10 საუკეთესო ფილმი ადამიანის გონებაზე და მეხსიერებაზე

nugo July 10, 2021

ადამიანის გონება განსაკუთრებული და მომხიბლველია. გონებაში უსაზღვრო შესაძლებლობებია, რის გამოც ჩნდება კითხვა, შეძლებს თუ არა ოდესმე მეცნიერება გამოიკვლიოს ყველაფერი, რაც  ადამიანის თავში ხდება. ერთადერთი, რაც შეიძლება უფრო საინტერესოდ ჩავთვალოთ, ისაა, თუ როგორ არის ის წარმოდგენილი ფილმებში. წარმოგიდგენთ განსხვავებულ ფილმებს, რომლებშიც განხილულია ადამიანის მეხსიერება და გონება.

10. ნათელი გონების მარადიული ბრწყინვალება (2004)

ჩარლი კაუფმანი ყველაზე ორიგინალური და გამოცდილი სცენარისტია მსოფლიო კინოში, მისი სცენარი კი ფილმისთვის “ნათელი გონების მარადიული ბრწყინვალება” რჩება მის ერთ-ერთ ყველაზე გამორჩეულ ნამუშევრად. სწორედ მისთვის მიიღო მან ოსკარი საუკეთესო ორიგინალური სცენარისთვის. ოსკარზე ამ ფილმიდან ქეით უინსლეტიც იყო ნომინირებული კატეგორიაში საუკეთესო მსახიობი ქალისთვის.

9. გახსოვდეს (2000)

ამ თრილერში, რომელშიც ამბავი კომპლექსურად და ჩახლართულად ვითარდება, ქრისტოფერ ნოლანის ხელწერას ნამდვილად იცნობთ. გაი პირსის გმირი, რომელსაც მეხსიერება დროებით დაკარგული აქვს, მეუღლის მკვლელს ეძებს. ამბის არათანმიმდევრული თხრობა დამაბნეველი, მაგრამ ძალიან საინტერესოა. ფილმი ოსკარზე ორ კატეგორიაში იყო ნომინირებული: საუკეთესო ორიგინალური სცენარისთვის და საუკეთესო მონტაჟისთვის.

8. მოხიბლული (1945)

მეხსიერების დანაკუწებული ფრაგმენტები და ამნეზია – სიურრეალისტური თრილერისთვის იდეალური შერწყმაა, ამ ჟანრში კი ალფრედ ჰიჩკოკი შეუდარებელი იყო. ინგლისელი რეჟისორის პერსონაჟები არასდროს არიან ზედაპირულები და ამ ფილმის გმირებიც ამის ძალიან კარგი მაგალითია. ფილმი ოსკარზე 6 კატეგორიაში იყო ნომინირებული და ოქროს ქანდაკება საუკეთესო ორიგინალური მუსიკისთვის დაიმსახურა.

7. ვალსი ბაშირთან (2008)

გონების შესაძლებლობა დამარხოს მოგონებები, რომელიც აწუხებს ქვეცნობიერში, თავის დასაცავად – ძალიან საინტერესო შტრიხია. სწორედ ამ ასპექტს იკვლევს არი ფოლმანის “ვალსი ბაშირთან”. ფილმი ოსკარზე საუკეთესო უცხოენოვანი ფილმისთვის იყო წარდგენილი.

6. გაახილე თვალები (1997)

ალეხანდრო ამენაბარის ფილმის უფრო ცნობილი ვერსია ამერიკული “ვანილის ცა“ არის. მიუხედავდ იმისა, რომ კამერონ ქროუის რიმეიქმა ფილმის სათქმელი ზუსტად გადმოსცა, ალეხანდრო ამენაბარის ორიგინალი ესპანური ვერსიის ნახვა ამ საინტერესო სცენარის გასახსენებლად ნამდვილად კარგი არჩევანია.

5. ჰიროსიმა, ჩემო სიყვარულო (1959)

ფილმი, რომელმაც მოძრაობა ფრანგული ახალი ტალღის წინსვლაში საკვანძო როლი შეასრულა. “ჰიროსიმა, ჩემო სიყვარულო” ალენ რენეს კარიერაში ერთ-ერთ საუკეთესო ნამუშევრად ითვლება. ფილმი ოსკარზე საუკეთესო ორიგინალური სცენარისთვის იყო ნომინირებული.

4. სიცოცხლის შემდეგ (1999)

თქვენი საკუთარი სიცოცხლიდან ერთი მოგონების აღება და მასში სამუდამოდ ცხოვრება რომ მოგიწიოთ, რომელს აირჩევდით? სწორედ ამ კითხვას გვისვამს იაპონელი რეჟისორი ხიროკაძუ კორეედა ფილმით “სიცოცხლის შემდეგ”.

3. ბნელი ქალაქი (1998)

ცოტა ფილმმა თუ მიაღწია “ბნელი ქალაქის” დონეს. ალეხ პროიასის მისტიკური და საინტერესო სამეცნიერო ფანტასტიკა მოგვითხრობს ადამიანზე, რომელიც წარსული მოგონებებით იტანჯება. ეს არის ფილმი, რომელიც ნებისმიერ ფასად უნდა ნახოთ.

2. შეშლილთა კუნძული (2010)

ეს ფილმი ადასტურებს იმას, რომ მარტინ სკორსეზე ყველა ჟანრში წარმატებული რეჟისორია. მისი სხვადასხვა ჟანრში წარმატების საიდუმლო კი მისი პერსონაჟების ემოციების სიღრმის წარმოჩენაა და მათი ისეთ გარემოცვაში აღმოჩენა, რომელიც მათ შინაგან ბრძოლას კიდევ უფრო აძლიერებს. მიუხედავად იმისა, რომ ფილმში ლეონარდო დიკაპრიოს გმირის არასანდოობაზე გარკვეული მინიშნებებია, მაყურებელი ბოლოს მაინც გაოცებული რჩება…

1.მალჰოლენდ დრაივი (2001)

არის თუ არა რეალობა ის, რაც “მალჰოლენდ დრაივში” ხდება?! დევიდ ლინჩის 2001 წლის შედევრი დღემდე იწვევს კამათს. მიუხედავად იმისა, რომ ისტორია დანაწევრებულია, თითოეული სცენა სრულყოფილია და გვაფიქრებს იმაზე, თუ რა შეიძლება იყოს რეალობა, ან ოცნება. ფილმი წარდგენილი იყო ოსკარზე კატეგორიაში საუკეთესო რეჟისორისთვის.