ფილმები მათთვის, ვინც შაბლონებით სავსე სიუჟეტებით დაიღალა

nugo July 11, 2021

წლის მანძილზე ასობით (ზოგი კი ათასობით) ფილმს ვუყურებთ. ისინი სხვადასხვა მიზეზით გვამახსოვრდება: ზოგი თავისი ისტორიით ახერხებს გულის მოგებას და მეხსიერებაში სამუდამოდ ადგილის გაჩენას, ზოგი სურათი კი მსახიობების იდეალური შესრულებით გვხიბლავს, ზოგიც ოპერატორული ნამუშევრით და მოკლედ….

ძალიან ბევრი (განსაკუთრებით ამერიკული) ფილმი სავსეა შაბლონური სიუჟეტებით, რაც დროთა განმავლობაში გვღლის და რაღაც ახალს, განსხვავებულს ვეძებთ. ხოდა, ჩვენი საქმეც ეს არ არის? თუ ასეთი სიუჟეტებით დაიღალეთ და ამ ჩარჩოებს გაცდენილ ფილმს ეძებთ, ჩასქროლეთ:

ბაღის მასწავლებელი (2018)

Image result for the kindergarten teacher

ფილმის მთავარ გმირს, ბაღის მასწავლებელს, ოჯახში ვერ აქვს ყველაფერი რიგზე: ურთიერთობა მეუღლესთან არეულია, ბავშვებთან რთულია საერთო ენის გამოძებნა. სამსახურში ის 5 წლის ნიჭიერ ბიჭს ხვდება, რომელიც არაჩვეულებრივ ლექსებს წერს. ტრივიალური ისტორია ფსიქოლოგიურ ამოცანაში იზრდება: სად გადის ზღვარი სიყვარულსა და შეპყრობილობას შორის.

ჟანგიანი ნაკადული (2019)

ისტორია სტუდენტზე, რომელიც გასაუბრებაზე დაიბარეს, მაგრამ გზაში კენტუკის ტყეში დაიკარგა. დაუნდობელი დამნაშავეები, დადევნება და მოულოდნელი დახმარება, რომელიც უარეს უსიამოვნებაში შეიძლება გადაიზარდოს. ყოველი ახალი კადრით სიუჟეტი ახლებულ განვითარებას გვთავაზობს, რისი დამსახურებითაც მაყურებელი მუდმივად დაძაბულია.

არ დატოვო კვალი (2018)

ალბათ, ყველა ჩვენგანი დაფიქრებულა იმაზე, რომ მიეტოვებინა ყველაფერი და სადმე პატარა სახლში გადასულიყო ტყის პირას. მთავარმა გმირმა გაქცევის ყველაზე რადიკალურ ვარიანტს მიმართა: ის ცივილიზაციის ყველა სიკეთეზე უარს ამბობს და უპირატესობას ღია ცის ქვეშ ტყეში ცხოვრებას ანიჭებს.

კუნძული (2018)

XIX საუკუნის შუა პერიოდი. ძლიერი შტორმის გამო გემი ცარიელ კუნძულთან იძირება დასავლეთ შოტლანდიის სანაპირიოების მახლობლად. სამმა მეზღვაურმა გადარჩენა და ხმელეთამდე მიღწევა მოახერხა, მაგრამ იქ მათ მხოლოდ ოთხი ადგილობრივი მოსახლე ხვდებათ. გადარჩენილებს უწევთ გაარკვიონ, თუ რას მალავენ ადგილობრივები და რა არის მათი გადარჩენის საფასური.

სერჟანტი უილ გარდნერი (2019)

სტატისტიკის თანახმად, მხოლოდ ამერიკაში ყოველ წელს დაახლოებით 6 ათასი ვეტერანი ასრულებს სიცოცხლეს თვითმკვლელობით. უმეტესობა, ვინც ომიდან ბრუნდება, საზოგადოებისგან გარიყულია. ფილმი ერაყის ერთ-ერთ ვეტერანზე მოგვითხრობს, რომელიც ვერ თავისუფლდება კოშმარებისგან, რომელიც ყოველ ღამე აწუხებს.

საგიჟეთიდან გაქცევა: ნელი ბლაის ისტორია (2019)

ფილმი რეალურ მოვლენებს ეყრდნობა და მოგვითხრობს გოგონაზე, რომელმაც მეხსიერება დაკარგა და ფსიქიატრიულ საავადმყოფოში მოხვდა კუნძულზე. ამასთან ერთად, გოგონა თავს აბსოლუტურად ჯანმრთელად გრძნობს. ერთხელაც ის ზედამხედველის კაბინეტიდან თავის დღიურს იპარავს, რომელშიც არაერთაზროვან ჩანაწერებს პოულობს. მან უნდა გაიხსენოს, ვინ არის და რატომ იმყოფება აქ.

სიყვარულით, მერლინი (2013)

რას წარმოიდგენთ ხოლმე, როდესაც სახელი და გვარი, მერლინ მონრო გესმით? თავნება ქერა ქალი, მუდამ მხიარული. ეს ფილმი კი რადიკალურად შეცვლის თქვენს წარმოდგენას ამ ქალბატონზე. ფილმი მერლინის დღიურებს და მისი ეპოქის ადამიანების მონათხრობს ეფუძნება. მთელი ფილმის განმავლობაში ისეთი შეგრძნებაა, თითქოს ეს შესანიშნავი მსახიობი თავად მოგვითხრობს თავისი ცხოვრების, სიყავრულისა და ტკივილის ისტორიას.

ცხოვრება თავისთავად (2018)

ახალგაზრდა წყვილი ნიუ-იორკიდან, რომელიც იმედებით არის სავსე და ბავშვს ელოდება და მოულოდნელი ტრაგედია, რომელიც ყველაფერს ცვლის. მათი ისტორია მრავალი წლის შემდეგ გრძელდება, უკვე სხვა მოქმედი პირებით, სხვადასხვა კონტინენტზე. ოთხი განსხვავებული ნოველა, რომელიც იკვეთება და ერთ საინტერესო ისტორიად იქმნება.

შუშის სასახლე (2017)

ფილმი ჟანეტ უოლსის ამავე სახელწოდების წიგნის მიხედვით არის გადაღებული. რა თქმა უნდა, როგორც ხშირ შემთხვევებში ხდება ხოლმე, ეკრანიზაციაში ყველაფრის ჩატევა ვერ მოხერხდა, თუმცა ძირითადი იდეა შენარჩუნებულია. სამწუხაროდ, ფილმმა საკმარისი ყურადღება ვერ მიიქცია, თუმცა ეს არ ცვლის იმ ფაქტს, რომ ის ძლიერი დრამაა, რომელიც ნებისმიერი ასაკის მაყურებლისთვის სამაგალითო იქნება.

უკანასკნელი სიტყვა (2017)

ფილმი ძალიან კარგად გადმოგვცემს ადამიანურ უკიდურესობებზე. ზოგი ირჩევს რისკს, რითიც თვითკმაყოფილებას და გარემოცვის უარყოფით შეფასებებს იღებს. ზოგი ირჩევს შიშს, შესაბამისად – მოწყენილ და ერთფეროვან ცხოვრებას, ასევე შურს იმ ადამიანების, რომლებმაც რისკი არიჩიეს. ფილმი ძალიან საიტნერესოდ მოგვითხრობს სამი ადამიანის ისტორიას, რომლებსაც თავიანთი პოზიციები გააჩნიათ და რომლებსაც თავიანთი სიმართლე აქვთ.