10 ფილმი ზარმაცებზე – ზარმაცებისთვის

nugo July 11, 2021

ქვემოთ ჩამოთვლილი ფილმების მთავარ გმირებს სამყაროსადმი ნიჰილისტური დამოკიდებულება აქვთ. ისინი უყურადღებოები და ძირითადად – უსაქმურები არიან, არც აინტერესებთ სამსახურის შოვნა. მოკლედ რომ ვთქვათ, ესაა 10 ფილმი ზარმაცებზე – ზარმაცებისთვის.

კარიერის გამოცდილება (1991)

კარიერის გამოცდილება

ფილმის მთავარ გმირს ძალიან ეზარება მუშაობა, თუმცა, მამის ულტიმატუმის შემდეგ სუპერმარკეტში, ღამის ცვლაში იწყებს სამსახურს. პირველივე დღეს ის უჩვეულო სიტუაციაში აღმოჩნდება – მარტო მაღაზიაში, შემთხვევით გამოჩენილ ულამაზეს ქალთან…

დამსხვრეული ყვავილები (2005)

დამსხვრეული ყვავილები

მას შემდეგ, რაც საყვარელმა ქალმა მიატოვა, მის ცხოვრებაში უხალისობის და სიზარმაცის ხანა იწყება, რაც დეპრესიული განწყობის შედეგი უფროა. მერე კი, მოულოდნელად იღებს წერილს, საიდანაც იგებს, რომ შვილი ჰყავს და მის ძებნას იწყებს. ამ პროცესში ის აწმყოთი ცხოვრების და ბედნიერების მნიშვნელობას აცნობიერებს.

ანანასის ექსპრესი (2008)

ანანასის ექსპრესი

ფილმის მთავარი გმირები მარიხუანას მომხმარებელი და დილერი არიან. მათი უდარდელი ცხოვრება მაშინ ირღვევა, როცა პოლიციელის მიერ ჩადენილ მკვლელობას შეესწრებიან. ახლა მათი მთავარი მიზანი გაქცევაა.

დიდი გამყინვარება (2002)

დიდი გამყინვარება

ყველამ კარგად ვიცით 2000-იანი წლების ერთ-ერთი ყველაზე წარმატებული ანიმაცია – დიდი გამყინვარება და ყველას ძალიან გვიყვარს მისი უზარმაცესი პერსონაჟი – სიდი.  

დიდი ლებოვსკი (1998)

დიდი ლებოვსკი

ლებოვსკი – ერთ-ერთი ყველაზე ზარმაცი პერსონაჟი, რომლის ცხოვრებაც სმასა და ბოულინგის თამაშში გადის. სიტუაცია მას შემდეგ იცვლება, რაც ის განგსტერებს მისივე მოგვარე მილიონერში ეშლებათ და ფულის გადახდას სთხოვენ.

რიჯმონტის სკოლა (1982)

რიჯმონტის სკოლა

მარტივი სიუჟეტი – კალიფორნიის სკოლის მოზარდთა ჯგუფზე, მათ ჩამოყალიბების პროცესზე, ძიებებზე, თავისუფლებაზე, სექსუალურობასა და წარმატებებზე. ფილმის უდარდელი აურა მაყურებელს მსუბუქ და სასიამოვნო განცდას უტოვებს.

საოფისე ფართი (1999)

საოფისე ფართი

ფილმში ასახული სამსახურის სიტუაციები მაყურებლისთვის ძალიან კარგადაა ნაცნობი. სიუჟეტი კი მოულოდნელი მიმართულებით ვითარდება: მთავარ გმირს ჰიპნოზის შედეგად სრულიად ეცვლება შეხედულებები ცხოვრებაზე. ის ახლა მუშაობის ნაცვლად მთელ დროს კომპიუტერულ თამაშებს უთმობს და უფროსს უხეშად ელაპარაკება. თუმცა, ასევე მოულოდნელად – მისი ავტორიტეტიც და ხელფასიც იზრდება.

გზის განაპირა (2004)

გზის განაპირა

ორი შუახნის ასაკის მეგობარი გადაწყვეტს, ერთი კვირით დასასვენებლად წავიდეს პატარა ქალაქში, რომელიც ცნობილია თავისი ღვინოებით. ალექსანდრ პეინის შესანიშნავი კინოსურათი, ბრწყინვალე სცენარითა და სამსახიობო გუნდით, მელანქოლიურ განწყობას გვიტოვებს.

დაბოლილები (1978)

დაბოლილები

ენტონის, მარიხუანას მოყვარულ დრამერს, მშობლები ეუბნებიან, რომ თუ სამსახურს არ იშოვის, სამხედრო სკოლაში გაგზავნიან. ის კი უბრალოდ, სახლიდან მიდის და ჰიჩჰაიკერი ხდება. ერთ-ერთი მძღოლი, ვინც მას ჩაისვამს, ასევე მარიხუანას მოყვარული აღმოჩნდება და გიჟური თავგადასავალიც აქედან იწყება.

უნებლიე მოხალისე (1981)

უნებლიე მოხალისე

ფილმი ჯონისა და რასელის ისტორიას გვიყვება – ორი მეგობრის, რომელიც გულგრილია იმ ყველაფრისადმი, რასაც ცხოვრება სთავაზობს. მერე კი ჯონი კარგავს სამსახურს, შეყვარებულს, მანქანას… ის მეგობარს არწმუნებს, არმიაში მოხალისეებად ჩაეწერონ.

 

წყარო: www.movielistnow.com