10 მსუბუქი ფილმი რთული კვირის დასაწყებად

nugo July 10, 2021

მოდი, შევთანხმდეთ, ორშაბათი მძიმე დღეა! წინ უამრავი საპასუხისმგებლო დღე გველოდება: ბევრი სამეცადინო, სამსახურში მოცემული ახალი დავალებები, ოჯახი, ბავშვები… ორშაბათ დღეს ვხვდებით, რომ პარასკევი ჯერ კიდევ შორს არის და ეს გუნებასაც გვიფუჭებს.

დღევანდელ კოლექციაში კი ისეთი ფილმები შეგირჩიეთ, დღის ბოლოს გემრიელად რომ უნდა მოკალათდეთ და უაროფითი ენერგიებისგან დაიცალოთ.

მოკლედ, ასე გამოიყურება ფილმები, რომელიც ორშაბათი დღის სტრესს გადაგატანინებთ:

ტონი ერდმანი (2016)

ეს არის გულისამაჩუყებელი და სახალისო ისტორია, რომელიც 37 წლის ინესის და მისი მხატვარი მამის, ტონის ურთიერთობაზე მოგვითხრობს. მამა მოულოდნელად ესტუმრება შვილს სამსახურში. დეპრესიის პირას მყოფი შვილის ნახვის შემდეგ ტონი ცდილობს მის ცხოვრებაში ცოტა სიხალისე შეიტანოს, თუმცა მას სიტუაცია სერიოზულ კონფლიქტამდე მიჰყავს. ფილმი ოსკარზე საუკეთესო უცხოენოვანი ფილმისთვის იყო ნომინირებული.

ზოოსტარი (2016)

იმის გამო, რომ თეატრს მაყურებლი არ ჰყავს, მფლობელი კოალა გაკოტრების პირასაა. იმისთვის, რომ ახალი ცხოველები მიიზიდოს, მან გადაწყვიტა სიმღერის კონკურსი ჩაეტარებინა, რომელშიც ნებისმიერი მსურველი შესძლებდა მონაწილეობის მიღებას. მაგრამ ფურცელზე დაშვებული შეცდომის გამო 10-ის ნაცვლად 1000 მონაწილე მოდის. როგორ მოუსმინოს ყველას? და როგორ აუხსნას, რომ ამდენი ფული მას უბრალოდ არ აქვს? ფილმი ოსკარზე საუკეთესო ორიგინალური სიმღერისთვის და საუკეთესო ანიმაციური ფილმისთვის იყო ნომინირებული.

სტაჟიორი (2015)

70 წლის ქვრივი ბენი პენსიაზე გასვლის შემდეგ ხვდება, რომ ასეთი ცხოვრება მას არ მოსწონს. ამიტომ, როდესაც სტარტაპის ვაკანსია ნახა პენსიონერების სტაჟირებაზე, გადაწყვიტა გაერისკა. მხოლოს კარგი კოსტუმის ჩაცმა, ვიდეორგოლის გადაღება და იმის გაგება დარჩა, თუ რა არის “სტარტაპი”. ეს ის ფილმია, რომლის ყურების შემდეგაც გაღიმებული დარჩებით და ეს ფილმი შესძლებს, უფრო მოტივირებული გაგხადოთ.

პატარა პრინცი (2015)

ისტორია პატარა გოგონაზე, რომელიც მისი ასაკისთვის ზედმეტად დიდია. მისი ცხოვრება წუთების მიხედვით არის გაწერილი: პრესტიჟულ აკადემიაში სწავლის დაწყებამდე 53 დღე არის დარჩენილი, ტრიგონომეტრიას კი მის მაგივრად არავინ ისწავლის… კიდევ კარგი, მას ყველაფერი აქვს, რაც საჭიროა: დაფა განრიგით, ენციკლოპედიებით სავსე თაროები და დედა, რომელიც ამტკიცებს, რომ მისი შვილისგან “არაჩვეულებრივი ზრდასრული ადამიანი” გამოვა. ადრე თუ გვიან ჩვენ ყველა ვიზრდებით და გვავიწყდება ის, თუ რაზე ვოცნებობდით, როდესაც პატარები ვიყავით. ეს მულტფილმიც სწორედ ოცნებებზეა და იმაზე, თუ რა მნიშვნელოვანია საბოლოო ჯამში, მაინც ბავშვებად დავრჩეთ.

უოლტერ მიტის საიდუმლო ცხოვრება (2013)

ჟურნალი “Life”-ის მორიდებულმა თანამშრომელმა გაიგო, რომ გამომცემლობა, რომელშიც მან 16 წელი იმუშავა, მალე შეწყვეტს ბეჭდური ფორმატის გამოცემას და ის სამსახურის გარეშე დარჩება. ყველაფერთან ერთად, ცნობილი მოგზაურის გენიალური ფოტოსურათი, რომელიც ბეჭდური გამოცემის ბოლო ნომრის ყდაზე უნდა დაიბეჭდოს, გაუჩიანარდა. უოლტერს არაფერი რჩება იმის გარდა, რომ კადრის მოსაბეძნად გაემგზავროს. რამდენჯერ გვიფიქრია იმაზე, რომ ჩვენს ცხოვრებაში რაღაცის შეცვლა გვსურდა?! ბენ სტილერის ფილმი მოგვითხრობს უბრალო ადამიანის ისტორიას, რომელმაც ძალები მოიკრიფა და მიიღო გადაწყვეტილება, რომელმაც მისი ბედისწერა შეცვალა.

იმედის სხივთა კრებული (2012)

მეუღლესთან დაშორების შემდეგ პეტმა დამამშვიდებელი წამლების მიღება დაიწყო, საბოლოოდ კი ფსიქიატრიულ კლინიკაში აღმოჩნდა. ის ცდილობს უკეთესი გახდეს და ნორმალურ ცხოვრებას დაუბრუნდეს. დევიდ ო. რასელის ფილმი ორი ადამიანის ისტორიას მოგვითხრობს, რომლებსაც თავიანთ ცხოვრებაში ძალიან რთული პერიოდი აქვთ. ფილმში მთავარ როლებს ჯენიფერ ლოურენსი და ბრედლი კუპერი ასრულებენ. ეს ფილმი არა თუ იმედის მომცემია, არამედ იმაშიც დაგარწმუნებთ, რომ არასდროს არის გვიანი შეცვალოთ თქვენი ცხოვრება. ჯენიფერ ლოურენსმა ამ ფილმში ოსკარი საუკეთესო მსახიობი ქალისთვის მიიღო.

სიურპრიზი (2015)

ფილმი ექსცენტრიული მულტიმილიონერის და ახალგაზრდა ქალის ისტორიას მოგვითხრობს. დეპრესიაში მყოფები, ერთ დაწესებულებაში თავიანთი ცხოვრების “შეწყვეტაზე” მოაწერენ შეთანხმებას ხელს. გმირები დაკრძალვისთვის სასახლის შერჩევისას ხვდებიან ერთმანეთს და იაზრებენ, რომ არ სურთ ამქვეყნიური ცხოვრების დატოვება, მაგრამ შეკვეთის გაუქმება შეუძლებელია…

ყოველთვის თქვი დიახ (2008)

საკუთარ თავში ჩაკეტილი საშუალო დონის დეპრესიული მენეჯერი შემთხვევით ხვდება სემინარზე, სადაც ადამიანები ყველაფერზე თანხმდებიან, რასაც სთავაზობენ. ცოტაოდენი ფიქრის შემდეგ ჯიმ ქერის გმირი ბედავს ყოველთვის თქვას “კი”. სწორედ ასე იქცევა მისი ცხოვრება ნამდვილ საგიჟეთად, რომელში აღმოჩენაც, ხანდახან, ყველასთვის სასარგებლო იქნებოდა.

პატარა მის ბედნიერება (2006)

ყველა გოგოს უნდა იყოს ლამაზი, მოუქნელ პუტკუნა ოლივსაც, კურდღლის კბილებით და სათვალით, რომელიც მასზე გაცილებით დიდია. შემთხვევით ის გოგოების სილამაზის კონკურსის ნახევარ-ფინალში გადადის. მაგრამ მისი მრავალფეროვანი ოჯახი გამოსვლის მომზადებაში ნამდვილად ვერ დაეხმარება. ეს ფილმი ოპტიმიზმით, მოთმინების შეგრძნებით და ახლობლებზე ზრუნვის სურვილით აგავსებთ. ფილმმა ოსკარი საუკეთესო ორიგინალური სცენარისთვის მიიღო, ალან არკინიმ კი – ოქროს ქანდაკება საუკეთესო მსახიობი კაცისთვის მეორეხარისხოვან როლში.

ეს ამბავი ძალიან სახალისოა (2010)

16 წლის მოზარდს უჭირს იმის ახსნა, თუ რა ხდება მის გონებაში, მით უმეტეს, როდესაც მან “თავისი საუკეთესო წლები” უნდა იცხოვროს. კრეიგი პრობლემებში ისე ჩაეფლო, რომ ის გამოსავალს მხოლოდ თვითმკვლელობაში ხედავს. კიდევ კარგი, რომ ახალგაზრდა დასახმარებლად ექიმს მიმართავს, რომელიც მას პრობლემებში არ ეძიება და “განსაკუთრებული” პაციენტების განყოფილებაში ამისამართებს. მორალი ახალი არაფერია: იმისთვის, რომ ყოველი დღით მიიღოთ სიამოვნება, ხანდახან, საკუთარ ცხოვრებას სხვა ადამიანების თვალით უნდა შევხედოთ…