10 საუკეთესო ანიმაცია საახალწლოდ

nugo July 10, 2021

ახალი წელი გვიახლოვდება და ჩვენც ყველა გზით ვცდილობთ შესაბამისი განწყობა შევიქმნათ.

გთავაზობთ 10 საუკეთესო ანიმაციას, რომელიც ბავშვობაში დაგვაბრუნებს და ახალი წლის დღესასწაულს კიდევ უფრო ჯადოსნურს გახდის:

საშობაო ზღაპარი

ჩარლზ დიკენსის შესანიშნავი ნაწარმოების ეკრანიზაცია მაიზერ სკრუჯის ისტორიას მოგვითხრობს – შობის ღამეს მას მოჩვენებებთან ერთად საკუთარი განვლილი ცხოვრების გადაფასება მოუწევს.

პოლარული ექსპრესი

ჯადოსნური ისტორია მოგვითხრობს ბიჭუნაზე, რომელსაც ყოველთვის გულით სჯეროდა სანტა კლაუსის არსებობის და შობის ღამეს სანუკვარი სურვილი აუხდა – ის პოლარული ექსპრესის მგზავრი გახდა და გაეშურა დაუვიწყარ მოგზაურობაში ჩრდილოეთ პოლუსისაკენ.

კოშმარი შობის წინ

ისტორია ჰელოუინის მთავარ გმირ ჯეკზე, რომელმაც სანტა კლაუსის გატაცება და ბავშვებისათვის შობის ჩაშხამება გადაწყვიტა, თუმცა მის ამ გეგმას წინ მისივე შეყვარებული, სელი აღუდგა.

სანტა კლაუსის საიდუმლო სამსახური

ყველას აინტერესებს, თუ როგორ ასწრებს სანტა კლაუსი ერთ ღამეში მსოფლიოს სხვადასხვა წერტილში დაარიგოს საჩუქრები და გული არც ერთ ბავშვს დასწყვიტოს. 2011 წლის ეს შესანიშნავი ანიმაცია სწორედ ამ საიდუმლოს შესახებ მოგვითხრობს.

როგორ მოიპარა გრინჩმა შობა?

მაყურებელი კარგად იცნობს ჯიმ ქერის მიერ 2000 წელს შექმნილ პერსონაჟს ფილმიდან როგორ მოიპარა გრინჩმა შობა, თუმცა შობისმოძულე მწვანე არსების ისტორიას გაცილებით ადრე, ჯერ კიდევ 60-იან წლებში ეს შესანიშნავი ანიმაცია მოგვითხრობდა.

ჩარლი ბრაუნის შობა

სამყაროში გამეფებული კომერციალიზმის ფონზე ჩარლი ცდილობს შობის ჭეშმარიტი მნიშვნელობა გაიგოს.

რუდოლფი, წითელცხვირა ირემი

რუდოლფი სხვა ირმებისაგან მანათობელი, წითელი ცხვირით განსხვავდება. ამის გამო, ის ახლადშეძენილ მეგობრებთან ეძებს საკუთარ ადგილს.

მიკისთან შობაზე

მიკი მაუსი მოგვითხრობს სამ შესანიშნავ ისტორიას შობის შესახებ. ანიამციაში მის გარდა დისნეის სხვა, ჩვენთვის საყვარელ პერსონაჟებსაც შევხვდებით.

შრეკის შობა

ყველასათვის საყვარელი შრეკი უკვე ოჯახის კაცია – მას მეუღლე ფიონა და სამი პატარ შვილი ჰყავს. ერთგულ მეგობარ ვირთან ერთად ის საუკეტესო საშობაო დღესასწაულისათვის ემზადება.

სანტა კლაუსის ცხოვრება და თავგადასავალი

სანტა კლაუსის კიდევ ერთი ჯადოსნური ისტორია, რომელიც კვლავ მის მოხერხებულობაზე მოგვითხრობს – მაინც როგორ ახერხებს კეთილი მოხუცი ერთ ღამეში ამდენი საჩუქრის დარიგებას?