ფილმები, რომლებიც ყოველდღიურ რუტინას დაგავიწყებთ

nugo July 11, 2021

ხანდახან ვეძებთ უბრალო და გასართობ ფილმებს, რომლებიც დაგვეხმარება დავივიწყოთ ჩვენი პრობლემები, ვუყუროთ უბრალოდ საინტერესო ფილმებს, იქნება ეს წარმოუდგენელი სიყვარულის ისტორია, თუ მძაფრ-სიუჟეტიანი ფენტეზი ურჩხულებზე. ჯერ მხოლოდ ოთხშაბათია და ჯერ კიდევ ზამთარია, ამიტომ დღეს თავი მოვუყარეთ ფილმებს, რომლებიც დაგამახსოვრებთ თავს, მაგრამ ცოტა ხნით მაინც დაგავიწყდებთ თქვენს ყოველდღიურ საზრუნავს.

მულენ რუჟი (2001)

ალბათ, ცოტა ადამიანი თუა, ვისაც ეს ფილმი არ აქვს ნანახი, მაგრამ მისი ყურება ყოველთვის კარგი აზრია, მით უმეტეს იმისთვის, რომ რეალობას მოვწყდეთ. ეს არ არის უბრალოდ ფილმი, ეს ნამდვილი დღესასწაულია, რომლის მოვლენებიც XIX საუკუნის ბოლოს პარიზის ცნობილ კაბარეში ვითარდება. ბაზ ლურმანის ფილმმა ოსკარის 8 ნომინაციიდან ორში გაიმარჯვა.

ზღვის ურჩხული (2018)

მშვენიერი შესაძლებლობა არამარტო იმის, რომ რეალობას მოწყდეთ, არამედ ცოტა საკუთარი ნერვებიც გამოცადოთ. როგორც აღმოჩნდა, წყნარ ოკეანეში ნამდვილი ურჩხული ბინადრობდა – 23-მეტრიანი ზვიგენი, რომელიც გათავისუფლდა და ახლა საფრთხეს უქმნის ყველაფერს, რაც ცოცხალია. ფილმში მთავარ როლს ჯეისონ სტეტჰემი ასრულებს, რაც, ალბათ დაგავეთანხმებით, ფილმის ყურების კიდევ ერთი მიზეზია.

ახლა მხედავ (2013)

მოემზადეთ ნამდვილი ჯადოქრობისთვის ჯესი ეიზენბერგთან, აილა ფიშერთან, ვუდი ჰარელსონთან, დეივ ფრანკოსთან და მარკ რუფალოსთან ერთად. ოთხმა ილუზიონისტმა მოაწყო შოუ, რომელმაც ყველა გააოცა და მიიზიდა ყველას, მათ შორის გამოძიების ფედერალური ბიუროს ყურადღებაც. ძალიან დინამიკური და საინტერესო ფილმი, რომელიც ილუზიონისტების ზოგ საიდუმლოს ფარდას ახდის.

ოუშენის რვა მეგობარი (2018)

ძალიან ცოტამ თუ იცოდა, რომ ცნობილ თაღლით ოუშენს ჰყავდა და სანდრა ბულოკის სახით. ახლა ის ციხიდან გამოვიდა და ძმის საქმის გაგრძელებას აპირებს. კრიმინალური კომედია შესანიშნავი სამსახიობო ანსამბლით, რომელიც ფუფუნების, თაღლითობის და ქალური მომხიბლველობის სამყაროში გამოგზაურებთ.

ბეიბი დრაივერი (2017)

ედგარ რაითის ფილმი, რომელიც სტილის, დინამიკის და კარგი სიუჟეტის ნაზავია. ფილმის მთავარი გმირი ზედმეტსახელად ბეიბი, მძღოლად მუშაობს და მძარცველებს დანაშაულის ადგილის დროულად დატოვებას უზრუნველყოფს. მთელ ფილმს ყველასთვის საყვარელი მუსიკები ამშვენებს. ასევე უნდა აღინიშნოს, რომ ფილმი ოსკარის სამ კატეგორიაში იყო ნომინირებული.

ტურისტი (2010)

ანჯელინა ჯოლი და ჯონი დეპი ულამაზეს ფილმში სიყვარულზე, ინტრიგებზე და მოგზაურობაზე. ჯოლის პერსონაჟი გამოძიების ფედერალური ბიუროს თანამშრომლების დასაბნევად მატარებელში უბრალო მასწავლებელს, ჯონი დეპის გმირს იცნობს. ფილმი ძალიან კარგია განსატვირთად, თანაც არაჩვეულებრივი მსახიობების დუეტის გარდა, ევროპის ლამაზი ხედებით დატკბობის საშუალებაც გექნებათ.

უსაზღვრო (2011)

ნილ ბიორგერის ფილმის მთავარი გმირი წარუმატებელი მწერალია ნიუ-იორკიდან, რომლის როლსაც ბრედლი კუპერი ასრულებს. ის ბინძურ ბინაში ცხოვრობს, არ აქვს საკმარისი ფული და საყვარელმა ქალმაც მიატოვა. ყველაფერი იცვლება, როდესაც ის NZT-ს აბს გასინჯავს, რომელიც ტვინის მუშაობას ააქტიურებს და მთავარი გმირის ცხოვრებისეულ აღქმას ცვლის. ფილმი დინამიკურია და არ მოგცემთ ყურადღების გაფანტვის საშუალებას.

პირველი მოთამაშე მოემზადე (2018)

ეს ფილმი სტივენ სპილბერგის ბოლო ნამუშევარია. რეჟისორი ოსტატურად თამაშობს მაყურებლის ნოსტალგიაზე და აძლევს იმას, რაც მათ უყვართ. უფროსი თაობის მაყურებელი ბავშობის პერსონაჟებთან ბრუნდებიან, უმცროსი მაყურებელი კი ლამაზ გასართობ საოცარ სამყაროში მოგზაურობს. თავბრუდამხვევი და სანახაობრივი ფილმი, რომელიც პოპულარული კულტურის, საოცარი ენერგიისა და დინამიკის სამყაროში აღმოგაჩენთ.

ჰენკოკი (2008)

ეს არ არის ის ერთ-ერთი სუპერგმირი, რომელსაც მიჩვეულია მაყურებელი. იმიტომ არა, რომ ის არ არის კომიქსის პერსონაჟი. ჰენკოკი, რომლის როლსაც ყველასთვის საყვარელი უილ სმიტი ასრულებს, მათი სრულიად საპირისპირო პერსონაჟია, რადგან ტრადიციულად მშობლიური ქალაქის გადარჩენის და მისი მოქალაქეების ყოველდღიური დახმარების ნაცვლად, ის თავად აზიანებს ამ ქალაქს და სიყვარული, მზრუნველობა და სიკეთე მისთვის უცნობია.

ჯუმანჯი (2017)

ალბათ, ყველას გახსოვთ 1995 წლის “ჯუმანჯი” რობინ უილიამსის მონაწილეობით. ამჯერად სიუჟეტი თანამედროვე სამყაროს არის მორგებული, თუმცა ძირითადი აზრი მაინც იგივეა, ამიტომ თუ კლასიკად ქცეული სათავგადასავლო ფენტეზი თქვენი საყავრელი ფილმების სიაშია, გირჩევთ მისი ახალი ვარიანტიც ნახოთ.