10 ფილმი, თუ კვენტინ ტარანტინო გიყვართ

nugo July 11, 2021

მართალია, ქვემოთ ჩამოთვლილი ფილმების რეჟისორი კვენტინ ტარანტინო არაა, მაგრამ თქვენ აუცილებლად დაინახავთ მსგავსებას მის კინოსთან. ამ ფილმებში არის ძალადობა, უჩვეულო პერსონაჟები, წარმოჩენილია ადამიანის ბნელი მხარე… მოკლედ, თუ ტარანტინო გიყვართ, მაშინ ეს 10 ფილმიც მოგეწონებათ:

პლანეტა ტერორი (2007)

პლანეტა ტერორი

დედამიწაზე უცნობი ვირუსის გავრცელების შედეგად, მოსახლეობის დიდი ნაწილი ზომბად იქცა. ის მცირე ნაწილი კი, რომელსაც ვირუსი არ შეხებია, გადარჩენისთვის იბრძვის. სცენარის სტრუქტურა, ვიზუალი თუ მსახიობთა გუნდი ფილმს სრულიად უნიკალურს ხდის.

მკვლელებად დაბადებულნი (1994)

მკვლელებად დაბადებულნი

ესაა ფილმი შეყვარებულებზე, რომლებსაც მძიმე, ტრავმული ბავშვობა ჰქონდათ და ახლა სერიული მკვლელები არიან. ისინი კლავენ განურჩევლად, ყოველგვარი მოტივის გარეშე. ოლივერ სტოუნის სურათი ადამიანს წარმოაჩენს, როგორც სოციალური გარემოს პროდუქტს.

ცივი თევზი (2010)

ცივი თევზი

კაცი საშინელ სიტუაციაში აღმოჩნდება, როდესაც მის ქალიშვილს მაღაზიის ძარცვაში გამოიჭერენ. ფაქტის მიუხედავად, მეპატრონე, რომელიც სასიამოვნო კაცი ჩანს, დასჯის ნაცვლად, გოგოს მაღაზიაში მუშაობას შესთავაზებს. თუმცა, ის სულაც არ აღმოჩნდება ისეთი სასიამოვნო ადამიანი, როგორიც თავიდან ჩანდა. პირიქით, ის და მისი ოჯახი საზარელ საიდუმლოებებს მალავს…

მე ვნახე ეშმაკი (2010)

მე ვნახე

იდუმალი სერიული მკვლელი ქალებს აუპატიურებს და სასტიკად კლავს. მის დაჭერას კი ვერავინ ახერხებს. თუმცა, როდესაც მისი მორიგი მსხვერპლი საიდუმლო აგენტის საყვარელი ადამიანი გახდება, მკვლელი აგენტის სამიზნედ იქცევა.

ბანქო, ფული და ორი ლულა (1998)

ფული და ორი ლულა

პოკერის წაგების შემდეგ, ოთხი მეგობარი ფულის შოვნას ცდილობს. უნიკალური პერსონაჟები, განსხვავებული თხრობა, კადრები, დაუვიწყარი საუნდტრეკები… ესაა ფილმი, რომელმაც გაი რიჩის სახელი გაუთქვა.

მზის ჩასვლიდან განთიადამდე (1996)

მზის ჩასვლიდან განთიადამდე

აქ კი კვენტინ ტარანტინო ერთ-ერთ პერსონაჟად გვევლინება. სიუჟეტის ცენტრში ორი კრიმინალია, რომელიც ბანკის გაძარცვის შემდეგ გაქცევას ცდილობს. თითქოს ყველაფერი კარგად მიდის, სანამ გზად ბარში გაჩერდებიან. ახლა მათი მთავარი ამოცანაა, განთიადამდე გაძლონ.

ეშმაკის განდევნილები (2005)

განდევნილები

სერიული მკვლელების ოჯახი, რომელსაც პოლიციამ მიაგნო, გამუდმებით იცვლის ადგილს, წასვლისას კი გვამებს ტოვებს. რობ ზომბის ეს სურათი წარმოადგენს მისივე ფილმის – ათასი გვამის სახლი გაგრძელებას.

მიშიმა: ცხოვრების ოთხი თავი (1985)

მიშიმა

1970 წლის 25 ნოემბერს იაპონელი მწერალი და დრამატურგი დგება და ჯარისკაცებთან, ამბოხის მოსაწოდებლად მიდის. მისი თვითმკვლელობა ძალიან მნიშვნელოვანი მოვლენაა ბევრი თვალსაზრისით. ფილმი კი – საუკეთესო პოლ შრეიდერის შემოქმედებაში.

იერემია ჯონსონი (1972)

იერემია ჯონსონი

კაცი განდეგილად, განმარტოებით ცხოვრებას ირჩევს, თუმცა, მოვლენები აიძულებს, ინდიელებს დაუპირისპირდეს. ეს 1970-იანი წლების ერთ-ერთ საუკეთესო სურათად ითვლება.

მძღოლი (1978)

მძღოლი

მძღოლი საშინელ სიტუაციაში ეხვევა, როდესაც გამომძიებელი შეპყრობილი ხდება ბანკის ძარცვის საქმით, რომელშიც ის მონაწილეობდა. ჩვენ ვუყურებთ მათ კატა-თაგვობანას თამაშს, სადაც ყველა მორალური და ეთიკური წესი დარღვეულია…