10 ფილმი დაუჯერებელი სპეცეფექტებით

nugo July 11, 2021

ამ კოლექციაში თავი მოვუყარეთ 10 ფილმს, რომელთა სპეცეფქტებიც თითქმის წარმოუდგენელია იმ დროის გათვალისწინებით, როდესაც ისინი გადაიღეს. ალბათ, ამიტომაც გახდა ისინი მაყურებლისთვის დაუვიწყარი.

იურიული პერიოდის პარკი (1993)

იურული პერიოდის პარკი

სამეცნიერო ფანტასტიკის ჟანრის ნამდვილი ჰიტი, ფილმი – პრეისტორიული ხანის დნმ-ის გამოყენებით შექმნილი დინოზავრების პარკზე, რომლის სპეცეფექტები, რეჟისურა თუ საუნდტრეკები, ერთ-ერთი საუკეთესოა.

2001 წელი: კოსმიური ოდისეა (1968)

კოსმიური ოდისეა

საუკეთესო კი 2001 წელი: კოსმიური ოდისეაა, კოსმოსური ხომალდის ბორტზე განვითარებული ამბავი ადამიანის ევოლუციასა და მომავალზე, ჩვენი ისტორიის სხვადასხვა პერიოდის გადარჩენაზე. სტენლი კუბრიკის ეს ფილმი ნამდვილი ხელოვნების ნიმუშია.

დამოუკიდებლობის დღე (1996)

დამოუკიდებლობის დღე

დედამიწას უცხოპლანეტელთა უზარმაზარი ხომალდი უახლოვდება და შეტევას იწყებს მთავარ ქალაქებზე. მათთან ბრძოლის გეგმა 4 ივლისს – დამოუკიდებლობის დღეს იქმნება… წარმოუდგენელიც კია იმაზე ფიქრი, რომ ეს ფილმი 23 წლის წინ გადაიღეს.

მატრიცა (1999)

მატრიცა

არამარტო სპეცეფექტების, არამედ ნარატივის გამოც, მატრიცა თავის ჟანრში 90-იანი წლების ყველაზე პოპულარული ფილმია, რომელმაც უამრავი ადამიანის ცნობიერებაზე მოახდინა გავლენა.

უცხოპლანეტელები (1986)

უცხოპლანეტელები

ჯეიმს კამერონის უცხოპლანეტელებში იმ პერიოდისთვის მართლაც დაუჯერებელი სცენებია – იმდენად შთამბეჭდავი, რომ დღესაც ახერხებს მაყურებლის გაოცებას.

ტერმინატორი 2: განკითხვის დღე (1991)

ტერმინატორი 2

კვლავ ჯეიმს კამერონი და შესაძლოა, მის კარიერაში საუკეთესო ფილმიც კი, – პირველი ტერმინატორის გაგრძელება, სადაც თითქმის 10 წელია გასული, რაც სარა კონორის განადგურება მომავლიდან მოსულ კიბორგს დაევალა…

ტიტანიკი (1997)

ტიტანიკი

და კვლავ ჯეიმს კამერონი. ჩაძირული გემის ისტორიაც და 11 ოსკარის მფლობელი ფილმიც ყველამ ვიცით, და მიუხედავად იმისა, რომ შესაძლოა მისი სიუჟეტი მარტივი გვეჩვენებოდეს, ტიტანიკის სპეცეფექტები, უბრალოდ, გამაოგნებელია.

შეშლილი მაქსი (2015)

შეშლილი მაქსი

მართალია, უდაბნოში ჩარჩენილი ადამიანების აპოკალიფსური ისტორია სხვა ფილმებთან შედარებით ბევრად ახალია, მაგრამ შეშლილი მაქსის სპეცეფექტები იმდენად გასაოცარია, რომ აუცილებლად იმსახურებს აღნიშვნას.

გრავიტაცია (2013)

გრავიტაცია

ასევე შედარებით ახალია ალფონსო კუარონის გრავიტაცია, რომლის მთავარი გმირებიც კოსმოსში თვითგადარჩენისთვის იბრძვიან. ფილმმა ვიზუალური ეფექტებისა და საუკეთესო რეჟისურისთვის ოსკარებიც დაიმსახურა.

ბეჭდების მბრძანებელი: ბეჭდის საძმო (2001)

ბეჭდის საძმო

ბოლოს კი, ყველასთვის საყვარელი ბეჭდის საძმო. ტოლკინის ზღაპრული ტრილოგიის პირველი ნაწილი, რომელიც პიტერ ჯეკსონმა ეკრანზე დაუვიწყარი ვიზუალითა და ეფექტებით გააცოცხლა.

 

წყარო: www.movielistnow.com