ოსკარზე ნომინირებული ფილმები, რომლებიც უნდა ვნახოთ სანამ დროა

nugo July 11, 2021

დრომ ისე სწრაფად ჩაირბინა, თვალის დახამხამება ვერ მოვასწარით და ოსკარი უკვე კარზე მოგვდგომია. ეს ცერემონია ყოველ წელს  ულამაზესი კაბებით, წითელი ხალიჩის ამბებით,   ცხელ-ცხელი ჭორებით, ფანტასტიური შოუთი და ერთ სივრცეში თავმოყრილი  ჩვენი საყვარელი კუმირებით გვანებივრებს.  იმედი გვაქვს, რომ 2019 წელი არ იქნება გამონაკლისი და ოსკარის ცერემონია იმედებს არ გაგვიცრუებს, ხოლო სანამ ნომინანტები წინა საცერემონიო ციებ-ცხელებაში არიან ჩართულები, ჩვენ გაგაცნობთ ფილმებს რომლებიც ოსკარამდე აუცილებლად უნდა ნახოთ.

რომა

ფილმი რომა წარდგენილია ოსკარზე ათ ნომინაციაში. მან უკვე დაიმსახურა ისეთი ჯილდოები როგორიც BAFTA და ოსკარი. კუარონის ეს ფილმი 2019 წელს, ოსკარის ერთ-ერთი მთავარი ნომინანტია, რომელიც საოცარი ოსტატობითაა დატვირთული ალეგორიებით, მხავრული სახე-სიმბოლოებით  და  ერთი  გოგონას ისტორიას გვიამბობს.

ფავორიტი

XVIII სუკუნის დასაწყისი, დედოფალი ანა, ლედი სარა და ახალი მოსამსახურე აბიგეილი. სამივე როლის შემსრულებელი ქალი ოსკარზეა წარდგენილი. ფილმს სულ 10 ნომინაცია აქვს. ლანთიმოსი, რომელიც  დაბალბიუჯეტიანი, ყველასათვის უცნობი ფილმებით იწყებდა ახლა მსოფლიოდონის რეჟისორი გახდა.

ვარსკვლავის დაბადება

ბრედლი კუპერის ეს სადებიუტო ფილმი, რომელშიც თვითონ რეჟისორი და ლედი გაგა მთავარ როლებს ასრულებენ,  ოსკარზე რვა ნომინაციაშია წარდგენილი. ცნობისთვის, ვარსკვლავის დაბადება 1937 წლის ორიგინალი ფილმის მესამე რიმეიქია.

ვიცე

ეს ფილმი, აშშ-ს ვიცე-პრეზიდენტის ისტორიას გვიყვება და რვა ნომინაციაში გამარჯვებისთვის იბრძვის. აქვე უნდა აღვნიშნოთ კრისტიან ბეილის კიდევ ერთი გარდასახვა, როლისთვის მან 20 კილო მოიმატა.

შავი პანტერა

აფრიკაში ჩამალული ქვეყანა ვაკანდა, რომლის კანონიერი მეფე შავი პანტერის ძალითაა დაჯილდოებული და მუდამ სამართლიანობის სადარაჯოზე დგას.  კომიქსების მიხედვით გადაღებული ფილმები ოსკარის მთავარ ნომინაციებში არასდროს ყოფილა წარდგენილი, “შავი პანტერა” კი სულ რვა ჯილდოსთვის და მათ შორის საუკეთესო ფილმის ტიტულისთვისაც იბრძვის.

შავი კუკლუქსკლანელი

ფილმი შავი კუკლუქსკლანელი, შავკანიანი ამერიკელი პოლიციის შესახებ გვიყვება, რომელიც სამოცდაათიანებში, კუკლუქსკლანში შეღწევას გადაწყვეტს. სპაიკ ლი, კომედიურ ფილმშიც რასიზმისა და ექსტრემიზმის თემას ეხება. ფილმი 6 ოსკარზეა ნომინირებული.

მწვანე წიგნი

კიდევ ერთი ფილმი, რომელიც რასიზმის და სეგრეგაციის თემას ეძღვნება. ისტორია საკმაო ლაღად და პოზიტიური კუთხითაა წარმოდგენილი. ფილმი დონ შირლის, ვირტუოზი პიანისტისა და მისი მცველის და მძღოლის საინტერესო ამბავს გვიამბობს. მწვანე წიგნი, ოსკარზე 5 ნომინაციაშია წარდგენილი.

ბოჰემური რაფსოდია

ლეგენდარული ჯგუფისა და მისი ვოკალისტის, ფრედი მერკურის, შესახებ გადაღებული ეს ფილმი, ასევე 5 ოსკარზეა წარდგენილი. რამი მალეკის მიერ მთავარი როლის შესრულებამ გულგრული არავინ დატოვა. ფილმმა უამრავი განსხვავებული შეფასება დამსახურა და ინტენსიური კამათი გამოიწვია.

 ადამიანი მთვარეზე

ქალიშვილის გარდაცვალების შემდეგ, ნილ არმსტრონგი ასტრონავტების მოსამზადებელ პროგრამაში ეწერება და მიუხედავად ყველა სირთულისა და ტკივილის, სწორედ მას მოუწევს , იყოს პირველი ადამიანი მთვარეზე. ფილმმი ოსკარის 4 ნომინაციაშია წარდგენილი.

შეგიძლიათ, ოდესმე მაპატიოთ?

ეს არის წარუმატებელი მწერალი ქალის ისტორია, რომელიც დაიწყებს ცნობილი ადაიანების წერილების გაყალბებას, რაც მას წარმატებასაც და კიდევ მოულოდნელ ამბებს მოუტანს. ფილმი სამ ოსკარზეა ნომინირებული.

ცივი ომი

პავლიკოვსკის ფილმი, რომელიც ომის შემდგომი პერიოდის  პოლონეთის სურათს წარმოაჩენს, სამ ნომინაციაშია წარდგენილი. ორი სრულიად განსხვავებული წარმომავლობისა და ხასიათის ადამიანის შეხვედრა-განშორებების მთელი ციკლი აუცილებლად უნდა ნახოთ ოსკარის ცერემონიამდე.

ამ ფილმების ნახვის შემდეგ, წყნარად შეგვიძლია დაველოდოთ ოსკარის დაჯილდოებას.