10 საუკეთესო ფილმი ფეხბურთზე

nugo July 10, 2021

ხანდახან “უნივერსალურ ენად” წოდებული, ფეხბურთი – მსოფლიოში ყველაზე პოპულარული სპორტია. ტრადიციულ საფეხბურთო ქალაქებში, როგორებიცაა ბარსელონა, ლონდონი, ან ტურინი, მატჩის დღე ერთგვარი დღესასწაულია, ზოგიერთ ქვეყანაში კი ფეხბურთი რელიგიის ტოლფასია. სპორტის ერთ-ერთ ყველაზე დიდ მოვლენასთან, მსოფლიო ჩემპიონატთან დაკავშირებით, გთავაზობთ, როგორც მხატვრულ, ისე დოკუმენტურ ფილმებს ფეხბურთზე.

ჩვენებურად შევხვდეთ ამ სპორტულ დღესასწაულს და თუ ამ ქაოსში დრო მოგვრჩა, ვნახოთ ფილმები, რომლებიც ამ ჟანრში საუკეთესოა.

ძვლების მსხვრეველი (2001)

ეს ამერიკული ფილმის “ყველაზე გრძელი იარდის” ბრიტანული ვერსიაა, რომლის რეჟისორიც ბარი სკოლნიკია და ინგლისის ეროვნული საფეხბურთო ნაკრების ყოფილ კაპიტანზეა, რომელიც ამჟამად ციხეში იმყოფება. მისი რთული ხასიათიდან გამომდინარე ის მალევე გამოეყო მასას და ზედამხედველს მოხვდა თვალში, რომელსაც სურს, რომ მან პატიმრები შეკრიბოს და ავარჯიშოს. ფილმში მთავარ როლს ვინი ჯონსი ასრულებს.

მომაკვდინებელი ფეხბურთი (2001)

სტივენ ჩოუს ამ ფილმში ფეხბურთის და საბრძოლო ხელოვნების უცნაური კომბინაციაა. რეჟისორი ფილმში მთავარ როლს, ახალგაზრდა შაოლინის ოსტატ სინგს ასრულებს, რომელმაც ერთ დღეს გადაწყვიტა, რომ ყველაფერი, რაც ისწავლა, თანამედროვე სამყაროს მოარგოს. ფეხბურთის კლასიკურ ტაქტიკებს მფრინავი მანევრები ანაცვლებენ.

ზიდანი-21ე საუკუნის პორტრეტი (2006)

ეს ნამდვილად არაჩვეულებრივი დოკუმენტური ფილმია, რომელიც მხოლოდ ერთ მოთამაშეზე, ზინედინ ზიდანზე არის ფოკუსირებული. ის არ შეიცავს არც დამატებით ცნობებს და არც ოჯახის წევრების ან მეგობრების ინტერვიუებს. ეს “პორტრეტი” 17 სხვადასხვა კამერის გამოყენების ახლებული მეთოდია. ზინედინ ზიდანი ერთ-ერთ ყველაზე გენიალურ, იდუმალ და თავისი თაობის ყველაზე დახვეწილ ფეხბურთელად ითვლება. ფილმის მიზანი არ იყო კლასიკური დოკუმენტური ფილმის გაკეთება, მიზანი იყო ზიდანის, როგორც ფეხბურთის ფენომენალური პიროვნების წარმოჩენა.

ოფსაიდი (2006)

ეს ფილმი იმ ტრიუმფალურ დღეს ეძღვნება, როდესაც ირანმა 2006 წლის მსოფლიო ჩემპიონატზე კვალიფიკაცია მოიპოვა. ეს მიზეზი მეამბოხე რეჟისორმა ჯაფარ პანაჰიმ გამოიყენა, რათა ეროვნული სექსისტური კანონები სატირულად წარმოეჩინა. გოგოების ჯგუფს, რომელიც ცდილობს სტადიონზე ეროვნული ნაკრების საგულშემატკივროდ შეაღწიოს, არ უშვებენ მათი სქესის გამო. ოფიციალურად, ირანელ ქალებს სტადიონზე შესვლას კანონი უკრძალავს, რომლის მიხედვითაც ქალებს არ უშვებენ სტადიონზე მათი სქესის სიწმინდის გამო, რომელის შესაძლოა ძალადობის მსხვერპლი გახდეს. თუმცა რეალურად, როგორც ფილმშია ნაჩვენები, ადგილობრივი კულტურა თვლის, რომ სპორტი მამაკაცებს ეკუთვნით. მართალია, ფილმის გადაღებები ირანში მიმდინარეობდა, მაგრამ კინოთეატრებში გაქირავება და საქვეყნოდ ჩვენება აკრძალული იყო.

წარმატების ფასი (2000)

“წარმატების ფასი” კლასიკური აუთსაიდერის ისტორიაა: პატარა შოტლანდიური გუნდი და მისი მწვრთნელი გორდონ მაკლეოდი, რომელიც ჩემპიონატის ფინალში გასვლას ცდილობს, რათა დაუმტკიცოს ყველას და მათ ამერიკელ მფლობელს გადააფიქრებინოს გუნდის დუბაიში გადაყვანა. მწვრთნელს გენიალური რობერტ დიუვალი ასრულებს.

დაწყევლილი იუნაითედი (2009)

კვენტინ ტარანტინომ ერთხელ თქვა, რომ ბიოგრაფიული ფილმები მოსაწყენია, მსახიობისთვის კი – მოგებული ოსკარის გამართლება. მან ასევე აღნიშნა, რომ თუ მაინც ბიოგრაფიული ფილმის გადაღებას გადაწყვეტთ, აჯობებს თუ ამას დროის გარკვეულ პერიოდში გააკეთებთ – იმ ადამიანის სიცოცხლეში, რადგან ამით ფილმს უფრო ზუსტს და დეტალურს გახდით, რაც მაყურებლისთვის საკმაოდ მნიშვნელოვანია. “დაწყევლილი იუნაითედი” – ეს ის ფილმია, რაზეც ტარანტინო საუბრობდა. ფილმი ლეგენდარულ ფეხბურთის მენეჯერზე ბრაიან კლაფზე მოგვითხრობს, ადამიანზე, რომელსაც ფეხბურთი ყველაფერზე მეტად უყვარდა.

მწვანე ქუჩის ხულიგნები (2006)

ბოლო წლების განმავლობაში არაერთხელ დამტკიცდა, რომ ფეხბურთი – ეს გაცილებით მეტია, ვიდრე სპორტი. ეს არის მოვლენა, რომელიც, როგორც უკვე აღვნიშნეთ, ზოგისთვის რელიგიის ტოლფასია. ადამიანები მზად არიან მოკვდნენ და მოკლან საყავრელი გუნდისთვის. ეს ისეთ ქვეყნებს ეხება, როგორებიცაა, მაგალითად, საბერძნეთი, თურქეთი და რა თქმა უნდა, ქვეყანა, საიდანაც ყველაფერი დაიწყო: ინგლისი. ფილმი ძალიან მოხერხებულად არის წარმოჩენილი ნეიტრალური ადამიანის თვალით, რომელსაც ელაიჯა ვუდი ასრულებს.

მარადონა (2009)

ეს ემირ კუსტურიცას ფილმია. არა, მასში არ არიან ბოშები, არ არის აბსურდული სცენები, სიურეალისტური გამოსახულებები, ხმამაღალი მუსიკა და გორან ბრეგოვიჩი. ეს არის დიეგო არმანდო მარადონას უდიდესი ფანის მიერ გადაღებული დოკუმენტური ფილმი. კუსტურიცა ბუენოს-აირესში ჩაფრინდა, მარადონას შეხვდა და გარკვეული პერიოდი მასთან ერთად ცხოვრობდა. როგორც რეჟისორმა თქვა, მან სამი მარადონა აღმოაჩინა: ფეხბურთის მასწავლებელი, პოლიტიკურად არაკორექტული მოქალაქე და მეოჯახე. ამ დოკუმენტურ ფილმში ზუსტად არის აღწერილი მარადონას სამივე მხარე.

ფეხბურთის ციებ-ცხელება (1997)

ეს ფილმი მარადიული დილემის იდეალური ილუსტრაციაა, როდესაც ფეხბურთის ფანი სერიოზული ურთიერთობის აწყობას ცდილობს: სიყვარული თუ ფეხბურთი? ერთი შეხედვით, ჩანს, რომ ორივე ერთად, შეუძლებელია. სწორედ ამ პრობლემის წინაშე დგას კოლინ ფერტის პერსონაჟიც. ეს რომანტიკული კომედია მოგაძებნინებთ გამოსავალს, როგორ მოიგოთ ახალგაზრდა ქალის გული და ყოველთვის ადევნოთ თვალი საყვარელ გუნდს.

გოლი! (2006, 2007, 2009)

ეს ერთ-ერთი საუკეთესო სპორტული ისტორიაა. ის პირველი ფილმების სერიაა, რომელიც ფეხბურთს ეძღვნება. ფილმი მექსიკელ ფეხბურთელზე სანტიაგო მუნეზზეა, რომელიც ლოს-ანჯელესში არალეგალურად ცხოვრობს. ისტორიებს, ბიოგრაფიების და სასიყვარულო ისტორიების გარდა, ეს არის ფილმი ფეხბურთზე და ვნებებზე, რომელიც მას თან სდევს. ფეხბურთის სცენები ამ ფილმებში შესანიშნავადაა გადაღებული, რომლებიც ამ სპორტს ნებისმიერს შეაყვარებს.