10 დაუვიწყარი ფილმი წიგნის ჭიებისთვის

nugo July 11, 2021

ქვემოთ ჩამოთვლილი ფილმები სხვადასხვა ჟანრს მიეკუთვნება, თუმცა ყველა მათგანის საერთო თემა ლიტერატურაა. ეს 10 ფილმი წიგნის ჭიებს აუცილებლად მოგეწონებათ.

მიზერი (1990)

მიზერი

ავტოავარიის შემდეგ ცნობილი და წარმატებული მწერალი თავისი ფანის სახლში აღმოჩნდება. ფსიქიკურად დაავადებული ქალი მას სასტიკად ექცევა. ფილმი სტივენ კინგის პოპულარული რომანის ეკრანიზაციას წარმოადგენს.

შიშველი საუზმე (1991)

შიშველი საუზმე

მთავარ გმირს პარანოიდული ფანტაზიები აქვს. მას შემდეგ, რაც შემთხვევით ცოლს მოკლავს, ის აღმოჩნდება მისტიკურ სამყაროში, სადაც უჩვეულო არსებები ცხოვრობენ…

451 ფარენჰაიტით (1966)

451 ფარენჰაიტით

რეი ბრედბერის რომანზე დაფუძნებული ფილმი აღწერს დისტოპიურ მომავალს, სადაც წიგნებს წვავენ და მათი ქონა კანონით ისჯება. თუმცა, გარკვეული შემთხვევა ფილმის გმირს აიძულებს, საკუთარ პრინციპებს უღალატოს.

შუაღამე პარიზში (2011)

შუაღამე პარიზში

ნოსტალგიური სცენარისტი, რომელსაც სჯერა, რომ 1920-იან წლებში უნდა ეცხოვრა, თავის საცოლესთან ერთად პარიზში მიემგზავრება. იქ კი ყოველ შუაღამეს საოცნებო წარსულში ინაცვლებს…

სიმთვრალე (1987)

სიმთვრალე

ფილმი ცნობილი მწერლის, ჩარლზ ბუკოვსკის ცხოვრების ფრაგმენტებს აცოცხლებს და გვიხატავს იმ ადამიანის ყოფას, რომელსაც საარსებო ლუკმა-პურისთვის უხდება ბრძოლა.

ადაპტაცია (2002)

ადაპტაცია

სცენარისტი წიგნის ადაპტაციაზე იწყებს მუშაობას. მას მუშაობის პროცესში უჩვეულო გრძნობები ეუფლება. ცოტა ხანში კი რეალობა და წიგნის სამყარო ერთმანეთში ირევა.

განტევების ვაცი (1976)

განტევების ვაცი

ფილმის მთავარი გმირი მოლარედ მუშაობს. მას მეგობარი, რომელიც ჰოლივუდის „შავ სიაშია“ შეყვანილი, დახმარებას სთხოვს და ისიც, მეგობრის სცენარს თავისად ასაღებს. ცოტა ხანში კი აღმოაჩენს, რომ ეს სწორედ ის საქმეა, რომელიც სურდა.

მკვდარი პოეტების საზოგადოება (1989)

მკვდარი პოეტების საზოგადოება

კონსერვატული სტანდარტების მქონე სკოლაში ახალი ლიტერატურის მასწავლებელი მოდის – ჯონ ქითინგი, რომელიც სტუდენტებს პოეზიის გარდა, თავისუფლებასა და ცხოვრების ძირეულ საკითხებზე ესაუბრება.

ამერიკული ბრწყინვალება (2003)

ამერიკული ბრწყინვალება

ფილმი, რომელშიც ერთმანეთს ერწყმის რეალობა და გამოგონილი სამყარო, კომიქსების ავტორის, ჰარვი პეკარის უჩვეულო ცხოვრებაზე გვიყვება.

ბარტონ ფინკი (1991)

ბარტონ ფინკი

ნიუ-იორკელი მწერალი ჰოლივუდში ჩადის სცენარისტად სამუშაოდ. მას კონტრაქტს უფორმებენ, მაგრამ დაკვეთით წერა არ გამოსდის. კაცი სასტუმროში იკეტება და ბევრი უშედეგო მცდელობის შემდეგ უკვე შეშლილობის ზღვარზეა.