10 ინტელექტუალური ფილმი საზოგადოებაზე

nugo July 11, 2021

დრამა, კომედია თუ სასპენსი – ქვემოთ ჩამოთვლილი ფილმები მწვავე საკითხებს ეხება და ტრადიციული დასავლური საზოგადოების მანკიერებებს ამხელს. ეს არის 10 ინტელექტუალური ფილმი, რომელიც თანამედროვე საზოგადოების რეალობას ასახავს.

სახელგანთქმული (1998)

სახელგანთქმული

ფილმი რამდენიმე მოკლე ისტორიას აერთიანებს და ცნობილი ადამიანების ცხოვრებაზე გვიყვება, იკვლევს რა სოციალური ურთიერთობის ფორმებს საზოგადოების ამ ნაწილში. ვუდი ალენის ერთ-ერთი გამორჩეული სურათი.

ვიღაცამ გუგულის ბუდეს გადაუფრინა (1975)

ვიღაცამ გუგულის ბუდეს გადაუფრინა

მილოშ ფორმანის კლასიკად ქცეული ფილმი ინდივიდისა და სისტემის დაპირისპირებაზე შექმნილი ყველა დროის ერთ-ერთი საუკეთესო სურათია, რომელშიც ჯეკ ნიკოლსონმა, ალბათ, კარიერაში საუკეთესო შესრულება გვიჩვენა.

ქსელი (1976)

ქსელი

ცნობილი სატელევიზიო წამყვანი ნერვული კრიზისის შედეგად ღიად იწყებს საუბარს მედიაზე, სოციალურ ღობეებზე, სოციუმის მახინჯ მხარეებზე… და ის ნამდვილი ვარსკვლავი ხდება.

თრუმენის შოუ (1998)

თრუმენის შოუ

მოულოდნელად შუახნის კაცი აცნობიერებს, რომ მთელი მისი ცხოვრება დიდი ტყუილია, სხვა ადამიანების მიერ დაპროგრამებული და კონტროლირებული; რომ ის შოუს მთავარი გმირია. ეს შოკისმომგვრელი ფილმი შეფასებულია, როგორც მეტაფილოსოფიის, ეგზისტენციალიზმისა და სიმულირებული რეალობის თეზისი.

სერპიკო (1973)

სერპიკო

პატიოსანი და კეთილსინდისიერი პოლიციელი იგებს, რომ მთელი მისი დეპარტამენტი კორუმპირებულია. ის მათ მხილებას გადაწყვეტს, რასაც კონკრეტული შედეგები მოჰყვება როგორც მის პროფესიულ, ისე პირად ცხოვრებაში.

მე, დენიელ ბლეიკი (2016)

მე, დენიელ ბლეიკი

კენ ლოუჩის სურათი ამხელს ბიუროკრატიულ სისტემას და მის მანკიერებებს, ასახავს ერთი ადამიანის განწირულ ბრძოლას ამ სისტემის წინააღმდეგ; როგორც რეჟისორმა თქვა: ამ უსახო ბიუროკრატიაში დიდი იმედგაცრუებისთვის უნდა მოემზადო და ამას უკვე მასიური სახე აქვს…

გლენგარი გლენ როსი (1992)

გლენგარი გლენ როსი

სიუჟეტის ცენტრში ოფისია, სადაც კლიენტებისთვის მუდმივი ბრძოლა მიმდინარეობს. ეს, ფაქტობრივად, პათოლოგიური მდგომარეობაა. ჩვენ ვხედავთ, როგორ შეიძლება აკონტროლოს ადამიანი ფულის მოპოვების ობსესიამ.

სიკვდილის მიზეზი (1995)

სიკვდილის მიზეზი

აქაც ობსესია, ავადმყოფური აკვიატება, რომელიც დღესდღეობით კიდევ უფრო მწვავედ დგას, ვიდრე ფილმის გადაღების პერიოდში. სიკვდილის მიზეზი რეალურ ისტორიას ეფუძნება და გვიყვება ახალგაზრდა ქალზე, რომელიც ყველაფერს აკეთებს, რათა ტელევარსკვლავი გახდეს.

დღეობა (1998)

დღეობა

ელიტარული ოჯახის უფროსის დაბადების დღეზე მთელი სანათესაო იკრიბება. იუბილარის ქალიშვილმა რამდენიმე ხნით ადრე გაურკვეველი მიზეზით თავი მოიკლა. სწორედ ამ წვეულებაზე მჟღავნდება საიდუმლოებები, რომლებსაც ოჯახი სოციალური ნიღბის მიღმა მალავს…

კავშირის გაწყვეტა (2012)

კავშირის გაწყვეტა

რამდენიმე ისტორიის გაერთიანებით, ფილმი წარმოაჩენს ტექნოლოგიების უარყოფით მხარეებს, რეალური ურთიერთობების არარსებობას და ვირტუალურ სამყაროს, რომელშიც ვცხოვრობთ. ეს სევდიანი ისტორიაა, რომელიც თანამედროვე საზოგადოების მკაცრ რეალობას ასახავს.