10 ახალი ფსიქოლოგიური თრილერი, რომელიც ადრენალინს მოგიზღვავებთ

nugo July 11, 2021

თუ ფიქრობთ, რომ საუკეთესო თრილერები უკვე ნანახი გაქვთ და თქვენს ფავორიტ ჟანრში აღარაფერია საინტერესო, მაშინ გირჩევთ, ქვემოთ ჩამოთვლილი ფილმები ნახოთ. რამდენიმე მათგანი რეალური მოვლენებითაც კი იყო ინსპირირებული. ესაა 10 ახალი ფსიქოლოგიური თრილერი, რომელიც ადრენალინს მოგიზღვავებთ:

პროფესორი და შეშლილი (2019)

პროფესორი და შეშლილი

სიუჟეტი მე-19 საუკუნის ინგლისში ვითარდება. ოქსფორდის პროფესორი ინგლისური ენის პირველ ლექსიკონს ადგენს. მისი დამხმარე კი ფსიქიატრიულის პაციენტია, რომელიც მკვლელობაში გახლდათ ბრალდებული…

სასტუმრო “მუმბაი” (2019)

მუმბაი

პროფესორი და შეშლილის მსგავსად, სასტუმრო “მუმბაიც” ნამდვილ ამბავს ეფუძნება და გვიყვება ტერორისტულ აქტზე, რომელიც 2008 წლის ნოემბერში მოხდა ინდოეთში. ტერორისტების მთავარი სამიზნე ყველაზე ძვირიანი და ერთი შეხედვით, უსაფრთხო სასტუმრო – სასახლე ტაჯ-მაჰალი გახდა.

შუშა (2019)

შუშა

დევიდ დანი თავისი სუპერძალების გამოყენებას გადაწყვეტს, რათა იპოვოს კევინი – ადამიანი მრავლობითი პიროვნების აშლილობით, რომელიც ერთ სხეულში 24 პიროვნებას ატარებს. მ. ნაით შიამალანის ამ სურათში მისივე ფილმების პერსონაჟებმა მოიყარეს თავი.

დამნაშავე (2018)

დამნაშავე

პოლიციის ოფიცერი, რომელიც ჩამოაქვეითეს, ახლა განყოფილებაში შემოსულ ზარებს პასუხობს. ერთ-ერთი ზარის ავტორი აღმოჩნდება ქალი, რომელიც ყოფილმა ქმარმა მოიტაცა და მთავარ გმირს მინიშნებებით ატყობინებს თავის ამბავს. მათი საუბარი ფრთხილია, რათა გამტაცებელმა არაფერი იეჭვოს. ყველაფერი კი ერთ საღამოს, ერთ ოთახში ხდება.

გრეტა (2018)

გრეტა

კლასიკური თრილერი – გოგონა საფულეს პოულობს და პატრონს უბრუნებს, რაც მათ დაახლოებას უწყობს ხელს. თუმცა, შუახნის ქალი სულაც არ აღმოჩნდება ის, ვინც თავიდან ჩანდა. რეალურად ის საშიში მანიაკია… მიუხედავად იმისა, რომ ფილმი კლიშეებითაა სავსე, მასში ნამდვილად არის თავსატეხები, რომელთა ამოხსნაც მარტივი სულაც არ არის.

საოცრად ავი, შოკისმომგვრელად ბოროტი და საზარელი (2019)

საოცრად ავი

ფილმი ნამდვილ ამბავს ეფუძნება და მეოცე საუკუნის ერთ-ერთი ყველაზე სასტიკი სერიული მკვლელის, ტედ ბანდის ისტორიას მოგვითხრობს. ბანდი ასზე მეტი ქალის მკვლელობაზე გახლდათ პასუხისმგებელი, თუმცა სასამართლომ მხოლოდ 30 შემთხვევის დამტკიცება შეძლო. საინტერესოა, რომ მკვლელი სასამართლო პროცესებზე საკუთარ თავს თავად იცავდა.

შეურაცხადი (2018)

შეურაცხადი

სწორია, ბრმად ენდო წამლებს მენტალური დაავადების შემთხვევაში? რეალურად შეურაცხადია მთავარი გმირი თუ ექიმები არწმუნებენ მას ამაში? სტივენ სოდერბერგმა საოცრად შთამბეჭდავი სურათი გვაჩუქა, ისეთი თემებით, რომელზეც საზოგადოება არ საუბრობს.

ამერიკელი ჯალათი (2019)

ამერიკელი ჯალათი

უცნობი პირი ლაივში უჩვენებს ორ გატაცებულ ადამიანს, რომელთაგან ერთ-ერთის გასამართლებასა და მოკვლას იმავე დღეს გეგმავს. ამაზე საზარელი კი ისაა, რომ მაყურებლები მოსამართლისა და ნაფიცი მსაჯულების როლების მორგებას აპირებენ…

ჭექა-ქუხილის დროს (2018)

ჭექა-ქუხილის დროს

ჭექა-ქუხილის დროს, თრილერთან ერთად, სამეცნიერო ფანტასტიკაცაა, ჩახლართული სიუჟეტით, პეპლის ეფექტითა და დროში მოგზაურობით. ყველაფერი კი ჭექა-ქუხილის დროს ხდება. 25 წლის შემდეგ შტორმი იმავე სიზუსტით მეორდება.

მცველები (2018)

მცველები

ფილმი რეალურ ამბავს ეფუძნება და გვიყვება ისტორიას შოტლანდიის ერთ-ერთ კუნძულზე, შუქურის სამი მცველის უჩვეულო და იდუმალი გაუჩინარების შესახებ. რეჟისორი ფილმში საკუთარ მოსაზრებას გვთავაზობს, რეალური მიზეზი კი დღემდე უცნობია.