10 საუკეთესო აზიური ფილმი

nugo July 11, 2021

ქვემოთ ჩამოთვლილი ფილმები მრავალფეროვან თემებს მოიცავს და გარდა იმისა, რომ არსებობის, ცხოვრების ძირეულ საკითხებს ეხება, მაყურებელს აზიის მდიდარ კულტურასაც აცნობს. ესაა 10 საუკეთესო აზიური ფილმი:

ლეგენდა ნარაიამაზე (1983)

ლეგენდა ნარაიამაზე

სიუჟეტი ვითარდება მე-19 საუკუნის იაპონური სოფლის ირგვლივ, სადაც შიმშილი ბატონობს. სოფლის მაცხოვრებლები გადაწყვეტენ, რომ როდესაც ადამიანი კონკრეტულ ასაკს მიაღწევს, ნარაიამას მთაზე წავიდეს და სიკვდილს დაელოდოს. ფილმის მთავარ გმირს ეს ასაკი უწევს…

შემოდგომის შუადღე (1962)

შემოდგომის შუადღე

ქვრივი კაცი გადაწყვეტს, შვილი დააქორწინოს, რათა გაათავისუფლოს ის მამაზე ზრუნვის პასუხისმგებლობისგან. ფილმი კოლექტიური ცხოვრების ასპექტებს წარმოაჩენს და გვიჩვენებს, თუ რამხელა მნიშვნელობა აქვს სოციალურ ურთიერთობებსა და უბრალოებას ცალკეული ინდივიდის ცხოვრებაში.

გაზაფხული, ზაფხული, შემოდგომა, ზამთარი… და ისევ გაზაფხული (2003)

გაზაფხული, ზაფხული

ბუდისტი ბერი და მისი მოწაფე თავიანთი ასკეტური და უბრალო ცხოვრებით ცხოვრობენ – გაზაფხულზე, ზაფხულში, შემოდგომაზე, ზამთარში… და ისევ გაზაფხულზე… ესაა ფილმი, რომელიც გვასწავლის, რომ სამყაროში ყველაფერი ჯერ იბადება, მერე იზრდება და ქრება, მსგავსად წელიწადის დროებისა.

მოგონებები მკვლელობაზე (2003)

მოგონებები მკვლელობაზე

1986 წელი. კორეულ პროვინციას სერიული მკვლელი ატერორებს. მისი სამიზნე ქალები არიან. ამ საქმეს ორ გამომძიებელს აბარებენ და მათი ცხოვრება სამუდამოდ იცვლება: ისინი ხვდებიან, რომ არსებობს რაღაცები, რასაც, უბრალოდ, ვერასდროს დაივიწყებ.

მოსამსახურე (2016)

მოსამსახურე

ტვისტებით სავსე, ჩახლართული ისტორია, რომლის ცენტრშიც დიდძალი მემკვიდრეობის მქონე ქალი და მისი მოსამსახურე არიან. თხრობა, სამსახიობო გუნდი, რეჟისურა – მოსამსახურეს დაუვიწყარ ფილმად აქცევს.

უკეთესი მომავალი (1986)

უკეთესი მომავალი

ციხიდან გამოსვლის შემდეგ, მაფიოზი, რომლის მამაც მის გამო მოკლეს, თავის პოლიციელ ძმასთან შერიგებას ცდილობს და ცდილობს, შური იძიოს კორპორაციაზე, რომელმაც უღალატა.

ოლდბოი (2003)

ოლდბოი

მთავარი გმირი 15-წლიან სასჯელს იხდის დანაშაულისთვის, რომელზეც წარმოდგენა არ აქვს. ოლდბოი ჩვენი საუკუნის ერთ-ერთი საუკეთესო კინოსურათია, სავსე ძალადობით, ბრუტალური სცენებითა და გმირების შემაძრწუნებელი ტანჯვით.

ჰაჩიკო (1987)

ჰაჩიკო

ნამდვილი და დაუჯერებელი ისტორია ძაღლის სიყვარულსა და ერთგულებაზე, ისტორია ჰაჩიკოზე, რომელიც პატრონის გარდაცვალებიდან კიდევ ცხრა წელი დადიოდა სადგურზე მის დასახვედრად.

შვიდი სამურაი (1954)

შვიდი სამურაი

ბანდიტების მუდმივი თავდასხმებისგან გატანჯული სოფლის მაცხოვრებლები დასახმარებლად სამურაის მიმართავენ. ის კიდევ ექვს სამურაის მოუყრის თავს და ისინი ასწავლიან ხალხს, თუ როგორ დაიცვან თავი.

სასიყვარულო განწყობა (2000)

სასიყვარულო განწყობა

ორი მეზობელი. ორი დაოჯახებული, მაგრამ მარტოსული ადამიანი. სუ და ჩოუ ხვდებიან, რომ მეუღლეები ღალატობენ და მათ შორის საკმაოდ უცნაური ურთიერთობა ყალიბდება, რაც სამუდამოდ ცვლის ორივეს ცხოვრებას.