თუ გრძნობთ, რომ ნაღვლიანი განწყობა თქვენზე იმარჯვებს და მალე მოწყენილობაში თავით ჩაეფლობით, ნუ მიეცემით დეპრესიას და ნაჩქარევად ნუ მიიღებთ გადაწყვეტილებას, რომ სევდიანები ხართ და თქვენს ამ განწყობას არაფერი ეშველება.

ეს გრძნობა, ჩვენთვისაც ნაცნობია, ამიტომ სპეციალურად თქვენთვის შევქმენით ფილმების კრებული, რომელიც ვფიქრობთ, რომ განწყობას აგიმაღლებთ და თანაც, ხასიათს აუცილებლად გამოგისწორებთ.

P.S. მე შენ მიყვარხარ – კარგად რომ იტიროთ

თუ ამომშრალი გაქვთ ცრემლები და არ შეგიძლიათ იტიროთ, ეს დეპრესიის პირდაპირი მანიშნებელია. ამ დროს ისეთი ფილმის ნახვაა სასარგებლო, რომელიც გულიანად აგატირებთ. ეს ნამდვილად შეცვლის თქვენს შინაგან მდგომარეობას. რიჩარდ ლაგრავენესის მელოდრამაში მთავარ როლებს ჰილარი სუონკი და ჯერარდ ბატლერი ასრულებენ.

დღის რაინდი – ფიქრი რომ შეწყვიტოთ

გაქცეული წყვილის მომხიბლავი და ზოგჯერ სასიკვდილოდ საშიში თავგადასავალი, სადაც არაფერი და არავინ სინამდვლეში არ არის ისეთი, როგორიც ერთი შეხედვით სჩანს. დიახ, იმისთვის, რომ ცუდი ფიქრების ჩაკეტილ წრეს დააღწიოთ თავი, საკმარისია მარტივ მძაფრ-სიუჟეტიან ფილმს უყუროთ ტომ კრუზის და კამერონ დიაზის მონაწილეობით.

მოჩვენებების მიერ გატაცებულნი – იმისთვის, რომ სხვა რეალობაში გადაინაცვლოთ

იაპონური ანიმაცია, 10 წლის გოგონას ამბავს მოგვითხრობს. ჩიჰირო ცდილობს დაეხმაროს მშობლებს, რომლებიც ბოროტმა ჯადოქარმა ღორებად გადააქცია. გადაეშვით ჰაიაო მიაძაკის ჯადოსნურ სამყაროში, რომელმაც ოსკარი საუკეთესო ანიმაციური ფილმისთვის მიიღო.

ზარი – ნერვებზე სათამაშოდ

ახალგაზრდა ჟურნალისტი ქალი ცდილობს საიდუმლო ვიდეოფირის წარმომავლობის დადგენას, ვიდეოფირის ყველა მნახველი კი ერთ კვირაში კვდება. ეს თავისებური შოკური თერაპიაა – საშინელებათა ფილმების ყურება, რომლის ყურების შემდეგაც რეალური სამყარო სამოთხედ მოგეჩვენებათ. ფილმში მთავარ როლს ნაომი უოთსი ასრულებს.

მხოლოდ საყვარლები გადარჩებიან – გრძნობების გამოსაცოცხლებლად

თუ უგრძნობი ყინულის დედოფლობის გზას ადგახართ, მაშინ გამოფხიზლება გჭირდებათ და ეს ის ფილმია, რომელიც ყველაზე მეტად ახლა გჭირდებათ. ჯიმ ჯარმუშის ფილმი ნიჭიერ მუსიკოსზე და მის საყვარელზე მოგვითხრობს, რომლებიც მხოლოდ თავიანთი გრძნობებით ცხოვრობენ. ფილმში მთავარ როლებს ტომ ჰიდლსტონი და ტილდა სუინტონი ასრულებენ.

შეუჩერებელნი – ცოტა ხნით თავი ისევ პატარებად რომ იგრძნოთ

ბავშვობის საყვარელი ფილმის ნახვა თითქმის იგივეა, რაც ბავშვობაში დაბრუნება. სილვესტერ სტალონეს ამ მძაფრ-სიუჟეტიანი ფილმის მსახიობების უმეტესობა კი, როგორებიც არიან არნოლდ შვარცნეგერი, ჟან-კლოდ ვან დამი, ბრიუს უილისი ჩვენს ბავშვობასთან ასოცირდება. ფილმი საკმაოდ წარმატებული გამოდგა, რის გამოც 2012 და 2014 წლებში მისი მეორე და მესამე ნაწილები გამოვიდა.

როგორ მოვათვინიეროთ დრაკონი – გასააზრებლად, რომ საჭირო ხართ

ვიკინგთა მეთაურის ვაჟმა დრაკონი უნდა მოკლას იმისათვის, რომ თავისი მეომრობა დაამტკიცოს. როცა ის მშიშარა დრაკონს შეხვდება, მიხვდება, რომ მისი მოკვლა სულაც აღარ სურს და მამამისის გულისწყვეტის მიუხედავად, ბიჭი დრაკონს დაუმეგობრდება. ეს არაჩვეულებრივი მულტფილმი მყარ მეგობრობაზეა, რომელიც სიკეთისკენ მოგვიწოდებს. მიუხედავად ყველა უსიამოვნებისა, გახსოვდეთ, რომ ნამდვილი მეგობარი მუდამ თქვენ გვერდით იქნება. ფილმი ოსკარზე საუკეთესო ანიმაციური ფილმისთვის და საუკეთესო ორიგინალური სიმღერისთვის იყო ნომინირებული.

ჯოი – შთაგონებისთვის

ერთი ოჯახის ოთხი თაობის ქალების ისტორია. ოჯახის, რომელიც ქვეყნის ერთ-ერთი ყველაზე ძლიერი და წარმატებული ბიზნეს დინასტიის ფუძემდებელია. ჯენიფერ ლოურენსმა არაჩვეულებრივად შეასრულა მიზანდასახული ახალგაზრდა მეწარმის როლი, რომელსაც შეუძლია ყველაფერი დაძლიოს. თუ მას გამოუვიდა – თქვენც გამოგივათ! ლოურენსი ოსკარზე საუკეთესო მსახიობი ქალისთვის იყო ნომინირებული.

ლილო და სტიჩი – ბავშვურ სიყვარულში რომ ჩაეფლოთ

ლილო პატარა ობოლი გოგონაა, რომელიც ჰავაის კუნძულებზე თავის უფროს დასთან, ნანისთან ერთად ცხოვრობს. ლილოს უყვარს ცხოველები, მისი საუკეთესო მეგობარი კი ძაღლი სახელად სტიჩია, რომელიც სინამდვილეში არა მეგობრული ცხოველი, არამედ – შენიღბული უცხოპლანეტელია. პოზიტივით სავსე მულტფილმი, რომელშიც არის გაერთიანებული ყველა ადამიანური, ბავშვური გრძნობა, რაც გჭირდებათ. კრის სანდერსის ნამუშევარი ოსკარზე საუკეთესო ანიმაციური ფილმისთვის იყო ნომინირებული.

ფორესტ გამპი – იმისთვის, რომ იპოვოთ ძალა საკთარ თავში და გააგრძელოთ ცხოვრება

რობერტ ზემეკისის ყველა დროის გამორჩეული ფილმი იმის შესახებ, თუ როგორ გავუმკლავდეთ ცხოვრებისეულ სირთულეებს და არ დავკარგოთ ადამიანურობა. ეს არის ამბავი ადამიანზე, რომელიც თავის პრობლემებზე მაღლა დადგა და დაამტკიცა, რომ სიმამაცე და სიყვარული უფრო მნიშვნელოვანია ვიდრე უნარი. ფილმმა ოსკარზე 6 კატეგორიაში გაიმარჯვა და ერთ-ერთი, რა თქმა უნდა, ტომ ჰენკსმა საუკეთესო მსახიობი კაცისთვის მიიღო.