ალბათ, ერთხელ მაინც, ყველას უჩნება სურვილი წარსულში აღმოჩნდეს. ამის გასაკეთებლად, ერთ-ერთი საუკეთესო ხერხი რეტრო ფილმების ნახვაა, რომელიც იმ პერიოდში იდეალურად გვამოგზაურებს და სულ ცოტა ხნით რეალობას მოგვწყვეტს.

დღევანდელ კოლექციაში წარმოგიდგენთ 10 გამორჩეულ კინოფირს, რომელიც იდეალურად ახერხებს, სულ სხვა საუკუნეში, სულ რამდენიმე საათით ვიცხოვროთ:

1. დიდი გეთსბი (2013)

შესანიშნავი პერიოდი – ჩარლსტონის ეპოქა. ახალგაზრდა და გამოუცდელი ნიკ კარაუეი, რომელსაც ტობი მაგუაიერი ასრულებს, იდუმალ მილიონერ ჯეი გეთსბის (ლეონარდო დიკაპრიო) იცნობს, რის შემდეგაც თავის ეშვება იმ დროის მდიდარი ადამიანების სამყაროში. ეს ულამაზესი ფილმი მოგვითხრობს სიყვარულის, მუდმივი ოცნების, ძალაუფლების წყურვილის და ნამდვილი ტრაგედიის შესახებ… ბაზ ლურმანის ფილმმა ორი ოსკარი მოიპოვა საუკეთესო მხატვრული გაფორმებისთვის და საუკეთესო კოსტიუმების დიზაინისთვის.

2. ავიატორი (2004)

კიდევ ერთი ფილმი ლეონარდო დიკაპრიოს მონაწილეობით. რეალური ისტორია ექსცენტრიულ მილიარდერზე ჰოვარდ ჰიუზიზე მოგვითხრობს, გენიოსზე, რომელიც კინოსა და ავიაციაზე გიჟდება. ეს ფილმი კიდევ ერთხელ დაგარწმუნებთ, რომ დიკაპრიოს ძალიან უხდება 40-იანი წლების კოსტიუმები. მარტინ სკორსეზეს 2004 წლის ნამუშევარმა ოსკარზე 11 ნომინაცია მოიპოვა, რომლიდანაც 5-ში გაიამრჯვა, მათ შორის საუკეთესო კოსტიუმების დიზაინისთვის და საუკეთესო მხატვრული გაფორმებისთვის.

3. პლეზანტვილი (1998)

ინტროვერტი დევიდ ვაგნერი თითქმის მთელ თავის დროს ძველი შავ-თეთრი ტერესერიალის ყურებას ახარჯავს, რომელიც 50-იანი წლების ქალაქზეა სახელად პლეზანტვილი. ერთხელ, მოულოდნელად, ის დასთან ერთად, ეკრანის მეორე მხარეს აღმოჩნდება და საოცნებო გარემოშიც მოხვდება. შავ-თეთრი პლეზანტვილი დადგენილი კანონებით ცხოვრობს, მაგრამ გმირების ყოველი ქმედება, რომელიც საყოველთაო ჩარჩოებს სცდება, აფერადებს გარემოცვას. ფილმი ოსკარზე სამ კატეგორიაში იყო ნომინირებული.

4. ზღვასთან (2015)

ფილმი, რომლის რეჟისორიც ანჯელინა ჯოლია, ყოფილ მოცეკვავე ვანესაზეა, რომლის როლსაც თავად ანჯელინა ასრულებს და მის მწერალ მეუღლე როლანდზე მოგვითხრობს, რომელსაც  ბრედ პიტი თამაშობს. მოქმედება 1970-იანი წლების საფრანგეთში ხდება. წყვილმა ჩამქრალი გრძნობების გამოცოცხლება გადაწყვიტა და სამოგზაუროდ გაემგზავრნენ. შეძლებს თუ არა სტაჟიანი ცოლ-ქმარი ძველი სიყვარულის დაბრუნებას?!

5. კოკო შანელამდე (2009)

ან ფონტეინის ეს ფილმი გაბრიელ შანელის ბიოგრაფიას ეყრდნობა და მოგვითხრობს იმის შესახებ, თუ როგორ გახდა ეს დიდებული ქალბატონი მოწინავე მოდის დიზაინერი. ოდრი ტატუმ ძალიან კარგად მოირგო კოკოს როლი, მისი ჩაცმულობები კი არაჩვეულებრივად აღწერს ეპოქას, რომელშიც დიზაინერის მოღვაწეობა დაიწყო. ფილმი ოსკარზე საუკეთესო კოსტიუმების დიზაინისთვის იყო ნომინირებული.

6. ჰიჩკოკი (2012)

კინოფირი იმის შესახებ, თუ როგორ კეთდებოდა კინო. ცნობილი რეჟისორი ალფრედ ჰიჩკოკი, რომელსაც ფილმში ენტონი ჰოპკინსი ასრულებს, თავის ცხოვრების ყველაზე მნიშვნელოვან ფილმს – “ფსიქოს” იღებს. ამ პროცესში რეჟისორი ადამიანის სულის უფსკრულში ეშვება, რომ საკუთარი მაყურებლის ემოციებზე იმოქმედოს. ფილმი ოსკარზე საუკეთესო გრიმისთვის იყო ნომინირებული.

7. თავი ღრუბლებში (2004)

ამ ისტორიის მოვლენები 30-იანი წლების ინგლისში ვითარდება. ირლანდიელი გაი მეილონი (სტიუარტ ტაუნსენდი) უნივერსიტეტში სწავლის დროს ჯილდა ბესის (შარლიზ თერონი) გაიცნობს. მდიდარ და განებივრებულ ლამაზმანს უწინასწარმეტყველებენ, რომ ის 34 წლის ასაკში მოკვდება, ამიტომ გოგონამ გადაწყვიტა საკუთარი სიამოვნებისთვის ეცხოვრა და სხვა ყველაფერი გვერდზე გადადო. და აი, ერთხელაც, გაიმ ჯილდას გვერდით ცეცხლოვანი ესპანელი მია (პენელოპე კრუსი) შეამჩნია.

8. უბის წიგნაკი (2004)

ერთ-ერთი საუკეთესო რომანტიკული მელოდრამა. ნიკ კასავეტესის ფილმი სიყვარულის ისტორიაზე მოგვითხრობს, რომელიც ჯერ კიდევ 40-იან წლებში დაიწყო, გაგრძელდა ომის შემდეგ და დასრულდა უკვე 90-იან წლებში. ფილმში მთავარ როლებს რეიჩელ მაკადამსი და რაიან გოსლინგი ასრულებენ.

9. ჯეკი (2016)

60-იან წლებში მთელი ამერიკა იყო აღფრთოვანებული ამ ნაზი, მაგრამ ძალიან ძლიერი ქალის სილამაზითა და თავდაჭერილობით. პაბლო ლარაინის ფილმი მოგვითხრობს ჯაკლინ კენედის (ნატალი პორტმანი) ცხოვრების რამდენიმე დღეზე მისი მეუღლის, ამერიკის პრეზიდენტის მკვლელობის პერიოდიდან. ფილმი ოსკარის სამ კატეგორიაში იყო ნომინირებული.

10. ჩემი ერთი კვირა მერილინთან (2011)

ლეგენდარული კინომსახიობი მერლინ მონრო, რომელსაც მიშელ უილიამსი ასრულებს, ფილმის გადაღებებისთვის ინგლისში ჩადის. ის ყველას ხიბლავს გამონაკლისის გარეშე. რეჟისორის ახალგაზრდა დამხმარე კოლინს, ის უზომოდ უყვარდება, მაგრამ შეუძლია თუ არა ვარსკვლავს უბრალო ახალგაზრდას შეყვარება?- საიმონ კიორტისის ფილმი ოსკარზე ორ კატეგორიაში იყო ნომინირებული: საუკეთესო მსახიობი ქალისთვის და საუკეთესო მსახიობი კაცისთვის მეორეხარისხოვან როლში.