10 მძიმე ფილმი, რომელიც სჯობს, არ გამორთოთ

nugo July 11, 2021

ზოგიერთი ფილმი ჩვენში მძაფრ ემოციებს იწვევს და კომფორტის ზონიდან გამოსვლას გვაიძულებს. თუმცა, ხშირად ისინი საინტერესო გამოცდილებას გვაძლევენ და თვითრეფლექსიაში გვეხმარებიან. გთავაზობთ 10 მძიმე ფილმს, რომელიც სჯობს, არ გამორთოთ:

პირადი ომი (2018)

პირადი ომი

ფილმი გვიყვება ომის კორესპონდენტზე, რომელიც მთელს მსოფლიოში მოგზაურობს და საფრთხისა და ომის საშინელების მიუხედავად, ყველაფერს აკეთებს, რათა სამყაროს სიმართლე გააგებინოს და სწრაფად მიაწოდოს ინფორმაცია. ფილმი რეალურ ისტორიას ეფუძნება და მარი კოლვინის ამბავს მოგვითხრობს.

უხილავი ბავშვები (2006)

უხილავი ბავშვები

ოდესღაც ყველანი ბავშვები ვიყავით, თუმცა, ბევრ ჩვენგანს ეს ხშირად ავიწყდება… ფილმი 7 მოკლე ისტორიას აერთიანებს – 7 ბავშვზე, რომელთაც უმძიმესი ცხოვრება აქვთ, ადამიანები კი ამას ვერ ამჩნევენ. მისი ყურებისას ცრემლების შეკავება გაგიჭირდებათ.

შემდეგ შენ გამოჩნდი (2019)

შემდეგ შენ გამოჩნდი

კელვინი იპოქონდრიით იტანჯება და ამის გამო ცხოვრებისგან სიამოვნების მიღებას ვერ ახერხებს. სქაი კი პირიქით, საკუთარ სურვილებს მისდევს და კმაყოფილია. გოგონას ექსცენტრულობის მიუხედავად, ისინი ერთად იწყებენ ბრძოლას, რათა ოცნებები რეალობად აქციონ.

ძლიერი გული (2007)

ძლიერი გული

ფილმი ნამდვილ ამბავს ეფუძნება და მოგვითხრობს ისტორიას ჟურნალისტზე, რომელიც ჟურნალისტური გამოძიებისას კავშირს აღმოაჩენს ალ-ქაიდასა და პაკისტანის სპეციალურ ძალებს შორის. ამის შემდეგ ის უჩინარდება. მისი ორსული მეუღლე კი ქმრის ძებნას იწყებს…

სამახსოვრო მომენტი (2004)

სამახსოვრო მომენტი

ბევრი სირთულის გადალახვის შემდეგ ახალგაზრდა ქალს ნამდვილი სიყვარული ეწვევა და ქორწინდება. თუმცა, როგორც ჩანს, პრობლემებს დასასრული არ უჩანს. ქალს მეხსიერების დარღვევის დიაგნოზს უსვამენ, რაც მის მოგონებებს გაქრობით ემუქრება.

ნახვამდის კრისტოფერ რობინ (2017)

კრისტოფერ რობინ

ყველა ბავშვისთვის საყვარელი წიგნის – ვინი პუჰის ავტორის, არტურ მილნისა და მისი შვილის – კრისტოფერ რობინის ისტორია. მწერალმა წიგნების სერია სწორედ თავის პატარა ვაჟს მიუძღვნა.

აღმოჩენა (2017)

აღმოჩენა

ტომას ჰარბორი აკეთებს სენსაციურ აღმოჩენას, რომ სიკვდილის შემდეგ ადამიანები თავიანთ ოცნებებში ხვდებიან. სამყარო მის აღმოჩენას ირწმუნებს და თვითმკვლელობათა რიცხვი კატასტროფულად იზრდება. თვითმკვლელობაზე იწყებენ საუბარს ტომასის ცოლი და შვილებიც, რის შემდეგაც კაცი ყველანაირად ცდილობს სიტუაციის გამოსწორებას.

გარდაცვლილნი (2008)

გარდაცვლილნი

ჩელოზე შემსრულებელს ორკესტრიდან დაითხოვენ და მან არ იცის, როგორ განაგრძოს ცხოვრება. იმისთვის, რომ ოჯახი არჩინოს, კაცი დამკრძალავ ბიუროში იწყებს მუშაობას, რასაც ყველას უმალავს. იაპონიაში ხომ ეს საქმე სირცხვილად ითვლება.

ბანდის ხელმძღვანელი (2017)

ბანდის ხელმძღვანელი

უდანაშაულო მამაკაცს შეცდომით სვამენ ციხეში. რაც დრო გადის, მას უფრო და უფრო მეტი სირთულის გავლა უწევს თავის დასაცავად. ის მონაწილეობს ჩხუბებში, ხდება მაფიის წევრი, ბოლოს კი – ბოსი. პატიმრობის ვადის ამოწურვის შემდეგ კი მამაკაცი ხვდება, რომ ძალიან გაუჭირდება, ნორმალურ ცხოვრებას დაუბრუნდეს.

6 ფუტის სიღრმეზე: მთის სასწაული (2017)

მთის სასწაული

წარსულში ცნობილი ჰოკეისტი, რომელსაც კარიერისთვის თავის დანებება მოუწია, თავს სრიალით ირთობს. გაფრთხილების მიუხედავად, ის სასრიალოდ მიდის მთაში და გზას კარგავს. მის გარშემო მხოლოდ თოვლის უდაბნოა გადაჭიმული და კაცი თავგამეტებით იბრძვის, რათა როგორმე ცოცხალი გადარჩეს.