ქალთა დღესთან დაკავშირებული 10 ფილმი

nugo July 11, 2021

ამ დღეს ზოგი საჩუქარს, რომანტიკულ სიურპრიზს და ვახშამს ელოდება, ზოგს კი პირიქით, ამ ყველაფრის ნაცვლად სახლში, მშვიდ გარემოში სურს გაატაროს სასიამოვნო დღე. თუ თქვენ მეორე კატეგორიას მიეკუთვნებით და სახლში აპირებთ ყოფნას, მაშინ კარგად მოკალათდით, ჩვენ წარმოგიდგენთ ფილმებს, რომლებიც დღეს კიდევ უფრო სასიამოვნოს გახდის.

ერინ ბროკოვიჩი (2000)

თუ მარტოხელა ქალმა კარიერის შექმნა გადაწყვიტა, სამი შვილი ვერ შეუშლის ხელს. ფილმი უფლებადამცველ ერინ ბროკოვიჩის რეალური ისტორიის მიხედვით არის გადაღებული. ფილმში თავად ერინმაც მიიღო მონაწილეობა და მიმტანის როლი შეასრულა, მთავარი როლი კი ჯულია რობერტსმა შეასრულა, რისთვისაც მიიღო 20 მილიონი და ოსკარი საუკეთესო მსახიობი ქალისთვის.

ფარგო (1996)

თუ თქვენ საკუთარი მეუღლის გატაცებით გადაწყვეტთ ფულის გაკეთებას და პროვინციელი პოლიციელების მოუქნელობის იმედი გექნებათ, შეიძლება იმედი გაგიცრუვდეთ. პოლიციელი, რომლის როლსაც ფრენსის მაკდორმანდი ასრულებს, შეიძლება სხარტი აზროვნებით არ გამოირჩევა, მაგრამ ყოველთვის შეუძლია თავისი გაიტანოს. ჯოელ და ეთან კოენების ფილმი, რომელმაც ოსკარი საუკეთესო ორიგინალური სცენარისთვის მიიღო, მაკდორმანმა კი ოსკარი საუკეთესო მსახიობი ქალისთვის.

პატარა ქალები (1994)

ლუიზა მეი ოლკოტის რომანის ეკრანიზაცია, რომელიც ოთხი დის ისტორიას მოგვითხრობს ამერიკაში სამოქალაქო ომის ფონზე. პირველი სიყვარული, პირველი იმედგაცრუება, პირველი ცრემლები. ფილმი ოსკარის სამ კატეგორიაში იყო ნომინირებული, მათ შორის ახალგაზრდა ვაინონა რაიდერი საუკეთესო მსახიობი ქალისთვის.

ზამთრის ძვალი (2010)

თანამედროვე სამყაროში გადასარჩენად და საკუთარი სახლის შესანარჩუნებლად გოგოსთვის აუცილებელია შეეძლოს ჩხუბი, შეშის ჩეხვა და გააჩნდეს სხვა უამრავი უნარი. ამჟამად უკვე ოსკარის ლაურიატს ჯენიფერ ლოურენსს ამ ყველაფრის სწავლა როლისთვის მზადების პროცესში მოუწია. ფილმმა ოსკარის ოთხი ნომინაცია მოიპოვა, მათ შორის საუკეთესო სურათისთვის და საუკეთესო მსახიობი ქალისთვის.

ჩიკაგო (2002)

რობ მარშალის დიდებული და წარმოუდგენლად ლამაზი მიუზიკლი. რა საერთო შეიძლება ჰქონდეთ მორიდებულ დიასახლისს და პრიმადონას?! ერთი შეხედვით არც ისე ბევრი რამ შეიძლება აკავშირებდეთ მათ, თუმცა ქეთრინ ზეტა–ჯონსის და რენე ზელვეგერის პერსონაჟებს იმაზე მეტი საერთო აქვთ, ვიდრე ერთი შეხედვით ჩანს. ოსკარის 13 ნომინაციიდან ფილმმა 6 ჯილდო მოიპოვა, მათ შორის საუკეთესო სურათისთვის, ქეთრინ ზეტა–ჯონსმა კი ოქროს ქანდაკება საუკეთესო მსახიობი ქალისთვის მეორეხარისხოვან როლში მიიღო.

ბრიჯიტ ჯონსის დღიური (2001)

სამი ფილმი ქალზე, რომელიც კომპლექსებით იტანჯება და განიცდის, რომ გვერდით არ ჰყავს საყავრელი ადამიანი. მისი ცხოვრება მარკ დარსის გამოჩენასთან ერთად იცვლება. მოუხერხებელი პერსონაჟი, რომელიც ყველა თავის განცდას დღიურში იწერს. ყველასთვის საყვარელი გმირი, რომლისთვისაც რენე ზელვეგერი ოსკარზე საუკეთესო მსახიობი ქალისთვის იყო ნომინირებული.

ამელი (2001)

ჟან-პიერ ჟენოს ფრანგული რომანტიკული კომედია ოდრი ტოტუს მონაწილეობით. ფანსხვავებული გოგონა, რომელიც საკუთარ სამყაროში თავისივე წესებით ცხოვრობს. ის გამუდმებით ერევა სხვების ცხოვრებაში და ხანდახან არც ისე წარმატებით. ერთ-ერთი ყველაზე დასამახსოვრებელი და განსაკუთრებული ფრანგული ფილმი, რომელმაც ოსკარზე 5 ნომინაცია მოიპოვა.

ტელმა და ლუიზა (1991)

ოსკარის გამარჯვებული ფილმი ნომინაციაში საუკეთესო ორიგინალური სცენარისთვის, რომელიც ორი მეგობრის ისტორიას მოგვითხრობს. მათი ცხოვრება ერთფეროვანი და მოსაწყენია, თუმცა ერთ მშვენიერ დღეს ისინი ყველაფრის მიტოვებას და თავაგდასავლების საძიებლად გამგზავრებას გადაწყვეტენ. სუზან სარანდონის და ჯინა დევისის დასამახსოვრებელი დუეტი, რომელმაც უამრავი მაყურებლის გული მოიგო. ფილმი ოსკარზე კიდევ 5 კატეგორიაში იყო ნომინირებული.

ეშმაკი ატარებს პრადას (2006)

რა თქმა უნდა, გვერდი ვერ ავუარეთ მოდის სამყაროს მოყვარულებს. ეს არის სამყარო, რომელიც შეიძლება იყოს როგორც ლამაზი, ისე სასტიკი. დევიდ ფრანკელის კომედიური დრამა, რომელსაც მერილ სტრიპი და ენ ჰეთევეი ამშვენებენ. მარტივი და სასიამოვნო საყურეველი ფილმი სამყაროზე, რომელშიც უამრავი ადამიანი ოცნებობს აღმოჩენას.

სიყვარულით ჩემგან შენ (2010)

და ბოლოს, ერთ-ერთი მნიშვნელოვანი ფილმი შესანიშნავი სამსახიობო შემადგენლობით, რომელიც ქალთა უფლებებისათვის მებრძოლთა რეალურ ისტორიას ეძღვნება. ქალები, როგორც მეომრები, რომლებმაც იპოვეს საკუთარ თავში ძალა გლობალური ცვლილებებისთვის. ისინი ხვდებოდნენ, რომ რაღაცის მისაღწევად საჭირო იქნებოდა მსხვერპლი – მორალური და ფიზიკური.