ფილმები გამოცდებზე და ჩაჭრილებზე

nugo July 11, 2021

როგორც, ალბათ, უკვე ყველამ იცით, საქართველოში მე-11 კლასის მოსწავლეებისთვის უქმდება გამოსაშვები გამოცდები, რამაც გვიბიძგა შეგვექმნა კოლექცია და წარმოგვედგინა ფილმები ჩვენი ცხოვრების ერთ-ერთ უმნიშვნელოვანეს ეტაპზე, გამოცდებზე, მასში ჩაჭრილებზე და ადამიანებზე, რომლებმაც სისტემის მოტყუება სცადეს:

ჩაჭრილები (2006)

რა თქმა უნდა, დღევანდელი კოლექცია ამ ფილმით უნდა დავიწყოთ. ალბათ, ყველამ კარგად იცის სულხან კვერნაძის სახელობის უნივერსიტეტის შესახებ… ყალბი სტუდენტები, ლექტორები და კოლეჯი. სტივ პინკის კომედია, რომელშიც მოსწავლეები გამოცდებს ვერ აბარებენ, მაგრამ აღმოჩნდებიან ფიქტიურ კოლეჯში, რომელშიც აკეთებენ იმას, რაც სურთ, სწავლობენ იმას, რას სჭირდებათ. მოკლედ, არასტანდარტული კომედია, რომელმაც გამოცდებში ჩაჭრის სურვილიც კი შეიძლება გაგიჩინოთ. (ოღონდ, გირჩევთ, ეს ფილმი ქართულად ნახოთ. თავად მიხვდებით, რომ ფუჭი რჩევა არ მოგვიცია)

გამოხშირვა (2016)

უტოპიური ისტორია ახლო მომავალზე, რომელშიც გადაჭარბებული მოსახლეობის გამო სკოლის მოსწავლეებს ყოველდღიურად უწევთ სტანდარტული გამცოდების ჩაბარება. მას, ვინც ამ გამოცდებს ვერ გაუმკლავდება, განადგურება ელის. ფილმის მთავარი იდეა თავიდანვე გასაგებია, სიუჟეტის საინტერესო განვითარების და მსახობების დამსახურებით კი მაყურებელი თანაუგრძნობს პერსონაჟებს და თითქოს მათი წევრი ხდება…

უმაღლესი ქულა (2004)

გამოცდები, მასთან დაკავშირებული სირთულეები და ექვსი ახალგაზრდა, რომლებმაც პასუხების მოპარვა გადაწყვიტეს უმაღლესი ქულების ასაღებად. მომავალი, რომელიც ციფრებზეა დამოკიდებული: თუ საკმარისს ქულებს ვერ აიღებ – ყველა ოცნება წყალში ჩაგეყრება, გამოცდის წარმატებით ჩაბარების შემთხვევაში კი – ნებისმიერი კოლეჯის კარია ღია. ფილმის ექვსივე პერსონაჟი საინტერესოა და თითოეულ მათგანს პასუხების მოპარვის თავისი მიზეზი აქვს.

ცუდი გენიოსი (2017)

ცოდნას სწორი გამოყენება სჭირდება, მდიდარი ოჯახების შვილებით სავსე კოლეჯში კი, სადაც სწავლას სწორ პასუხებში ფულის გადახდა ურჩენიათ, ეს ძალიან მარტივია ბეჯითი მოსწავლისთვის. გოგონას ისტორია, რომელმაც ფულის გამოსამუშავებლად გამოცდებზე გადაწერის სპეციალური სისტემა მოიგონა, რეალურ მოვლენებს ეფუძნება.

21 და მეტი (2013)

როდესაც დილით ადრე საპასუხისმგებლო გამოცდა გაქვს, რომელიც შენს მომავალს განსაზღვრავ, დაბადების დღის აღნიშვნა არც ისე კარგი იდეაა და ეს ფილმი ამის კარგი მაგალითია. მით უმეტეს თუ ერთი კათხა ლუდი ბარიდან ბარში ხეტიალში და უსასრული სასმელში გადაიზრდება. მარტივი ფილმი კარგი იუმორით, რომელიც მეგობრების წრეში კიდევ უფრო სახალისო და სასიამოვნო სანახავია.