ნამდვილი სიყვარულის ისტორიაზე დაფუძნებული 10 ფილმი

nugo July 11, 2021

კინოში ბევრი ისეთი სიყვარულის ისტორია გვინახავს, რომ მათი რეალურობა ძნელი დასაჯერებელია. თუმცა, ზოგიერთი სიმართლეს შეესაბამება. სამწუხაროდ, ყველა ამ ლამაზი ისტორიის დასასრული ბედნიერი არ ყოფილა, მაგრამ ეს ფაქტი სულაც არ ხდის მათ ნაკლებად მომხიბვლელს. გთავაზობთ ნამდვილი სიყვარულის ისტორიაზე დაფუძნებულ 10 ფილმს:

ახალგაზრდა ვიქტორია (2009)

ახალგაზრდა ვიქტორია

ტახტზე ასვლამდე ერთი წლით ადრე, 17 წლის ვიქტორია პრინც ალბერტს შეხვდა და მაშინვე შეუყვარდა. მათ 1840 წელს იქორწინეს და ერთმანეთთან ბედნიერი სიყვარული აკავშირებდათ ალბერტის სიკვდილამდე. ფილმი აღწერს ურთიერთობის დასაწყისს, როცა წყვილს ბევრი დაბრკოლების გადალახვა მოუწია.

დიდი ავადმყოფობა (2017)

დიდი ავადმყოფობა

პაკისტანელი სტენდაპ-კომიკოსი თავის ერთ-ერთ შოუზე ამერიკელ გოგონას გაიცნობს და უყვარდება. მას გოგოს ცოლად მოყვანა სურს, თუმცა ტრადიციული ოჯახი მის ამ სურვილს ეწინააღმდეგება. წინააღმდეგია გოგოს ოჯახიც. თუმცა, რაც უფრო იზრდება წინააღმდეგობა, იზრდება მათი სიყვარულიც. ფილმის პროდიუსერები ნამდვილი წყვილია, რომელთაც საკუთარმა ისტორიამ ფილმის შექმნა შთააგონა.

უკვდავი შეყვარებული (1994)

უკვდავი შეყვარებული

გენიოსი კომპოზიტორი, ლუდვიგ ვან ბეთჰოვენი კვდება და მის ადვოკატს ერთი უჩვეულო პრობლემა ექმნება – ბეთჰოვენი მთელ ქონებას უკვდავ შეყვარებულს უტოვებს. ფილმი აცოცხლებს კომპოზიტორის საოცარი სიყვარულის ამბავს უცნობი ქალისადმი, რომელიც მისი მუზა იყო.

ახალი სამყარო (2005)

ახალი სამყარო

ეს ისტორიული დრამა, რომელიც ინდიელთა დაპყრობას აღწერს, კაპიტან ჯონ სმიტის წიგნს ეფუძნება და ისტორიული ფაქტების პარალელურად, გვიყვება კაპიტნისა და უფროსის ქალიშვილის საოცარი სიყვარულის ისტორიას.

ბრწყინვალე გონება (2001)

ბრწყინვალე გონება

ბრწყინვალე გონება ნობელის პრემიის ლაურეატი მათემატიკოსის, ჯონ ნეშის ტრაგიკულ ცხოვრებაზე გვიყვება. ცნობილი ფაქტია, რომ მათემატიკოსი შიზოფრენიით იტანჯებოდა. მისი ცოლი, ალისია მეუღლეს ყველანაირად გვერდში ედგა და მიუხედავად ხანგრძლივი განშორებისა, სიცოცხლის უკანასკნელი წლები მათ ერთად გალიეს.

კლეოპატრა (1963)

კლეოპატრა

ოთხი ოსკარის მფლობელი სურათი ერთ-ერთ ყველაზე ძვირადღირებულ სასიყვარულო ფილმად ითვლება და კლეოპატრასა და მარკუს ანტონიუსის სიყვარულზე გვიყვება. მათი ძლიერი ვნება გარკვეულ მომენტში მათ სტატუსზე მაღლა დადგა, რამაც გაუთვალისწინებელი შედეგები გამოიწვია…

50 პირველი პაემანი (2004)

50 პირველი პაემანი

ქალების გულთამპყრობელ ჰენრის უყვარდა ლუსი, გოგონა, რომელსაც მეხსიერების იშვიათი დარღვევა აქვს. ყოველ დილას, გაღვიძებისას, მას საერთოდ არ ახსოვს, რა მოხდა წინა დღეს და კაცს დიდი ნებისყოფის გამოვლენა სჭირდება ურთიერთობის შესანარჩუნებლად… მიშელ ფილფოტს, ორი ავტოავარიის შემდეგ, მართლა დაემართა მეხსიერების დარღვევა, თუმცა რეალურ ცხოვრებაში მას სიყვარული პრობლემის მოგვარების შემდეგ ეწვია.

კაშკაშა ვარსკვლავი (2009)

კაშკაშა  ვარსკვლავი

ფილმი ეფუძნება ინგლისელი რომანტიკოსი პოეტის, ჯონ კიტსის ისტორიას. მან 15 წლის ასაკში მშობლები დაკარგა, რამაც მის შემდგომ ცხოვრებაზე დიდი გავლენა იქონია. ფინანსური პრობლემები კი პირდაპირ აისახა მის ჯანმრთელობაზე. ფილმი პოეტის ბოლო სამ წელს აღწერს, როდესაც კიტსი აცნობიერებს, რომ სიკვდილის პირასაა, თუმცა მოულოდნელად დიდი სიყვარული ეწვევა.

ყველაფრის თეორია (2014)

ყველაფრის თეორია

ბიოგრაფიული დრამა ცნობილი ფიზიკოსის, სტივენ ჰოკინგის ცხოვრებაზე გვიყვება. ფიზიკოსი, რომლის თეორიამაც ნამდვილი გადატრიალება მოახდინა, იშვიათი დაავადებით იტანჯებოდა. ფილმის სიუჟეტური ხაზი მისი სიყვარულის ისტორიას მიჰყვება.

უდაბნოს დედოფალი (2015)

უდაბნოს დედოფალი

ფილმი ბრიტანელი მწერლისა და მოგზაურის, გერტურდა ბელის ბიოგრაფიას აცოცხლებს, მდიდარი ოჯახის შვილის, რომელსაც არ ანაღვლებს ლონდონის არისტოკრატული ცხოვრება და აღმოსავლეთში მიემგზავრება, სადაც საელჩოს თანამშრომელს ხვდება და უყვარდება. ფილმში გერტრუდას როლს ნიკოლ კიდმანი ასრულებს.