10 რეალურ ამბავზე დაფუძნებული რომანტიკული ფილმი

nugo July 11, 2021

ხანდახან, როდესაც ვუყურებთ ფილმს სიყვარულზე, რთული დასაჯერებელია, რომ ასე რეალურ ცხოვრებაშიც შეიძლება მოხდეს და ვფიქრობთ ხოლმე – ეს მხოლოდ კინოში ხდება – მაგრამ ყოველთვის ასე არ არის.

ფილმები სიყვარულზე, რომლებზეც დღეს ვისაუბრებთ რეალურ ისტორიებს ეყრდნობა. ნახეთ, როგორი შეიძლება იყოს რეალური სიყვარულის ისტორია:

ახალი სამყარო (2005)

ეს ისტორია თქვენთვის დისნეის მულტფილმიდან იქნება ნაცნობი: ფილმის მთავარი გმირი პრინცესა პოკაჰონტასია: გოგონა, რომელიც რეალურად არსებობდა და რომელმაც მოახერხა არამარტო წარსდგომოდა ინგლისის მეფის ჯეიმზ I-ის კარზე, არამედ მოახერხა მისი დარწმუნება იმაში, რომ ინგლისს უნდა დაელაგებინა ურთიერთობა ამერიკის მოსახლეობასთან. რაც შეეხება პოკაჰონტასისა და მეზღვაური ჯონ სმიტის რომანს, ინსტორიკოსებს მასში ეჭვი ეპარებათ, თუმცა ფილმში ის იმდენად ნამდვილია, რომ ვიმედოვნებთ, მათი ისტორიაც რეალურია.

ანა და მეფე (1999)

ანა ლეონოვენცი რამდენიმე წელი ასწავლიდა ინგლისურ ენას და კულტურას მეფე მონგკუტას კარზე სიამში 1860-იან წლებში და მემუარების ორი წიგნი დაწერა. მათზე დაყრდნობით ამერიკელმა მარგარეტ ლენდონმა დაწერა რომანი “ანა და სიამის მეფე”, რომლის მიხედვითაც გადაღებულია ეს ფილმი. ფილმი ოსკარზე საუკეთესო მხატვრული გაფორმებისთვის და საუკეთესო კოსტიუმების დიზაინისთვის იყო ნომინირებული.

50 პირველი პაემანი (2004)

ადამ სენდლერის გმირს იშვიათი შანსი მიეცა: ის თავისი ოცნების გოგონას შეხვდა და იმ დღესვე მოახერხა ის მოეხიბლა. თუმცა ამ ისტორიაში არის ერთი ნიუანსი, რომელმაც კინაღამ დაღუპა დიდი სიყვარული: დრიუ ბერიმორის პერსონაჟს მეხსიერების პრობლემა აქვს და გაცნობის მეორე დღეს ვერ იხსენებს სენდლერის გმირს. რეალური ისტორიის გმირი, ჰენრი, რომელსაც სენდლერი განასახიერებს, სინამდვილეში სხვა პრობლემის წინაშე იდგა: მან თავისი მეუღლე ავარიამდე დიდი ხნით ადრე გაიცნო, მაგრამ მას ნამდვილად ავიწყდებოდა თავისი ქმარი ყოველ საღამოს და ყოველ დილით დარწმუნებული იღვიძებდა, რომ 1994 წელი იყო. ჰენრი მეუღლეს ყოველ დილით ახსენებს თავს ვიდეოჩანაწერების და ფოტოსურათების დახმარებით.

ფიცი (2012)

ჩენინგ ტატუმის და რეიჩელ მაკადამსის გმირები ლეო და პეიჯი, რომლებსაც რეალურ ცხოვრებაში კიმი და კრისტი ერქვათ, სულ ათი თვის დაქორწინებულები იყვნენ, როდესაც ავტოკატასტროფამ მათი ქორწინება დაანგრია. მაკადამსის გმირმა გამოფხიზლების შემდეგ ვერ მოახერხა მეუღლის გახსენება. სამედიცინო კვლევის შემდეგ აღმოჩნდა, რომ მას უკანასკნელი 18 თვე უბრალოდ წაეშალა მეხსიერებიდან. სწორედ ამ პერიოდის მანძილზე გაიცნო და შეიყვარა მან თავისი მომავალი მეუღლე. ექიმები ვერ აკეთებდნენ პროგნოზს მისი მეხსიერების დაბრუნებასთან დაკავშირებით, მაგრამ ტატუმის პერსონაჟი არ შეეგუა იმ აზრს, რომ მეუღლემ ის დაივიწყა და თავიდან სცადა მისი გულის მოგება. დღეს წყვილი ისევ ერთად არის და მათ ორი შვილი ჰყავთ. გოგონას ის 18 თვის მოგონება არ დაბრუნებია.

ფრიდა (2002)

მექსიკელი მხატვარი ფრიდა კალო სულ რაღაც 20 წლის იყო, როდესაც ცოლად მექსიკის ყველაზე ცნობილ მხატვარს დიეგო რივერას გაჰყვა ცოლად. დიეგო მდიდარი და გარყვნილებისკენ მიდრეკილი იყო, ფრიდა კი ფეთქებადი ხასიათით გამოირჩეოდა. ორივე გახდა ცნობილი მთელი მსოფლიოს მასშტაბით და ორივეს ჰყავდა უამრავი საყვარელი, მაგრამ მაინც ვერ მოახერხეს ერთმანეთის გადაყვარება.

უხილავი ქალი (2013)

ფილმი ჩარლს დიკენსის და ელენ ტერნანის სიყვარულის ისტორიას მოგვითხრობს. მათ ერთმანეთი 1857 წელს გაიცნეს, როდესაც ჩარლსი 45 წლის, ელენი კი – 18 წლის იყო. ასაკობრივმა სხვაობამ ვერ შეუშალა ხელი მათ სიყვარულს. ფილმი ოსკარზე საუკეთესო კოსტიუმების დიზაინისთვის იყო ნომინირებული.

სიდი და ნენსი (1986)

ფილმის თავდაპირველი სახელი “სიყვარული კლავს” იყო. ეპიკური დრამა ლეგენდარული Sex Pistols-ის ბასისტის, სიდ ვიშეს ცხოვრებაზე, სიკვდილზე და სიყვარულზეა. 70-იანი წლები, როკ-ენ-როლი და ჰეროინის სამოთხე ორისთვის, რომლიდანაც ვერც სიდი და ვერც ნენსი ვერ დაბრუნდნენ. ეს ფილმი არის სიყვარულზე, რომელიც ვერ იარსებებდა, რადგან სიყვარული ნარკოტიკთან ერთად შეუძლებელია: არის ან სიყვარული, ან ნარკოტიკი, ან ნარკოტიკისადმი სიყვარული. აი სიდს და ნენსის კი ნამდვილად უყვარდათ ერთმანეთი, გულწრფელად და სიგიჟემდე, სიკვდილამდე…

აფრიკიდან (1985)

სიდნი პოლაკის ფილმი, რომელმაც ოსკარის 7 ნომინაციაში გაიმარჯვა, მათ შორის კატეგორიებში საუკეთესო რეჟისორისთვის და საუკეთესო სურათისთვის. 1914 წელს მწერალი კარენ ბლიქსენი თავის ბიძაშვილზე, შვედ მონადირეზე და მწერალზე ბრორ ფონ ბრიქსენ-ფინეკეზე გათხოვდა. წყვილი აფრიკაში გადავიდა, მაგრამ მალე გაშორდნენ ერთმანეთს. მოგვიანებით კარენი, რომლის როლსაც მერილ სტრიპი ასრულებს, ინგლისელ დენის ფინჩ ჰატონს, მოგზაურს, მონადირეს და ავიატორს შეხვდა. ეს იყო ერთი ნახვით სიყვარული, მარადიული, მაგრამ ტრაგიკულმა მოვლენებმა შეყვარებული წყვილი აიძულა დაშორებოდნენ ერთმანეთს. კარენი დანიაში დაბრუნდა და წიგნი დაწერა, რომლის მიხედვითაც არის გადაღებული ეს ფილმი.

ჭამე, ილოცე, შეიყვარე (2010)

ამერიკელი მწერალი ელიზაბეტ გილბერტი ორჯერ იყო გათხოვილი: 1994 წელს მან მაიკლ კუპერზე იქორწინა, 2007 წელს – ჟოზე ნუნესზე. სწორედ პირველი ქორწინების კრიზისმა და გაშორებამ უბიძგა მას ერთწლიანი მოგზაურობისკენ, რომელსაც ის თავის ცნობილ წიგნში “ჭამე, ილოცე, შეიყვარე” აღწერს. მან ოთხი თვე გაატარა იტალიაში (“ჭამე”), ოთხი – ინდოეთში (“ილოცე”), წლის დანარჩენი ნაწილი კი – ბალზე. სწორედ იქ გაიცნო მან თავისი მეორე მეუღლე. მისი წიგნი ბესტსელერი გახდა და ეს ფილმიც მის მიხედვით არის გადაღებული, რომელშიც მთავარ როლებს ჯულია რობერტსი და ხავიერ ბარდემი ასრულებენ.

უდაბნოს დედოფალი (2015)

ფილმი ბრიტანელი მწერლის და მოგზაურის, გერტრუდა ბელის ბიოგრაფიის მოტივებზეა გადაღებული. მდიდარი მშობლების ქალიშვილს არანაირი ინტერესი არ ჰქონდა ლონდონელი არისტოკრატების ცხოვრებისადმი. გერტრუდა, რომლის როლსაც ნიკოლ კიდმანი ასრულებს, აღმოსავლეთისკენ მიემართება, სადაც საელჩოს თანამშრომელი, ჯეიმს ფრანკოს გმირი, ჰენრი კადოგანი უყვარდება.