10 ფილმი თინეიჯერულ სიყვარულზე

nugo July 11, 2021

პირველი სიყვარული ყველა ადამიანისთვის დაუვიწყარია. ის სიმძაფრე და გულწრფელი ემოციები, რომელიც თინეიჯერობის ასაკში გვაქვს, შესაძლოა, ცხოვრების ბოლომდეც კი გაგვყვეს მოგონებებად. გთავაზობთ 10 შესანიშნავ ფილმს თინეიჯერულ სიყვარულზე:

იჩქარე შეიყვარო (2002)

იჩქარე შეიყვარო

ლენდონ კარტერი სკოლაში პოპულარული ბიჭია, ჯეიმი სალივანი კი უბრალო გოგო, რომელიც თითქოს სხვებისგან არაფრით გამოირჩევა. ლენდონს სკოლაში აიძულებენ, სპექტაკლში ითამაშოს, რისთვისაც მას ჯეიმის დახმარება სჭირდება. გოგონა მას უცნაურ პირობას უყენებს: დაეხმარება იმ შემთხვევაში, თუ მას ის არ შეუყვარდება. ბიჭი პირობას დაუფიქრებლად თანხმდება, თუმცა ჩვენ არასდროს ვიცით, რას გვიმზადებს ცხოვრება…

თითქმის ჩვიდმეტი (2016)

თითქმის ჩვიდმეტი

მიუხედავად იმისა, რომ ფილმი ძირითადად ნადინის თინეიჯერობის ასაკსა და თემებზეა ფოკუსირებული, ის აგრეთვე გვიჩვენებს, რომ სიყვარული ზოგჯერ ყველაზე მოულოდნელი გზით მოდის ჩვენს ცხოვრებაში.

ბედის ვარსკვლავის ბრალია (2014)

ბედის ვარსკვლავის ბრალია

ამბავი ორ სიმსივნით დაავადებულ მოზარდზე, რომელთაც ერთმანეთი მხარდამჭერთა ჯგუფში გაიცნეს. დაავადების მიუხედავად, ორივე ცდილობს სავსე ცხოვრებით იცხოვროს. ეს ნამდვილად ერთ-ერთი ყველაზე შთამბეჭდავი ისტორიაა თინეიჯერულ სიყვარულზე.

კოცნის ჯიხური (2018)

კოცნის ჯიხური

ელი მხიარული და კომუნიკაბელური გოგონაა. მას ბიჭისთვის არასდროს უკოცნია და აი, სასწავლებლის საგაზაფხულო დღესასწაულზე ეს მომენტიც დგება. მისი პირველი კოცნა კი სწორედ მის საოცნებო ბიჭს ეკუთვნის…

თუ დავრჩები (2014)

თუ დავრჩები

ლაღი და ნიჭიერი მიას ცხოვრება წამიერად იცვლება ავტოავარიის შემდეგ. სიკვდილ-სიცოცხლის ზღვარზე მყოფ გოგონას ძალიან რთული გადაწყვეტილებების მიღება უხდება. სასწორის პინაზე კი მისი დიდი სიყვარული დევს.

სულელი (1995)

სულელი

ძალიან გაგიმართლათ, თუ ეს ფილმი ჯერ კიდევ არ გინახავთ! წინ სულელი, მეტიჩარა გოგოს სასაცილო და საინტერესო თავგადასავალი გელით!

შეშლილი და მშვენიერი (2001)

შეშლილი და მშვენიერი

ერთ-ერთი საუკეთესო სურათი თინეიჯერულ სიყვარულზე, სადაც ერთ მხარეს კონგრესმენის თავნება ქალიშვილია, მეორე მხარეს კი ღარიბი ლათინოსი ბიჭი, რომელიც სკოლაში ავტობუსით დადის. მაგრამ შეუძლია კი ამ სოციალურ სხვაობებს სიყვარულის დამარცხება?

პრინცესას დღიურები (2001)

პრინცესას დღიურები

ქეით მიდლსტონამდე და მეგან მარკლიმდე იყო “ჯენოვიას” პრინცესა მია თერმოპოლისი და მისი ისტორიები, რომელიც ყველას გვიყვარდა. დაუჯერებელიც კია, რომ ამ ფილმის გადაღებიდან უკვე 18 წელი გავიდა!

უკანასკნელი სიმღერა (2010)

უკანასკნელი სიმღერა

რონი ვერაფრით პატიობს მამას განქორწინებას, მიუხედავად იმისა, რომ მათ მუსიკისადმი დიდი სიყვარული აერთიანებთ. ერთ ზაფხულს რონის და მის უმცროს ძმას მამასთან გზავნიან. გოგონა მას გულგრილად ექცევა. თუმცა, ყველაფერი იცვლება მას შემდეგ, რაც ის სიმპათიურ ბიჭს გაიცნობს და შეუყვარდება.

ყველა ბიჭისთვის, ვინც ოდესმე მიყვარდა (2018)

ყველა ბიჭისთვის

ლარა ჯინს ერთი საიდუმლო აქვს: ის ყველა ბიჭს, ვინც კი ოდესმე ჰყვარებია, წერილებს წერს, თუმცა, ისინი ადრესატისთვის არასდროს გაუგზავნია. ერთხელაც ყველა ეს წერილი საჯაროვდება და გოგონას ცხოვრება თავდაყირა დგება. ლარა ჯინის ისტორია საუკეთესო თუ არა, ნამდვილად ერთ-ერთი საუკეთესო ფილმია მოზარდების თემაზე, რომელიც გასულ წელს გამოვიდა.

 

წყარო: www.seventeen.com