ფილმები, რომლებიც ყველა ქალმა უნდა ნახოს

nugo July 11, 2021

არსებობს უამრავი ფილმი სიყვარულზე, რადგან ეს თემა რთული, კომპლექსური და მრავალმხრივია, რის გამოც ის მუდამ აქტუალური და საინტერესოა რეჟისორებისთვის. სწორედ სიყვარული იქნება თავისი მრავალფეროვნებით ყოველთვის მიმზდველი მაყურებლისთვის, რადგან ეს გრძნობა ყველასთვის ნაცნობია, იქნება ეს დედის სიყვარული უკვე ზრდასრული შვილისადმი, ტკივილი და იმედგაცრუება ოჯახურ ცხოვრებაში, თუ გულწრფელობა და უსასყიდლო მეგობრობა. დღევანდელ კოლექციაში თავი მოვუყარეთ ფილმებს, რომელთა ძირითადი თემა განუმეორებელი სიყვარულის ისტორიებია.

ცვალებადი მოღრუბლულობა (2012)

ორმა მეგობარმა გოგონების გასაცნობად მარტივ ხერხს მიაგნო, ერთი იტყუება, რომ სიმსივნეს ებრძვის, მეორე კი ბარებში გოგონებს ამ საშინელი დიაგნოზის შესახებ უყვება, თუმცა ცოტა ხანში ყველაფერი რთულდება. ფილმი რომანტიკოსებისთვისაა, მაგრამ დრამის და კომედიის ელემენტებით. მიიღეთ ხუმრობების, სარკაზმის და დადებითი ემოციების ნაზავი. ფილმის ყურების შემდეგ აღარ მოგინდებათ ყველაფრის სამომავლოდ გადადება.

ყოფილი საყვარელი (2007)

მარტივი და სახალისო ფილმი, რომლის მთავარ გმირსაც მამამთილთან უწევს მუშაობის დაწყება. ისედაც დაძაბულ სიტუაციას კი მისი მეუღლის ყოფილი კიდევ უფრო ართულებს. ფილმი 21-ე საუკუნის აქტუალურ პრობლემას ეხება: სწორია თუ არა, რომ მამაკაცები მზად არიან მეუღლეების ხარჯზე იცხოვრონ, ქალები კი კარიერაზე უფრო არიან ორიენტირებულები, ვიდრე ოჯახზე?

კამილა (2007)

ისტორია თაღლითზე, რომელსაც ცოლად შერიფის ნათესავი მხოლოდ იმის გამო მოჰყავს, რომ კვლავ არ აღმოჩნდეს ციხეში. წინ გელით არაჩვეულებრივი ისტორია უჩვეულო სიყვარულზე. ეს ფილმი ზღაპარს უფრო ჰგავს, რადგან იყო ბედნიერი ხომ ასეთი მარტივა, როდესაც შეგიძლია შეიყვარო ის, რაც გაგაჩნია.

ვერაგობა (2018)

ფილმი ადამიანებზე, რომლებიც დაიღალნენ თავიანთი უფროსების სიმკაცრით, რომლებიც მათ ყოველდღიურ სამუშაო დღეს ნამდვილ ჯოჯოხეთად აქცევენ. მალე მათ გაუჩნდებათ იდეა, შეახვედრონ ორი მარტოსული ადამიანი. ფილმს ვურჩევთ მარტივ იუმორზე აწყობილ მელოდრამების მოყვარულებს და რა თქმა უნდა, ყველას, ვისაც მოდუნება და დასვენება სურს.

სილამაზე შიგნიდან (2015)

როგორი იქნებოდა თქვენი ცხოვრება, ძილის დროს თქვენი კანის ფერი, თვალის ჭრილი, სქესი, ასაკი, წონა და სიმაღლე რომ იცვლებოდეს? ასეთი უცნაური და საინტერესო თვისება აქვს ფილმის მთავარ გმირს. ფილმის შემქმნელები ცდილობენ მაყურებელს დაანახონ, რომ სიყვარულისთვის უნდა იბრძოლონ, სხვა ადამიანების აზრის გათვალისწინება კი არ ღირს. ნუ გამორთავთ ფილმს ტიტრების ბოლომდე, თქვენ პატარა სიურპრიზი გელით.

ნამდვილი მთვარის შუქი (2009)

როგორ მოიქცეოდით, რომ გაგეგოთ, თქვენს მეუღლეს სხვა შეუყვარდა და ახლა მასთან ერთად პარიზში მიფრინავს? ფილმის მთავარმა გმირმა, რომელსაც მეგ რაიანი ასრულებს, საკმაოდ საინტერესო გადაწყვეტილება მიიღო: მან მოღალატე მეუღლე სკოჩით დააბა და მისი გათავისუფლების ერთადერთი პირობა იყო აღიარება, რომ მას კვლავ უყვარს თავისი ცოლი. ფილმის ყურების შემდეგ, ალბათ, ბევრი თქვენგანი დაფიქრდება იმაზე, რომ ცხოვრებაში არსებობს ღირებულებები, რომლებსაც არ შეიძლება რომ ვუღალატოთ.

შეინიღბე (2017)

საყვარელი გოგოს სანახავად ჩადრს ამოფარებული ბიჭი, რომელიც ამ ტიპის კომედიების წესის თანახმად გოგონას უყვარდება და მასში თავის მომავალ მეუღლეს ხედავს. ჩახლართული, მაგრამ დადებითი სიყვარულის ისტორია ემიგრანტების მძაფრ თემას და საფრანგეთში არსებულ მრავალმორწმუნეობას, ადამიანების უფლებებს და თავისუფლებას ეხება.

ხუთჯერ ორი (2004)

წყვილის სიყვარულის ისტორია, რომელსაც რეჟისორი არასტანდარტული თანმიმდევრობით მოგვითხრობს: ჯერ გაშორება, სადილი მეგობრებთან ერთად, პირველი შვილის დაბადება, ქორწილი და ბოლოს გაცნობა. სწორედ მაყურებელმა უნდა მოახერხოს და იპოვოს მომენტი ფილმში, როდესაც მათ ურთიერთობაში ბზარი გაჩნდა.

აბეზარა (2016)

ხანში შესული ქვრივი ნიუ-იორკიდან ლოს-ანჟელესში მიჰყვება თავის ქალიშვილს იმ იმედით, რომ ახალ ცხოვრებას დაიწყებს მეუღლის გარდაცვალების შემდეგ. რა თქმა უნდა, ეს ყველამ ისედაც იცის, მაგრამ ფილმის ყურების შემდეგ თქვენ კიდევ ერთხელ გაიაზრებთ, რომ მეტი დრო უნდა დავუთმოთ ყველაზე ძვირფას ადამიანს – დედას. უკეთესი იქნება, თუ ფილმს მათთან ერთად ნახავთ.

ქალბატონი (2017)

დიდებული ვახშამი პარიზში და სუფრასთან შემთხვევით აღმოჩენილი 13 ადამიანი. ცრურწმენის გამო დიასახლისი მოსამსახურეს თხოვს, ოჯახის ესპანელ მეგობრად მოაჩვენოს ყველას თავი და ვახშამს შეუერთდეს. ფილმი სიყვარულის ისტორიას ფრანგული დახვეწილობით და იუმორით მოგვითხრობს. ის ასევე ეხება სენსიტიურ თემას იმაზე, რომ კლასობრივი ბარიერი დღესაც ისეთივე გადაულახავია, როგორც წლების წინ.