10 ფილმი დაქალებზე, სადაქალოზე და მოკლედ, ქალურ მეგობრობაზე

nugo July 11, 2021

არსებობს ფილმები, რომლებიც ჩვენს საუკეთესო მეგობრებს გვახსენებს. ეს ადამიანები ყოველთვის გვამხნევებენ, გვაცინებენ, გვიცავენ და ა.შ. მაგრამ ამის გარდა, ისინი შეიძლება ჩვენი ტკივილის და მწუხარების მიზეზები გახდნენ.

ქალურ მეგობრობას, ნებისმიერ ასაკში, გარკვეული ინტენსივობა გააჩნია. ეს ურთიერთობები ბევრი რეჟისორისთვის შთაგონების წყაროდ იქცა. წარმოგიდგენთ ფილმებს, რომლებიც ქალურ მეგობრობას აღწერს. თითოეული მათგანი იცვლება მისი ჟანრის, გამოშვების წლის და ასაკობრივი ზღვარის გათვალისწინებით.

რომი და მიშელი ბანკეტზე მიდიან (1997)

ამ ფილმში ერთ-ერთი ყველაზე ორგანული და სუფთა ქალური მეგობრობის მაგალითის ნახვა შეგიძლიათ. ისტორია ორ საუკეთესო მეგობარზე, რომლებიც სკოლაში წარუმატებლებად ითვლებოდნენ და მეგობრობა ზრდასრულ ასაკშიც შეინარჩუნეს. ისინი ერთმანეთს გვერდში უდგანან ემოციურ, ფინანსურ და სხვა ასპექტებში. ფილმში მთავარ როლებს მირა სორვინო და ლიზა კუდროუ ასრულებენ.

ტელმა და ლუიზა (1991)

აღსანიშნია, რომ რიდლი სკოტის ერთ-ერთი ყველაზე გავლენიანი ფილმი კინოს ისტორიაში ბავშვობის მეგობრების ფილმების ჩამონათვალშიც ძალიან მნიშვნელოვან ადგილს იკავებს. როგორც ძლიერი ქალის ერთ-ერთი საუკეთესო წარმოდგენა და დინამიური დუეტის კონცეპცია, “ტელმა და ლუიზა” წარმოადგენს ორი მეგობრის ისტორიას, რომლებიც თავისუფლების საძიებლად მიემგზავრებიან. ფილმში მთავარ როლებს სუზან სარანდონი და ჯინა დევისი ასრულებენ, რომლებიც ოსკარზე საუკეთესო მსახიობი ქალისთვის იყვნენ ნომინირებულები. ფილმმა ოსკარი საუკეთესო ორიგინალური სცენარისთვის მიიღო.

მე უშენოდ (2001)

ქალური მეგობრობის დადებითი მხარეების გარდა ამ ფილმში ურთიერთობების ბნელი ნაწილიც არის წარმოდგენილი, რომელიც საკმაოდ გავრცელებულია და ყველგან არსებობს. “მე უშენოდ” იმ ფსიქოლოგიურ განცდებს გადმოგვცემს, რომელიც მეგობრობას ბავშვობიდან ზრდასრულობამდე თან დაყვება. ჰოლის და მარინას მეგობრობა 12 წლის ასაკში იწყება და დაახლოებით 28 წელს გრძელდება.

ნაპირები (1988)

ერთ-ერთი გამორჩეუული ფილმი მეგობრობაზე კინემატოგრაფიის ისტორიაში, რომელიც მოგვითხრობს ორი სრულიად განსხვავებული ქალის 30 წლიანი მეგობრობის შესახებ. ბეტ მიდლერის და ბარბარა ჰერშის გმირები შემთხვევითი შეხვედრისას დამეგობრდნენ, ჯერ კიდევ ბავშვობაში. ვიზუალურად აშკარაა, რომ ისინი ორი სრულიად განსხვავებული ფენების წარმომადგენლები არიან, მაგრამ მათი მუდმივი ზრუნვა ერთმანეთზე მათ ცხოვრებისეულ მეგობრობას იწვევს. გერი მარშალის ფილმი ოსკარზე საუკეთესო მხატვრული გაფორმებისთვის იყო ნომინირებული.

მეჯვარეები (2011)

სახალისო და მეგობრული ფილმი ქალებზე. მეჯვარეები ქალის ცხოვრების სხვადასხვა ეტაპებს და მეგობრული ურთიერთობის სხვადასხვა ტიპებს წარმოადგენენ, რომლებსაც ამა თუ იმ ეტაპზე ავითარებთ. ეს ფილმი კრისტენ ვიგის პერსონაჟის საუეკთესო მეგობრის, ლილიანის ქორწილს და მის წინაშე ვალდებულებას ეძღვნება. ოსკარზე ფილმი საუკეთესო ორიგინალური სცენარისთვის, მელისა მაკარტი კი საუკეთესო მსახიობი ქალისთვის მეორეხარისხოვან როლში იყო წარდგენილი.

ჯადოქრობა (1996)

კიდევ ერთი ფილმი წარუმატებელ სამეგობროზე. ფილმი ოთხი სკოლის მოწავლის შესახებ მოგვითხრობს, რომლებიც ჯადოქრობით არიან დაინტერესებულები და პრაქტიკას საკუთარ თავზე გადიან. ისინი ქალაქის მცხოვრებლებს გასაქანს არ აძლევენ, რაც სიამოვნებას ანიჭებთ…

ყველაფერი, რისი გაკეთებაც მსურს (1998)

როგორ მიიღო ის რისი სურვილიც გაქვს? ამ საიდუმლოს ირგვლივ სკოლის გოგონები ერთიანდებიან. მალე გავრცელდება ინფორმაცია, რომ მათი სკოლა უნდა შეუერთდეს ბიჭების აკადემიას. სწორედ აქ იწყება სქესთა შორის ბრძოლა. ექვსი გოგონა ქმნის საიდუმლო კლუბს, სადაც მათ თავიანთი ამბიციების გარჩევა და სხვადასხვა თემაზე აზრის გამოხატვა შეუძლიათ.

ლურჯი ყველაზე თბილი ფერია (2013)

აბდელატიფ კეშიშის ფილმი, რომელიც  სკოლის კრიტიკულ პერიოდზე ამახვილებს ყურადღებას. “ლურჯი ყველაზე თბილი ფერია” ადელის შესახებ მოგვითხრობს, რომელიც წარმოდგენილია როგორც მოზარდი, რომელსაც თავისი სექსუალობის რცხვენია. ადელის და ემას მეგობრობა ინტენსიურად იზრდება და სექსუალურ, რომანტიულ ურთიერთობაში გადადის. მიუხედავად იმისა, რომ მათი ურთიერთობა შეიცვალა, ისინი ინარჩუნებენ იმ მეგობრობის პირვანდელ მახასიათებლებს: მათ უპირობოდ უყვართ, ერთმანეთის შთაგონების წყაროები არიან, სწავლობენ ერთმანეთისგან და ყოველთვის ვნებიანებად რჩებიან. ფილმი ოქროს გლობუსზე საუკეთესო უცხოენოვანი ფილმისთვის იყო ნომინირებული.

მაგარი გოგონა (2002)

გაიხსენეთ “უცნაური პარასკევი”, მაგრამ უფრო დაუნდობელ და მოულოდნელობებით სავსე ფილმს მიიღებთ “მაგარ გოგონას”. მიზეზი, თუ რატომ არის ეს ფილმი კარგი ქალური მეგობრობის გაანალიზებისთვის, ჯესიკას და მის სამ უახლოეს მეგობარს შორის დინამიკაა, განსაკუთრებით, როდესაც გასაგები ხდება, რომ ის მათ ჭირდება. კომედია რობ შნეიდერის მონაწილეობით გასაგებს ხდის მოზარდი გოგონების მეგობრობას და ურთიერთპატივისცემის მნიშვნელობას.

პირველი ცოლების კლუბი (1996)

უბედურებისკენ მიდრეკილი პირველი ცოლების კლუბის წარმომადგენელი ქალბატონები, რომლებსაც გოლდი ჰოუნი, დაიან კიტონი და ბეტ მიდლერი ასრულებენ, ცხოვრებისეული უსამართლო დარტყმების დასაძლევად გაერთიანდნენ. ტრიო, რომელიც თავიდან შურისძიებისკენ ისწრაფვოდა, აღმოაჩენს, რომ ყველაზე დადებითი გავლენა მათ ცხოვრებაზე აღტაცება და სიყავრულია, რომელსაც ერთმანეთის მიამრთ გრძნობენ…