ფილმები იმაზე, რომ ფულით ბედნიერებას ვერ იყიდით

nugo July 11, 2021

ამ ფილმის გმირები ფულის შოვნაში წარმატებებს აღწევენ, მაგრამ მხოლოდ გარკვეული დროით, დაბადებული მდიდრები კი სხვადასხვა ტიპის სირთულეებს აწყდებიან და იტანჯებიან, მიუხედავად თავიანთი ქონებისა. გთავაზობთ ფილმებს, რომლებიც კიდევ ერთხელ შეგახსენებთ, რომ ბედნეირება ფულში არ არის:

სევდიანი ჟასმინი (2013)

ქეით ბლანშეტის შესანიშნავი პერფომანსი. მან განასახიერა ადამიანი, რომელსაც მილიონერი მეუღლის გაკოტრების შემდეგ თავისი მდიდრული სახლის დატოვება და დის პატარა ბინაში გადასვლა მოუწია. და პრობლემა არის არა იმაში, რომ მის პერსონაჟს აღარ აქვს ფული, არამედ იმაში, რომ მის ირგვლივ ახლა უბრალო ადამიანები არიან და თავადაც ერთ-ერთი მათგანია, ეს კი მისთვსი აუტანელია.  ბლანშეტმა ამ როლისთვის მიიღო ოსკარი საუკეთესო მსახიობი ქალისთვის.

დიდებული სილამაზე (2013)

ეს ფედერიკო ფელინის  1961 წლის ფილმის ტკბილი ცხოვრების რიმეიქია: ფილმის მთავარი გმირი ხანში შესული შეძლებული უსაქმურია, წარსულში ხმაურიანი ბესტსელერის ავტორი, ამჟამად კი – ჟურნალისტი, რომელიც მთელი ფილმის მანძილზე დადის წვეულებებზე და იტალიური ელიტის ქცევას აკვირდება, შუალედებში კი რომის ხედებით ტკბება. ადგილი, რომელშიც მდიდრების მოუსვენარი და უაზრო ცხოვრება სიკვდილისწინა აგონიად ჩანს.

უოლ სტრიტის მგელი (2013)

ფილმი ლეგენდარული ბროკერის ჯორდან ბელფორტის მემუარების მიხედვით არის გადაღებული, რომელმაც წვრილი აქციების სპეკულაციით უდიდესი ქონება იშოვა. მაგრამ თავად ამ აქციებზე ფილმში თითქმის არაფერია, სამაგიეროდ ის სავსეა შიშველი მოცეკვავეებით, აღვირახსნილობით, იახტებით, ფულითა და ფულზე ბევრი კოკაინით. ეს ყველაფერი, რა თქმა უნდა, ძალიან მოსწონს მთავარ გმირს, რომლის როლსაც ლეონარდო დიკაპრიო ასრულებს, მაგრამ მხოლოდ იქამდე, სანამ ამ ყველაფრით გამოძიების ფედერალური ბიურო არ დაინტერესდება.

მდიდარი რიჩი (1994)

პატარა მაკალეი კალკინის პერსონაჟი მამის ერთადერთი მემკვიდრეა და ის იმდენად მდიდარია, რომ ზუსტად არც კი იცის რამდენი ფული და სათამაშო აქვს. და რომ არა თაღლითი ლოურენს ვან დოუ, რომელმაც ბიჭის მთელი ქონების მითვისება გადაწყვიტა, შესაძლოა, მას ვერასდროს გაეგო, თუ რა არის ყველაზე მნიშვნელოვანი ამ ცხოვრებაში.

კოსმოპოლისი (2012)

რობერტ პატინსონის გმირის, ახალგაზრდა მილიონერის ცარიელი და უაზრო ცხოვრების 24 საათი. ამ დროის უმეტეს ნაწილს კი მთავარი გმირი თავის ლიმუზინში ატარებს. ის არაფერ ცუდს არ აკეთებს, თუ, რა თქმა უნდა, არ ჩავთვლით იმას, რომ თავის ახალგაზრდა მეუღლეს ღალატობს, ამის გარდა, კარგსაც არაფერს აკეთებს. არავისთვის, მათ შორის საკუთარი თავისთვის. ვინ იცის, რომ არ ჰქონოდა მას ამდენი ფული, იქნებ ყველაფერი სხვანაირად მომხდარიყო…

ავიატორი (2004)

ლეონარდო დიკაპრიოს პერსონაჟს ეხერხებოდა ყველაფერი. მას მამისგან მემკვიდრეობით პატარა ფაბრიკა ერგო და ის აქცია საწარმოდ, რომელმაც მას მილიონები მოუტანა. მას ჰქონდა რომანები დიდებულ მსახიობებთან, მაგრამ ვერც ეს აბედნიერებდა მას. ის მხოლოდ ჰაერში იყო ბედნიერი, ან დედამიწაზე, როდესაც უდიდეს თანხებს ახარჯავდა საფრენ აპარატებს.

ამერიკელი ფსიქოპატი (2000)

რთული სათქმელია, შეუძლია თუ არა ფულს ადამიანი ჭკუიდან შეშალოს, აი, მისი გამომუშავების საშუალებებს კი – მარტივად. ყოველ შემთხვევაში, სწორედ ასე ემართება კრისტიან ბეილის პერსონაჟს, ახალგაზრდა შეძლებულ ადამიანს, რომელმაც იცის, რომ დიდ ბიზნესში მხოლოდ დაუნდობელი მხეცები იმარჯვებენ და ის იქცა ამ მხეცად. ეს კლასიკის საკულტო ეკრანიზაციაა, რომლის ყურებაც აუცილებელია იმის გასააზრებლად, თუ სადამდე შეიძლება მიგვიყვანოს ფულზე ნადირობამ.

დიდი გეთსბი (2013)

და კვლავ ლეონარდო დიკაპრიო მილიონერის როლში, რომელიც მხოლოდ ვნებითაა შეპყრობილი, მაგრამ ამჯერად ეს არ არის ვნება ფულისადმი. როგორც თავიდანვე აღვნიშნეთ, ფულით ყველაფერს ვერ ვიყიდით, ყოველ შემთხვევაში, როგორც ბაზ ლურმანის ფილმში კარგად არის ნაჩვენები, სიყვარულს – ნამდვილად ვერ ვიყიდით.