10 საშინლად კლაუსტროფობიული ფილმი

nugo July 11, 2021

მიუხედავად იმისა, რომ ქვემოთ ჩამოთვლილი ფილმები სხვადასხვა ჟანრსა და პერიოდს მიეკუთვნება, მათი ყურებისას დისკომფორტს გრძნობთ და შემაწუხებელი განცდა გეუფლებათ. ესაა 10 საშინლად კლაუსტროფობიული ფილმი:

კლოვერფილდის შესახვევი 10 (2016)

კლოვერფილდის შესახვევი 10

ავტოავარიის შემდეგ ქალი ფხიზლდება და აღმოაჩენს, რომ უცნობ სახლშია, ორ მამაკაცთან ერთად. როდესაც კითხულობს, თუ რა მოხდა, ერთ-ერთი მათგანი ეუბნება, რომ მთელი სამყარო ბირთვული შეტევის შედეგად განადგურდა. ქალი პასუხების მიღებას იმ კლაუსტროფობიულ გარემოში ცდილობს, რომელიც ფილმის ყველა სცენაში იგრძნობა.

ტელეფონის ჯიხური (2002)

ტელეფონის ჯიხური

შუახნის კაცი ტელეფონის ჯიხურში ზარს უპასუხებს. მას უცნობი ხმა ეუბნება, რომ თუ ყურმილს დაკიდებს, მოკლავენ. პატარა წითელი ლაზერული შუქი იმის დასტურია, რომ კაცი მართლაც მიზანშია ამოღებული…

გრავიტაცია (2013)

გრავიტაცია

კოსმოსური მისია განწირული ბრძოლით მთავრდება. მთავარი გმირები ყველაფერს აკეთებენ, რათა როგორმე ცოცხლები გადარჩნენ. ალფონსო კუარონის კლაუსტროფობიულმა ფილმმა ვიზუალური ეფექტებისა და საუკეთესო რეჟისურისთვის ოსკარებიც დაიმსახურა.

ზიზღი (1965)

ზიზღი

ფილმი მაყურებელს დასაწყისიდანვე დისკომფორტს უქმნის, რადგან იმ ფსიქიკურად გაუწონასწორებელი ქალის სამყაროში გვამოგზაურებს, რომლის შიშებიცა და ფანტაზიებიც მატერიალიზდება.

დაკარგული რეისი 93 (2006)

დაკარგული რეისი 93

მგზავრების პანიკა, შიში, ბრძოლა… ფილმი ნამდვილ ამბავს ეფუძნება და გვიყვება 2001 წლის 11 სექტემბერს ტერორისტების მიერ გატაცებული თვითმფრინავის ისტორიას.

შიშის ოთახი (2002)

შიშის ოთახი

განქორწინებული ქალი ქალიშვილთან ერთად ახალ სახლში გადადის ცხოვრების თავიდან დასაწყებად. თუმცა, ისინი სასიკვდილო თამაშში აღმოჩნდებიან ჩართულები და თავს შიშის ოთახს აფარებენ. დევიდ ფინჩერის ეს სურათი ამოსუნთქვის საშუალებას არ მოგცემთ.

მიზერი (1990)

მიზერი

ავტოავარიის შემდეგ ცნობილი მწერალი თავისი ფანის სახლში იღვიძებს და მალევე ხვდება, რომ ქალი ფსიქიკურად დაავადებულია. ის მწერალს სადისტურად ექცევა და კაცსაც ყოველ სიტყვაში, ქმედებაში ბეწვის ხიდზე უწევს გავლა, რათა როგორმე ცოცხალი გადარჩეს. სისასტიკე და რაღაც საშინელის მუდმივი მოლოდინი მაყურებელში საშინელ დაძაბულობას იწვევს.

ყველაფერი დაკარგულია (2013)

ყველაფერი დაკარგულია

კაცი სტიქიისას სრულიად მარტო აღმოჩნდება შუაგულ ოკეანეში. ნავი კი დატბორვას იწყებს… მიუხედავად იმისა, რომ დიალოგები არ არის, მაყურებელი დაძაბული გულშემატკივრობს გმირს თვითგადარჩენისთვის ბრძოლაში.

ცოცხლად დამარხული (2010)

ცოცხლად დამარხული

ამერიკელი ჯარისკაცი, რომელიც ავღანეთში იბრძვის, ერთ-ერთი შეტაკებისას გონებას კარგავს და როდესაც ფხიზლდება, ხვდება, რომ დამარხულია…

წყალქვეშა ნავი (1981)

წყალქვეშა ნავი

მეორე მსოფლიო ომი. ჩვენ თვალს ვადევნებთ გერმანული წყალქვეშა ნავის ისტორიას. მტრის ძალების მიერ ძლიერი დარტყმის შემდეგ ნავზე მყოფნი სიცოცხლისთვის იბრძვიან და ეს ბრძოლა საშინლად კლაუსტროფობიულ გარემოში მიმდინარეობს.