10 ფილმი იმაზე, თუ როგორ ვიპოვოთ საკუთარი თავი

nugo July 11, 2021

ყველა ადამიანის ცხოვრებაში დგება მომენტი, როდესაც იმდენად ბევრი გადაუჭრელი საკითხი გროვდება, რომ საჭიროა გაჩერება საკუთარ თავთან მეტი დროის გატარება და კარგად დაფიქრება. ყველაფერი უაზრო, უსამართლო გვეჩვენება და ეს სირთულე საკუთარ თავთან მუშაობით უნდა გადავლახოთ, კრიზისს თავი ისევ ჩვენი თავისგან უნდა დავაღწიოთ და ცხოვრების ახალი ეტაპისთვის მოვემზადოთ.

ინტერვიუ ღმერთთან (2018)

ეს ფილმი არ გამოირჩევა განსაკუთრებული რეჟისურით, თუმცა მას გააჩნია სიღრმეები და მოგვითხრობს სასოწარკვეთილ ისტორიას ადამიანის განცდებზე, რომელიც თითოეულ ჩვენგანს ერთხელ მაინც გამოუცდია. ფილმი, რომელიც გაგიჩენთ კითხვებს და ამავე დროს დაგეხმარებათ გაიაზროთ ბევრი რამ. ეს არის ისტორია ჩვენზე და ჩვენს ქმედებებზე, რომლებსაც მუდამ გააჩნიათ თავიანთი ფასი და შედეგი.

დიდებული სილამაზე (2013)

პაოლო სორენტინოს ფილმი ბოლო ათწლეულის ერთ-ერთი ყველაზე მნიშვნელოვანი მოვლენაა კინემატოგრაფიაში. ეს არის ფილმი, სადაც ორგანულად ერწყმის ერთმანეთს შხამიანი გროტესკი, ბაროკოს გამოსახულებები, ფიქრი თანამედროვე საზოგადოების მდგომარეობაზე და ფილოსოფიური შეხედულება კაცობრიობის არსებობაზე.

დანგრევა (2016)

ყველა ადამიანი თავისებურად უმკლავდება ტკივილს. გარდაცვლილი მეუღლის განცდას ბევრი მიზეზი შეიძლება ჰქონდეს, მათ შორის დაგვიანებული სიყვარულის შეგრძნება, ან დანაშაულის გრძნობა. ასეა თუ ისე, ყველამ უნდა მოახერხოს ამ ტკივილთან გამკლავება, ფილმის მთავარი გმირი კი მიდის იმ დასკვნამდე, რომ ახალი ცხოვრების დასაწყებად, აუცილებელია ძველი ცხოვრებისგან თავის დაღწევა.

იმედის სხივთა კრებული (2012)

დევიდ ო. რასელის ფილმი მეთიუ კვიკის რომანის მიხედვით არის გადაღებული და ორ მარტოსულ, ერთნაირად გაუწონასწორებელ ადამიანზე მოგვითხრობს. ფილმი სავსეა მრავალფეროვანი დიალოგებით, დიალოგებით ცხოვრებაზე, სიყვარულზე, ოჯახზე და აქ ხაზი იმაზეცაა გასმული, თუ როგორი რთულია, იყო სხვებისგან განსხვავებული. სიყვარული და გულწრფელი გრძნობები ფილმის მთავარი თემებია და ის, რომ თუ ცხოვრებაში ჩნდება შესაძლებლობა, არ ღირს მისი ხელიდან გაშვება.

თამაში (1997)

რთულია მდიდარი, წარმატებული, ჯანმრთელი ადამიანის გაოცება, რომელსაც შეუძლია საკუთარ თავს ბევრი რამის უფლება მისცეს. თუ თქვენ დევიდ ფინჩერის თაყვანისმცემელი ხართ, ეს არის ფილმი, რომელიც აუცილებლად უნდა ნახოთ. ეს ფსიქოლოგიური დეტექტივი გულგრილს ნამდვილად არ დაგტოვებთ და უფრო მეტიც, გაგიჩენთ სურვილს არაერთხელ უყუროთ და დარწმუნებულები იყავით, რომ ყოველ ჯერზე რაღაც ახალს აღმოაჩენთ.

ბერდმენი (2014)

ადამიანები ხშირად ოცნებობენ, შეძლონ ფრენა, თუმცა ფილმის მთავარი გმირი თეატრის რეჟისორის დიდებაზე ოცნებობს. სიუჟეტი თეატრალური ცხოვრების შესახებ მოგვითხრობს, რომელიც საინტერესოა არა მხოლოდ სპექტაკლებით, არამედ კადრსმიღმა ცხოვრებითაც. ფილმის მთავარი გმირი უკმაყოფილოა ფინანსური მდგომარეობით და საკუთარი კარიერით, რაშიც მაყურებელს ადანაშაულებს.

ჭამე, ილოცე, შეიყვარე (2010)

შეიძლება იყო შემდგარი ადამიანი, გყავდეს მზრუნველი მეუღლე, გქონდეს არაჩვეულებრივი სახლი და მაღალანაზღაურებადი სამსახური, თუმცა თავს მაინც ვერ გრძნობდე ბედნიერად და გქონდეს შეგრძნება, თითქოს ეს ცხოვრება შენ არ გეკუთვნის. სწორედ ასეთი შეგრძნებები აქვს ფილმის მთავარ გმირს, რომელიც ხვდება, რომ მას რაღაც სხვა სჭირდება და ამიტომ საკუთარი თავის თავიდან აღმოსაჩენად სამოგზაუროდ მსოფლიოს გარშემო მიდის.

მებრძოლთა კლუბი (1999)

დევიდ ფინჩერის კიდევ ერთი საკულტო ფილმი. რეჟისორი ცდილობს მაყურებლამდე მიიტანოს თავის სათქმელი, რომ შეუძლებელია ებრძოლო საზოგადოებას, რაც ჩვენს დაბადებამდე უკვე არსებობდა, იარსებებს ჩვენს შემდეგაც. ეს ფილმი არის ადამიანის შიშის და კომპლექსის კრებული, რომელიც მას შინაგანად ანადგურებს, შიში და სასოწარკვეთა საკუთარი უძლურების წინაშე.

შენი სახელი დამიძახე (2017)

ფილმის მთავარი გმირი მშობლებთან ერთად იტალიაში ცხოვრობს, ველოსიპედით დადის, ბანაობს ტბებში, სწავლობს კლასიკურ მუსიკას, კითხულობს და ცდილობს შეხვდეს გოგონას, თუმცა ყველაფერი ირევა მის ცხოვრებაში, როდესაც მის ოჯახს ამერიკელი მეცნიერი ეწვევა. ახალგაზრდა ბიჭი საკუთარ თავში აღმოაჩენს იმას, რაზეც აქამდე არასდროს დაეჭვებულა და ცდილობს შეეგუოს ამას.

ველურ პირობებში (2007)

კიდევ ერთი მაგალითი იმისა, რომ ყველა ადამიანი ინდივიდუალურად უმკლავდება თავის განცდებს, პრობლემებს, დეპრესიას. ფილმი, რომელიც რეალურ მოვლენებს ეფუძნება, საკუთარი თავის ძიებაზე მოგვითხრობს. კრისტოფერ მაკქენდლესის, წარმატებული და უზრუნველყოფილი სტუდენტი, რომელიც ცივილიზაციის ყველა უპირატესობებზე ამბობს უარს, იპარება და მოხეტიალე მოგზაურობას იწყებს.