10 კომედია, რომელსაც ნაბახუსევზე უნდა უყუროთ

nugo July 11, 2021

ვინც ერთხელ მაინც ყოფილხართ ნაბახუსევზე, კარგად იცით, რა საშინელი მდგომარეობაა ეს. სინემანია გირჩევთ 10 გასართობ ფილმს – 10 შესანიშნავ კომედიას ნაბახუსევისთვის:

ძველებურები (2003)

ძველებურები

ახალგაზრდობის ბედნიერი დღეების დასაბრუნებლად, სამი შუახნის მეგობარი კოლეჯთან ახლოს სახლს ქირაობს და სტუდენტურ საძმოს ქმნის. თუმცა, მოლოდინის საწინააღმდეგოდ, ეს დიდი გაუგებრობების დასაწყისად იქცევა.

სამყაროს აღსასრული (2013)

სამყაროს აღსასრული

მეგობრები გადაწყვეტენ, მოიწყონ დაუვიწყარი თავგადასავალი ინგლისის ყველაზე გამორჩეულ ბარებში და უგონოდ დათვრნენ. თუმცა, ერთ-ერთ ბარში სრულიად სხვა სამყარო დახვდებათ, გარემო, სადაც თვითგადარჩენისთვის მოუწევთ ბრძოლა.

დროის მანქანა ჯაკუზში (2010)

დროის მანქანა ჯაკუზში

სამი მეგობარი და თინეიჯერი ბიჭი 1986 წელში გადაინაცვლებენ. მათ როგორმე ისე უნდა მოახერხონ აწმყოში დაბრუნება, რომ წარსულში არაფერი შეცვალონ.

ძალიან ცუდი (2007)

ძალიან ცუდი

მეგობრები, რომლებიც სკოლას ამთავრებენ და კოლეჯში შესვლას მოუთმენლად ელიან, გადაწყვეტენ, გამოსაშვები წვეულება ცხოვრების დაუვიწყარ მომენტად აქციონ. თუმცა, მოვლენები ისე არ ვითარდება, როგორც მათ სურთ.

მოწეულები და აფორიაქებულები (1993)

მოწეულები

ფილმი ახალგაზრდების სტუდენტურ ცხოვრებაზე გვიყვება და მათ მღელვარე ყოველდღიურობას ასახავს, ძალიან ზუსტად აღწერს მეოცე საუკუნის ყველაზე საინტერესო პერიოდს.

წვეულება (1984)

წვეულება

ტომ ჰენკსის ერთ-ერთი ყველაზე ადრეული როლი და იმ ახალგაზრდა კაცის ამბავი, რომელიც დაქორწინებამდე წვეულების მოწყობას გადაწყვეტს. ეს წვეულება კი, ბევრ სხვა რამესთან ერთად, მის ქორწინებასაც რისკის ქვეშ აყენებს.

მეჯვარეები (2011)

მეჯვარეები

აქაც ქორწინება და ქორწილისთვის სამზადისი. ბევრი კომიკური სიტუაცია. ბრძოლა მეჯვარეობისთვის. მეგობრის დაკარგვით გამოწვეული შიში და სიყვარული, რომელიც მოულოდნელად მოდის…

აუტანელი ბოსები (2011)

აუტანელი ბოსები

მეგობრები თავიანთი აუტანელი ბოსების მოკვლას დაგეგმავენ. გეგმის აღსრულების პროცესში კი აცნობიერებენ, რომ რეალური ბედნიერების გზას მიაგნეს.

რიჯმონტის სკოლა (1982)

რიჯმონტის სკოლა

გართობა, სექსი, თავისუფლება, ძიების პროცესი, ახალგაზრდული უდარდელობა… კალიფორნიის სკოლის მოზარდების ცხოვრების სტილი და ფილმის მსუბუქი ატმოსფერო თქვენც მსუბუქ განცდებს დაგიტოვებთ.

წვეულება ვეგასში (2009)

წვეულება ვეგასში

წვეულების მეორე დღეს სამი მეგობარი საშინელ ნაბახუსევზე იღვიძებს. მათ წინა ღამიდან საერთოდ არაფერი ახსოვთ. სამაგიეროდ, ნომერში ჩვილი ხვდებათ, სააბაზანოდან ვეფხვი გამოდის, მათი მეგობარი კი, რომელსაც ქორწილი უნდა ჰქონოდა, გამქრალია…