ყველა დროის 10 საუკეთესო ვესტერნი

nugo July 11, 2021

ვესტერნი – ამერიკის ერთ-ერთი უნიკალური წვლილია კულტურაში. გარდა იმისა, რომ ვესტერნი ქვეყნის ისტორიას ასახავს, მან დიდი როლი ითამაშა სხვა ხალხების მიერ ამერიკის აღქმაში. ამის მიუხედავად, ამ ჟანრის რამდენიმე საუკეთესო ნამუშევარი ევროპულია (ძირითადად, იტალიური) და განეკუთვნება ე.წ. სპაგეტი ვესტერნის კატეგორიას, რასაც 1960-იან წლებში ჩაეყარა საფუძველი. გთავაზობთ ყველა დროის 10 საუკეთესო ვესტერნს:

მატარებლის დიდი ძარცვა (1903)

მატარებლის დიდი ძარცვა

შესაძლოა, ეს ფილმი ბევრად ჩამორჩება დანარჩენებს, თუმცა, აუცილებლად უნდა ვახსენოთ ამ ათეულში, რადგან მატარებლის დიდი ძარცვა პირველი ვესტერნია – ისტორია მატარებლის ძარცვაზე და მძარცველთა დევნაზე. ფილმი 1903 წელსაა გადაღებული და მისი რეჟისორი ედვინ ს. პორტერი გახლავთ.

შესანიშნავი შვიდეული (1960)

შესანიშნავი შვიდეული

მუდმივი ზეწოლის ქვეშ მყოფი, მექსიკური სოფლის მოსახლეობა დასახმარებლად თავგადასავლების მაძიებელ ცნობილ დამნაშავეებს – შესანიშნავ შვიდეულს მიმართავს… ფილმი აკირა კუროსავას 1954 წელს გადაღებული – შვიდი სამურაის რიმეიქს წარმოადგენს.

ადამიანი, რომელმაც ლიბერტი ვალანსი მოკლა (1962)

ლიბერტი ვალანსი

ჯონ ფორდის სურათი ერთდროულად სევდიანი და ცინიკურია. ესაა ფილმი რეპუტაციასა და მითებზე; პოლიტიკოსზე, რომელიც მკვლელობით გახდა ცნობილი. ის ძველი მეგობრის დაკრძალვაზე ბრუნდება და მკვლელობის შესახებ სიმართლეს ჰყვება. ფილმში სამი ლეგენდარული მსახიობი თამაშობს: ჯეიმზ სტიუარტი, ჯონ ვეინი და ლი მარვინი.

მძებნელები (1956)

მძებნელები

კვლავ ჯონ ფორდი და მისი საკულტო ფილმი – მძებნელები, რომელიც ბევრის აზრით, ყველა დროის საუკეთესო ვესტერნია. ამერიკის სამოქალაქო ომის ვეტერანი ეძებს თავის დისშვილს, რომელიც კომანჩებმა მოიტაცეს. როდესაც იპოვის, კაცი აღმოაჩენს, რომ გოგონამ სრული ასიმილაცია განიცადა კომანჩების ტომთან… საინტერესოა, რომ სწორედ ჯონ ვეინის გმირი გახდა მარტინ სკორსეზეს ინსპირაცია ტრევის ბიკლის პერსონაჟის შესაქმნელად ფილმიდან ტაქსის მძღოლი.

მაკქეიბი და ქალბატონი მილერი (1971)

მაკქეიბი

რობერტ ალტმანის ფილმი მოგვითხრობს მოთამაშესა და მეძავზე, რომლებიც ბიზნეს პარტნიორები ხდებიან. მათი საწარმო ყვავის მანამ, სანამ დიდი კორპორაცია გამოჩნდება, რაც ყველაფერს ცვლის…

დიდი სიჩუმე (1969)

დიდი სიჩუმე

1898 წლის ზამთარი. მდუმარე მსროლელი მკვლელების ბანდისგან იცავს ქალაქს და დაძაბული, საშინელი ბრძოლა იწყება… დიდი სიჩუმე სპაგეტი ვესტერნის ცნობილ იტალიელ წარმომადგენელს, სერჯო კორბუჩის ეკუთვნის. ენიო მორიკონე ამ ფილმისთვის შექმნილ მუსიკას ერთ-ერთ საუკეთესოდ მიიჩნევს საკუთარ შემოქმედებაში.

თხუნელა (1970)

თხუნელა

მექსიკური ფილმი, რომელმაც მის რეჟისორს – ალეხანდრო ხოდოროვსკის მსოფლიო აღიარება მოუტანა. მსროლელი, ზედმეტსახელად თხუნელა, პატარა შვილთან ერთად მოგზაურობს უდაბნოში. ფილმი დაუჯერებელი, სიურრეალისტური კადრებითაა სავსე.

უპატიებელი (1992)

უპატიებელი

როგორც ცნობილია, კლინტ ისტვუდი 10 წლის განმავლობაში მუშაობდა ფილმის სცენარისტთან, რათა ზუსტად ის მიეღო, რაც სურდა. ჩვენ კი მივიღეთ ვესტერნის ჟანრის ერთ-ერთი საუკეთესო ნამუშევარი. ყოფილი თავებზე მონადირე – უილიამ მანი მშვიდი ცხოვრებით ცხოვრობს და ორ შვილს ზრდის. ერთ დღესაც მასთან ახალგაზრდა კოვბოი მოდის და სთხოვს, აპოვნინოს კაცები, რომლებიც მეძავ ქალს სასტიკად მოექცნენ. უილიამი ბოლო საქმეს უხალისოდ თანხმდება…

ერთხელ დასავლეთში (1968)

ერთხელ დასავლეთში

იტალიელი რეჟისორისა და სცენარისტის, სერჯო ლეონესერთხელ დასავლეთში მოგვითხრობს ისტორიას მისტიკურ უცნობზე ჰარმონიკით, რომელიც ქვრივ ქალს ეხმარება. ეს არის ერთ-ერთი საუკეთესო სურათი სპაგეტი ვესტერნის ჟანრში.

კარგი, ცუდი, ბოროტი (1966)

კარგი, ცუდი, ბოროტი

საუკეთესო კი არის ასევე სერჯო ლეონეს – კარგი, ცუდი, ბოროტი. ტრილოგიის მესამე ფილმი (აქვე უნდა აღვნიშნოთ პირველი ორი ფილმიც – ერთი მუჭა დოლარისთვის და რამოდენიმე დოლარით მეტი), რომელშიც მთავარ როლს კლინტ ისტვუდი ასრულებს. სამოქალაქო ომი. ველურ დასავლეთში იდუმალი მსროლელი დაიარება – კაცი სახელის გარეშე, რომელსაც არც სახლი აქვს და არც არავინ ჰყავს. მისი გზა ორ კაცთან იკვეთება და დიდი ისტორიაც იწყება…

 

წყარო: www.tasteofcinema.com