველდღიურად იკლებს, დღეები მოკლდება და ჩვენც სულ უფრო ნაკლებად გვინდა გარეთ გასვლა. ვბუზღუნებთ, გვცივა, უხასიათოები ვართ და მოკლედ, სახლიდან გასვლაზე კატეგორიულ უარს ვაცხადებთ.

მაგრამ, ასეთ დროს, დროის გასაყვანად ხომ ბევრი ხერხი არსებობს? აი, მაგალითად ფილმების ყურება, რომლებიც, სხვათა შორის, საახალწლო განწყობასაც შეგვიქმნის და მეტიც, კარგ ხასიათზე დაგვაყენებს.

მოკლედ, ბუზღუნებო, თქვენთვის კოლექცია გვაქვს:

სექსი დიდ ქალაქში (2008)

მილიონობით ადამიანის საყვარელი სერიალის ფილმის გადაღება ფანებისთვის, ალბათ, ყველაზე სასიხარულო გადაწყვეტილება იყო. რა თქმა უნდა, ფილმშიც არანაკლებ საინტერესო მოვლენები ვითარდება, ასე რომ, წინ ბევრი ცრემლი, სიცილი, ინტრიგა და რაც მთავარია საყვარელი გმირების საინტერესო თავგადასავალი გელოდებათ. ეს სწორედ ის ფილმია, რაც თქვენ გჭირდებოდათ! პ.ს მაიკლ პატრიკ კინგის დამსახურებით თქვენ ფილმის მეორე ნაწილის ყურების საშუალებაც გაქვთ.

საახალწლო სასტუმრო (1942)

თუ თქვენ გიყვართ მიუზიკლები, მაშინ მოიმარჯვეთ შამპანურები და მოემზადეთ ნამდვილი საახალწლო ზეიმისთვის. წინ გელოდებათ ფრედ ასტერის და ბინგ კროსბის შესანიშნავი ცეკვები, რომლებიც ახალი წლის ჩათვლით, მთელი დღესასწაულების მანძილზე გრძელდება და ძველი ჰოლივუდის მომხიბვლელობა აქ უმთავრესია, რომელიც ბევრს, ალბათ, ენატრება კიდეც.

როდესაც ჰარი შეხვდა სალის (1989)

თვალყური ადევნო იმას, თუ როგორ უყვარდება ორ ადამიანს ერთმანეთი წლების მანძილზე, ყოველთვის სასიამოვნოა, მაგრამ მეგ რაიანმა და ბილი კრისტალმა ეს პროცესი კიდევ უფრო სრულყოფილი გახადეს. მათი ახალი წლის კოცნა ყველა დროის ერთ-ერთი ყველაზე რომანტიკული მომენტია, რომელმაც უამრავი ადამიანის გული გაათბო. მოდუნდით და მიეცით თავს უფლება დატკბეთ ამ ლამაზი ისტორიით.

ბრიჯიტ ჯონსის დღიური (2001)

კიდევ ერთ ყველასთვის საყვარელი საახალწლო საღამო, რომელიც ბრიჯიტ ჯონსის დღიურში ვითარდება. ტიპური რომანტიკული კომედია მუდმივად მარტოხელა ქალბატონისთვის. ბევრს ვერაფერს ვერ ვიტყვით ამ ფილმზე, გარდა იმისა, რომ რენე ზელვეგერის, კოლინ ფერტი და ჰიუ გრანტის ტრიო აუცილებლად გაგიხალისებთ საღამოს.

ოუშენის 11 მეგობარი (1960)

ძველი ოუშენის 11 მეგობარი, რომელშიც მთავარ როლებს ფრენკ სინატრა, სემი დევის უმცროსი და დინ მარტინი ასრულებენ. სწორედ ისინი მიუძღვებოდნენ ოუშენის გუნდს, ჯორჯ კლუნიმდე. მათ კაზინოს გაძარცვა ახალ წელს, ზუსტად 12 საათზე გადაწყვიტეს. რა თქმა უნდა, ეს არ არის კლასიკური საახალწლო ფილმი, მაგრამ, ვფიქრობთ, რომ საჭირო განწყობას მაინც შეგიქმნით.

ქირა (2005)

მიუზიკლის მოყვარულების უმეტესობა მთელი მსოფლიოს მასშტაბით, საყვარელ ფილმად სწორედ “ქირას” ასახელებენ. მისი პირველი მოქმედება შობის და ახალი წლის შორის ვითარდება და ძალიან კარგად ასახავს იმედს, რომელიც ახალ წელს ახლავს უამრავი ადამიანისთვის.

თოვლისმჭრელი (2013)

თოვლისმჭრელი – ეს არის უცნაური პოსტაპოკალიფსური პერიოდი, რომელიც უშუალოდ, როგორ უცნაურადაც არ უნდა ჟღერდეს, მატარებელში ვითარდება. ფილმში გელოდებათ არაჩვეულებრივი დეკორაციები, სიუჟეტური ხაზები და ყველაზე უცნაური საახალწლო დღესასწაული, რაც კი ოდესმე გადაღებულა, რაც ფილმს ნამდვილად დაუვიწყარს ხდის.

შვებულება (2006)

არაჩვეულებრივი ოთხეული არაჩვეულებრივ, კეთილ და თბილ ფილმში იმის შესახებ, რომ ცვლილებები ცხოვრებაში ძალიან ხშირად დადებითად აისახება. განსაკუთრებით კი ჩვენთვის, თანამედროვე ადამიანებისთვის, რომლებსაც არ გვყოფნის სითამამე დასვენების დღეებში მაინც გამოვრთოთ ტელეფონები. ფილმის ყურების შემდეგ აუცილებლად მოგინდებათ მიბაძოთ კამერონ დიაზის და ქეით უინსლეტის გმირებს.

ინტუიცია (2001)

სასიამოვნო, სწორად შერჩეული ხუმრობებით, სასიამოვნო კადრებით, კარგი მსახიობებითა და არაჩვეულებრივი საახალწლო ატმოსფეროთი, რომელიც აუცილებლად ჩაგიღვრით სითბოს. ალბათ, ფილმის ყურების დროს ყველას გაუჩნდება სურვილი საყვარელი ადამიანის გვერდით აღმოჩნდეს, ხოლო ვისაც ის ჯერ არ ჰყავს, დააფიქრებს ისეთივე ზღაპრულ შეხვედრაზე, როგორიც წინ მთავარ გმირებს ელით.

უძინარები სიეტლში (1993)

ერთ-ერთი ყველაზე ამაღელვებელი ფილმი, რომელიც გასაოცარია თავისი სიმარტივითა და შინაარსით. გაატაროთ ცივი და სუსხიანი საღამო ამ ფილმის გმირებთან ერთად, ნამდვილი საჩუქარია საკუთარი თავისთვის. მაში არის ყველაფერი, რაც საჭიროა: სიმპათიური და მარტოხელა მთავარი გმირი, რომელსაც ტომ ჰენკსი ასრულებს, მეგ რაიანის უბრალო, მაგრამ მომხიბვლელი გმირი, არაჩვეულებრივი ბავშვები, დასამახსოვრებელი ციტატები კლასიკიდან და საოცრად თბილი ატმოსფერო.