ტოპ 10 სერიალი, რომელსაც მაყურებელი არაერთხელ უბრუნდება

ნებისმიერი ჩვენგანის ცხოვრებაში, ალბათ, მინიმუმ ერთი საყვარელი სერიალი მაინც არსებობს, რომელსაც დროდადრო ვუბრუნდებით. არ აქვს მნიშვნელობა ჟანრს – შესაძლოა, ეს იყოს კომედია, რომელიც უბრალოდ კარგ ხასიათზე გვაყენებს, ან ფსიქოლოგიური დრამა, რომლის ერთხელ ნახვაც უბრალოდ საკმარისი არ არის.

გთავაზობთ 10 ყველაზე ხშირადმიბრუნებად სერიალს ტელევიზიის ისტორიაში:

1. მოსმენა

მოსმენა არ არის მხოლოდ ის სერიალი, რომლის ხელმეორედ ნახვის სურვილიც გიჩნდება – ეს არის სერიალი, რომლის განმეორებით ნახვაც უბრალოდ სავალდებულოა, რადგან უბრალოდ შეუძლებელია ერთხელ ყურებით გაშიფრო და ამოიცნო ყველა ის სიმბოლო თუ მინიშნება, რაც მასში შემქმნელებმა დამალეს.

2. საინფელდი

საინფელდი, ალბათ, არის შოუ, რომლიდანაც მაყურებელი ამა თუ იმ ფრაზას ყველაზე ხშირად ციტირებს. გარდა იმისა, რომ თავის დროზე ის პოპულარობის პიკზე იმყოფებოდა, მისი ხელახლა ნახვა ახლაც ძალიან სახალისოა, რადგან არაერთ ცნობილ მსახიობს საკუთარი კარიერის საწყის ეტაპზე აღმოვაჩენთ.

3. სამეფო კარის თამაშები

სახელწოდებაც კი საკმარისია იმისთვის, რომ მივხვდეთ თუ რა ტიპის შოუსთან გვაქვს საქმე. რა თქმა უნდა, მისი ერთხელ ნახვა არ კმარა სიტუაციაში გასარკვევად – პირველ რიგში კარგად უნცა გავიცნოთ პერსონაჟები, რათა მივხვდეთ, თუ ვინ ამბობს სიმართლეს და ვინ იტყუება. გარდა სერიალის არაერთხელ ნახვისა, ნებისმიერ მაყურებელს ვურჩევთ წაიკითხონ “ყინულისა და ცეცხლის სიმღერა”, რათა კიდევ უფრო ჩაუღრმავდნენ ჯორჯ მარტინის შექმნილ სამყაროს.

4. სოპრანოს კლანი

უამრავი მაყურებელი მიიჩნევს, რომ სოპრანოს კლანი ტელევიზიის ისტორიაში შექმნილი საუკეთესო სერიალია. შოუში იდეალურადაა დაწერილი დიალოგები, რომელთა მოსასმენადაც ერთხელ ნახვა, რა თქმა უნდა, არ კმარა. გარდა ამისა, არ დაგავიწყდეთ, რომ ეს სერიალი მატყუარებზეა – ესეც კიდევ ერთი მიზეზი, თუ რატომ უნდა უყუროთ მას მინიმუმ ორჯერ მაინც.

5. ოფისი

რა თქმა უნდა, ოფისის ბრიტანული ვერსია შესანიშნავია, თუმცა ამერიკულს მაინც ვერ შეედრება. გარდა არაჩვეულებრივი პერსონაჟებისა, შოუ მაყურებლის უკან მიბრუნებას ხარისხიანი და ნონ-სტოპ იუმორითაც ახერხებს.

6. სიმფსონები

ჩართეთ სიმფსონების ნებისმიერი ეპიზოდი და დატკბით! უკან ნუ დაიხევთ მისი ანიმაციურობის გამო, სატირითა და იუმორით გაჯერებული სერიალი აუცილებლად გაგიჩენთ კიდევ არაერთხელ მიბრუნების სურვილს.

7. შეშლილები

კიდევ ერთი სერიალი, რომლის ჩახლართული სიუჟეტიც აუცილებლად მოითხოვს მეორედ ნახვას. გარდა ამისა, მისი სცენარი დახვეწილი და საინტერესო დიალოგებითაა გაჯერებული. სწორედ ამიტომ, ამ ჩამონათვალში შეშლილები საპატიო ადგილს იკავებს.

8. მეგობრები

მეგობრები, ალბათ, სწორედ ის სიტკომია, რომლის ნახვაც მის ერთგულ მაყურებელს არასოდეს მობეზრდება. ისევე როგორც სხვა კომედიური სერიალების შემთხვევაში, მეგობრებიდანაც მარტივია ნებისმიერი ეპიზოდის ამორჩევა – ჩვენ ყოველთვის ვიცით, რომ სიცილი და კარგი განწყობა გარანტირებულია!

9. პარკები და დასვენების ზონები

მიუხედავად იმისა, რომ პარკები და დასვენების ზონები ოფისისმაგვარ დოკუმენტალისტურ სტილს იყენებს, მას მაინც გააჩნია საკუთარი ღირსებები – პირველ რიგში კი ეს პერსონაჟებია. მაყურებელი აუცილებლად იპოვის მინიმუმ ერთ გმირს მაინც, რომელთანაც თავის გაიგივება შეუძლია.

10. შეაჩერე შენი ენთუზიაზმი

ხუმრობები, ხუმრობები, ხუმრობები – ეს სერიალი, რა თქმა უნდა, არ ჩადის სიღრმეებში, თუმცა იუმორი, რომელსაც მისი შემქმნელები გვთავაზობენ, მაყურებლისთვის ძალიან მარტივად მისაღებია და განტვირთვის ერთ-ერთ საუკეთესო საშუალებას წარმოადგენს.