10 კომედია ჯაშუშებზე

nugo July 11, 2021

თრილერები ჯაშუშებზე ყოველთვის დიდი პოპულარობით სარგებლობდა, მაგრამ არანაკლებ საინტერესო აღმოჩნდა მათი ისტორიები კომედიურ ჟანრში. რა შეიძლება იყოს იმაზე კარგი, ვიდრე ადევნო თვალი იმას, თუ როგორ უმკლავდება ერთი ადამიანი ყველა პრობლემას და ამასთან ერთად კარგად გაერთო?! კარგად მოეწყვეთ, წარმოგიდგენთ 10 საუკეთესო კომედიას ჯაშუშებზე:

ჯონი ინგლიში: ახალი შეტევა (2018)

მძაფრ-სიუჟეტიანი ფილმი როუენ ატკინსონის მონაწილეობით სწორედ ის არის, რაც გჭირდებათ, როდესაც გსურთ ნახოთ რაღაც მარტივი და თან ძალიან სახალისო. ფილმს იმდენად კარგი ტემპი აქვს და იმდენად კარგად არის შეკრული, რომ მაყურებელს მოწყენის საშუალება არ ეძლევა. რა თქმა უნდა, აღსაღნიშნავია როუენ ატკინსონის უნივერსალური შესრულებაც, რაც ამ ფილმის ერთ-ერთი ყველაზე დიდი ღირსებაა.

კინგსმენი: ოქროს წრე (2017)

წარმატებული პირველი ნაწილის ღირსეული გაგრძელება. შეიძლება, ზოგიერთ მაყურებელს ფილმის რამდენიმე სცენა გადაჭარბებულად მოეჩვენოს, მაგრამ “საიდუმლო სამსახური” ყოველთვის მომხიბვლელი ფარსი იყო. წინ მსოფლიოს გარშემო მოგზაურობა, დიდი ქალაქების და საიდუმლო საწყობების ნახვა გელოდებათ, რაც ფილმს მეტ ინტრიგას მატებს. მოკლედ, წინ ცოტა გიჟური, მაგრამ საინტერესო და სახალისო ისტორია გელოდებათ.

ჩემი შეყვარებული ჯაშუშია (2018)

სუზანა ფოგელმა გადაიღო ქალის თვალით დანახული მძაფრ-სიუჟეტიანი კომედია ჯაშუშებზე, რომელშიც მთავარი გმირები ქალები არიან. რეჟისორს არ გაურთულებია ზედმეტად სიუჟეტი, ასე რომ, მოვლენები საკმაოდ შაბლონურად ვითარდება, მაგრამ მილა კუნისის და ქეით მაკკინონის არაჩვეულებრივი დუეტი მოწყენის საშუალებას არ მოგცემთ. “ჩემი შეყვარებული ჯაშუშია” სტანდარტული, მაგრამ არანაკლებ საინტერესო და სახალისო კომედიაა, რომლის ყურების დროსაც შეგიძლიათ მოდუნდეთ და დაივიწყოთ რთული დღე.

სამმაგი აგენტი (2015)

“სამმაგი აგენტი” ამერიკული კომედიების საუკეთესო მაგალითია. ცენტრალური სადაზვერვო სააგენტოს სპეცაგენტის ისტორია, რომელიც წარუმატებელი კატების მოყვარული ქალისგან ნელ-ნელა სუპერჯაშუშად იქცევა. საკმაოდ არატრადიციული იუმორი და სიუჟეტი, რომელიც საკმაოდ განსხვავდება მსგავსი კლასიკური ჟანრისგან. უნდა აღინიშნოს მელისა მაკარტის პერფომანსიც, რომლის გარეშეც ამ ფილმს მთელი შარმი დაეკარგებოდა.

აგენტები U.N.C.L.E. (2015)

სახელმწიფო უშიშროების კომიტეტის და ცენტრალური სადაზვერვო სააგენტოს ორი ნიჭიერი სპეცაგენტი, რომლებიც ერთმანეთს ვერ იტანენ, ტერორიზმის დასამარცხებლად ერთიანდება. მართალია, გაი რიჩის ფილმმა გაქირავებაში დიდ წარმატებას ვერ მიაღწია, მაგრამ ის ნამდვილად იმსახურებს თქვენს ყურადღებას. უნდა აღინიშნოს მსახიობების არაჩვეულებრივი შესრულება, საუნდტრეკები, კადრები და იმედი, რომ მას კიდევ ერთი ნაწილი შეიძლება მოჰყვეს.

დაძაბე გონება (2008)

ეს ფილმი იდეალურად შეეფერება განსატვირთად მოწყობილ სასიამოვნო საღამოს. საინტერესოდ დადგმული სცენები, ეფექტური ტრუკები, დევნა ხმელეთზე და ჰაერში და, რა თქმა უნდა, ხუმრობები მოწყენის საშუალებას არ მოგცემთ. ვერ ვიტყვით, რომ ფილმი განსაკუთრებული სათქმელით გამოირჩევა, მაგრამ მისი ყურების შემდეგ სასიამოვნო განწყობა გარანტირებულია.

რედი 2 (2013)

ფილმის პირველმა ნაწილმა ნამდვილად გაამართლა და შედეგად მისი მეორე ნაწილიც მივიღეთ. ორი ფილმი, რომელიც ცენტრალური სადაზვერვო სააგენტოს ყოფილ აგენტებზე მოგვითხრობს, რომლებსაც პენსიაზე გასულებსაც კი არ ასვენებენ. წინ ბევრი საინტერესო გეოგრაფიული ლოკაცია გელოდებათ. ფილმის ორივე ნაწილი სანახაობრივია და ისინი იმსახურებენ თქვენც ყურადღებას, განსაკუთრებით კი ფილმების სამსახიობო ანსამბლი.

ცენტრალური დაზვერვა (2016)

ეს არ არის უბრალოდ მორიგი ფილმი მეწყვილეებზე. შეიძლება, ის არ არის საუკეთესო ამ ჟანრში, მაგრამ დუეინ ჯონსონის და კევინ ჰარტის კონტრასტული დუეტი ნამდვილად გაგიხალისებთ საღამოს. უნდა აღინიშნოს იუმორი, რომელიც არ ცდება ზღვარს, კლიშეები, რომლებიც საკმაოდ ბევრია, მაგრამ ფინალამდე ინტერესი მაინც არ დაგეკარგებათ და მოვლენების სწრაფი განვითარება, რაც მოწყენის საშუალებას არ მოგცემთ.

დღის რაინდი (2010)

კარგად გაკეთებული კეთილი მძაფრ-სიუჟეტიანი კომედია, რომლის ყურების შემდეგაც დადებითი ემოციები დაგრჩებათ. ამ ფილმის სიუჟეტიც საკმაოდ სავსეა კლიშეებით და სტერეოტიპებით, მაგრამ მიუხედავად ამისა, ფილმის ყურების ინტერესი ნამდვილად არ დაგეკარგებათ. ეს, ალბათ, ტომ კრუზის და კამერონ დიაზის არაჩვეულებრივად შესრულებული როლების დამსახურებაცაა.

21 ჯამფ სტრიტი (2012)

მიუხედავად იმისა, რომ თუ ძალიან ჩავუღრმავდებით, ფილმს ბევრი ნაკლი შეიძლება აღმოვუჩინოთ, ერთხელ სანახავად მაინც ღირს მისთვის დროის გამონახვა, განსაკუთრებით კი მეგობრების წრეში. ასეა თუ ისე, ყველა ნაკლის მიუხედავად, თამამად შეიძლება ითქვას, რომ ის ოსტატურად გადაღებული კომედიაა არაჩვეულებრივი მსახიობებით.