10 ფილმი თავისუფლებისთვის ბრძოლაზე

nugo July 11, 2021

კაცობრიობის ისტორია მუდმივი ომების ისტორიაა, რომელიც ძირითადად თავისუფლების მოპოვებისკენ იყო მიმართული. სინემანია გთავაზობთ 10 ფილმს, რომელიც დამოუკიდებლობისა და თავისუფლებისთვის ბრძოლას ეხება.

სპარტაკი (1960)

სპარტაკი

სტენლი კუბრიკის ცნობილი ფილმი გვიყვება თრაკიელი გლადიატორის, სპარტაკის შესახებ, რომელიც მონათა დიდ აჯანყებას ჩაუდგა სათავეში და რამდენიმე რომაული ლეგიონი დაამარცხა.

ბრძოლა ალჟირისთვის (1966)

ბრძოლა ალჟირისთვის

ფილმი, რომელიც საფრანგეთში დიდი ხნის განმავლობაში იყო აკრძალული. ის რეალურ მოვლენებს ეფუძნება და ასახავს ალჟირის ბრძოლას დამოუკიდებლობისთვის.

ჟანა დარკი (1999)

ჟანა დარკი

ლუკ ბესონის ბიოგრაფიული ფილმი მოგვითხრობს ჟანა დ’არკზე, თუ როგორ მოიპოვა მან მეფის ნდობა და სათავეში ჩაუდგა ფრანგი ხალხის ეროვნულ-გამათავისუფლებელ ბრძოლას ინგლისელთა წინააღმდეგ.

ადმირალი: ბრძოლა მიონ რაინისთვის (2014)

ადმირალი

სამხრეთ კორეული ფილმი მოგვითხრობს მიონ რაინის ბრძოლაზე, რომელიც 1597 წელს მოხდა. იაპონელების კორეაში შეჭრისას, ცნობილმა კორეელმა ადმირალმა, ლი სუნსინუმ 13 გემით შეძლო იაპონელთა 133 საზღვაო გემის განადგურება.

მამაცი გული (1995)

მამაცი გული

როდესაც თავისუფლებისთვის ბრძოლაზე ვსაუბრობთ, აუცილებლად უნდა ვახსენოთ მამაცი გულიმელ გიბსონის ცნობილი ფილმი შოტლანდიელთა ბრძოლაზე ინგლისური მმართველობის წინააღმდეგ.

ლოურენს არაბი (1962)

ლოურენს არაბი

დევიდ ლინის ბიოგრაფიული ფილმი მოგვითხრობს თომას ედვარდ ლოურენსზე – ინგლისელ ჯაშუშზე, რომელიც არაბებს ჩაუდგა სათავეში თურქების წინააღმდეგ და პირველი მსოფლიო ომის გმირად იქცა.

12 წელი მონობაში (2013)

12 წელი მონობაში

ოსკაროსანი ფილმი სოლომონ ნორტაპის 12-წლიან მონობაზე, თუ როგორ გაყიდეს მონად თავისუფალი შავკანიანი კაცი ნიუ-იორკიდან და როგორ იბრძოდა ის თავისუფლებისთვის.

მანდელა: გრძელი გზა თავისუფლებისკენ (2013)

მანდელა

ბიოგრაფიული ფილმი გვიყვება ნელსონ მანდელას ცხოვრებისა და თავისუფლებისთვის ბრძოლის ისტორიას, ბავშვობიდან – სამხრეთ აფრიკის რესპუბლიკის პირველ პრეზიდენტობამდე.

ქარი, რომელიც ქერს არხევს (2006)

ქარი, რომელიც ქერს არხევს

1920 წელი. ირლანდიის დამოუკიდებლობისთვის ბრძოლის ფონზე, ორი ძმა პარტიზანულ ომშია ჩაბმული ინგლისელების წინააღმდეგ. ესაა კენ ლოუჩის ფილმი, რომელიც კანის კინოფესტივალის გამარჯვებული გახდა.

300 (2006)

300

და ბოლოს – 300ზაკ სნაიდერის ფილმი ცნობილ თერმოპილეს ბრძოლაზე, როდესაც სპარტელთა მეფე ლეონიდასი 300 რჩეული მეომრით შეებრძოლა სპარსელთა ჯარს.