ფილმები მათთვის, ვისაც Creed II მოეწონა

nugo July 11, 2021

კარგი ფილმები სპორტზე ყველა ადამიანს მოსწონს მიუხედავად იმისა, ერკვევა თუ არა ის ამა თუ იმ სპორტის დეტალებში. ასეა თუ ისე, კრივი ყველაზე პოპულარული სპორტია ჰოლივუდში, რომლის შიდა სამზარეულოთი უამრავი რეჟისორი დაინტერესდა. ცოტა ხნის წინ ეკრანებზე კიდევ ერთი ფილმი ქრიდი 2 გამოვიდა, რომელმაც საკმაოდ კარგი შეფასება მიიღო, როგორც კრიტიკოსებისგან, ისე მაყურებლისგან. თუ თქვენ უკვე ნახეთ ეს ფილმი და ეძებთ მსგავსი ტიპის ფილმებს, ჩვენი კოლექცია თქვენთვისაა:

როკი (1976)

“ქრიდი 2” და მისი პირველი ნაწილიც კლასიკად ქცეული “როკის” გაგრძელებებია, ამიტომ დღევანდელ ჩამონათვალს, რა თქმა უნდა, სწორედ ამ ფილმით ვიწყებთ. ეს არის ფილმი, რომლიდანაც ყველაფერი იწყება. ის ერთ-ერთი საუკეთესოა ბოქსზე გადაღებული ფილმებიდან და უმნიშვნელოვანესია სილვესტერ სტალონეს კარიერაში. ის მსოფლიო კინემატოგრაფიის კლასიკაა და ერთ-ერთი ყველაზე დრამატული ფილმი, რომელიც გამარჯვებებისკენ გვიბიძგებს.

ნოკდაუნი (2005)

კიდევ ერთი უნიკალური ფილმი, რომლის მოქმედებაც 1930-იან წლებში, ამერიკაში ვითარდება დიდი დეპრესიის პერიოდში. ეს არ არის უბრალო ფილმი კრივზე, ის ადამიანის ხასიათზე, მის მსოფლხედველობაზე, გამძლეობაზე და სიძლიერეზეა. ფილმი წარმოუდგენლად ცხოვრებისეულია და ამის გამო ის მაყურებლისთვის კიდევ უფრო ახლო და ემოციურია.

ცოფიანი ხარი (1980)

მარტინ სკორსეზეს კლასიკად ქცეული ფილმი, რომელიც მის კარიერაში ერთ-ერთ საუკეთესო ნამუშევრად ითვლება. ფილმი ცნობილი ბოქსიორის ჯეიკ ლამოტის, იგივე ცოფიანი ხარის მემუარების მიხედვით არის გადაღებული და მასში მთავარ როლს რობერტ დე ნირო ასრულებს, რომელმაც ოსკარი საუკეთესო მსახიობი კაცის ნომინაციაში მიიღო.

მებრძოლი (2010)

დევიდ ო. რასელის ბიოგრაფიული ფილმი, რომელიც რეალურ ისტორიას ეფუძნება. ფილმი მოგვითხრობს ბოქსიორ მიკი უარდის ისტორიას, რომელიც მისი უფროსი ძმის ჩრდილიდან თავის დაღწევას ცდილობს, რომელიც მასზე უფრო ცნობილი ბოქსიორია, მაგრამ უფრო პრობლემური ცხოვრებაც აქვს. ფილმში მთავარ როლებს მარკ უოლბერგი და კრისტიან ბეილი ასრულებენ, რომელმაც ოსკარი საუკეთესო მსახიობი კაცისთვის მეორეხარისხოვან როლში მიიღო.

გოგონა მილიონ დოლარად (2004)

სხვა ფილმებისგან განსხვავებით, კლინტ ისტვუდის ფილმის სიუჟეტი ქალის ირგვლივ ვითარდება. ეს არის ერთ-ერთი გამორჩეული ფილმი, რაც კი ბოქსზე გადაუღიათ, მან მალევე მოახერხა მაყურებლის და კინოკრიტიკოსების გულების მოგება. ფილმმა 4 ოსკარი დაიმსახურა, მათ შორის საუკეთესო სურათისთვის და საუკეთესო რეჟისორისთვის. ჰილარი სუონკმა ასევე დაიმსახურა ოსკარი საუკეთესო მსახიობი ქალისთვის.

ალი (2001)

მუჰამედ ალი, ყველა დროის ერთ-ერთი ყველაზე ცნობილი ბოქსიორია. მაიკლ მანის ფილმი, რომელშიც მთავარ როლს უილ სმიტი ასრულებს, ლეგენდარული სპორტსმენის ისტორიას მოგვითხრობს 1960-იან და 1970-იან წლებში. უილ სმიტი ოსკარზე საუკეთესო მსახიობი კაცისთვის იყო ნომინირებული.

ვიღაცას ზემოთ, ვუყვარვარ (1956)

კიდევ ერთი კლასიკა რეჟისორისგან რობერტ ვაისი. ამერიკული ბიოგრაფიული დრამა, რომელიც ბოქსიორ როკი გრაციანოს ისტორიას მოგვითხრობს, რომლის მამაც მოყვარული მოკრივე იყო, რის გამოც თავად როკი ბავშვობიდან იყო შეჩვეული ყველაფრის მუშტიკრივით მოგვარებას. ფილმმა 1957 წელს ოსკარის სამი ნომინაციიდან ორში გაიმარჯვა.