10 ფილმი მათთვის, ვისაც ცეკვა უყვარს

nugo July 10, 2021

არსებობს ისეთი ფილმებიც, რომელსაც მხოლოდ ერთი სიამოვნებისთვის ვუყურებთ და ეს სიამოვნება – ცეკვაა. ჩვენთვის, მაყურებლისთვის, ასეთი ფილმების სია საკმაოდ დიდია, ამიტომ გაგიზიარებთ იმ ჩამონათვალს, რომელიც ვთვლით, რომ აუცილებლად მოგეწონებათ და თანაც, ცეკვის მოყვარულებს აუცილებლად უნდა ჰქონდეთ ნანახი.

 

მოცეკვავე (2016)

ახალგაზრდა მარია-ლუიზას სურს დიდი მსახიობი გახდეს. გამოსვლის დროს იგი მის კაბაში გაეხვევა და საოცარი მოხერხებულობით გადარჩება დაცემას და ტრიალს გააგრძელებს. შემთხვევით, მან საკუთარი ცეკვა შექმნა, რომელმაც მას პოპულარობა რამდენიმე დღეშივე მოუტანა. თითქოს, ყველაფერი კარგად აეწყო, მაგრამ მხოლოდ მარიას ახლობლებმა იციან, თუ რამდენად უჭირს ნიჭიერ მოცეკვავეს საკუთარი ცეკვის შესრულება.

ბინძური ცეკვები (1987)

ფილმის სიუჟეტი 1963 წელს ვითარდება. ახალგაზრდა ფრენსისი (ჯენიფერ გრეი) ზაფხულში ოჯახთან ერთად ისვენებდა, როდესაც შემთხვევით საცეკვაო წვეულებაზე მოხვდა, სადაც გაიცნო და მაშინვე შეუყვარდა ტემპერამენტიანი ჯონი (პატრიკ სვეიზი) – ადგილობრივი პანსიონატის ცეკვის მასწავლებელი. მაგრამ როგორ უნდა მოიგო მისი გული, როდესაც ცეკვა საერთოდ არ შეგიძლია?! ფილმი ოსკარზე საუკეთესო ორიგინალური სიმღერისთვის იყო ნომინირებული.

შეინარჩუნე რიტმი (2006)

პროფესიონალი მოცეკვავე პიერ დიულეინი, რომელსაც ანტონიო ბანდერასი ასრულებს, რთულად აღსაზრდელი ბავშვების ცეკვის მასწავლებელი ხდება. ერთი შეხედვით, ბავშვები, რომლებიც გეტოში ცხოვრებას არიან მიჩვეულები, არ ინტერესდებიან კლასიკური ცეკვებით, მაგრამ როგორც კი პიერმა აჩვენა, თუ რა არის ნამდვილი ტანგო, გაოცებული ახალგაზრდები მაშინვე ემუდარებიან მათაც ასწავლოს ცეკვა.

ბურლესკი (2010)

ახალგაზრდა და ამბიციური გოგონა ალი, რომელსაც კრისტინა აგილერა ასრულებს, ლოს-ანჯელესში ოცნების ასახდენად ჩადის: გახდეს მომღერალი და იპოვოს სიყვარული. შემთხვევით, გოგონა ღამის კლუბში ხვდება სახელწოდებით “ბურლესკი”. სცენაზე კორსეტებში გამოწყობილი არაჩვეულებრივი მოცეკვავეების ნახვის შემდეგ, ის მიხვდა, რომ ეს კლუბი არის ის, რაც მას სჭირდება. ფილმმა ოქროს გლობუსი საუკეთესო ორიგინალური სიმღერისთვის მიიღო.

ნაბიჯი წინ (2006)

კანონის დარღვევისთვის ტაილერს, რომესლაც ჩენინგ ტატუმი ასრულებს, მერილენდის ხელოვნების სკოლაში მოსაწყენი საზოგადოებრივი სამუშაოები მიესაჯა. სკოლის ერთ-ერთი დარბაზის დალაგების დროს ის ნორას იცნობს, რომელიც გამოცდისთვის მეწყვილეს ეძებს. შეძლებს თუ არა ტაილერი დაეხმაროს გოგონას დადგას ყველაზე მნიშვნელოვანი ცეკვა მის კარიერაში?

მოდი ვიცეკვოთ (2004)

რიჩარდ გირის პერსონაჟი ჯონი რუტინაში ჩაეფლო: სახლი – სამსახური, სამსახური – სახლი. ერთადერთი, რაც მასში ინტერესს იწვევს მოწყენილი გოგოა ცეკვის სკოლიდან, რომელსაც ის სახლში დაბრუნებისას ხედავს ყოველ დღე. ერთხელაც მან გოგონას გაცნობა გადაწყვიტა და სამეჯლისო ცეკვების გაკვეთილებზე ჩაეწერება. დროთა განმავლობაში გადაღლილი მამაკაცი პოულობს იმას, რაც ასე აკლდა ცხოვრებაში.

ჰანი (2003)

ჰანი ახალგაზრდა ნიჭიერი მოცეკვავეა, რომელიც დღისით მუსიკალურ მაღაზიაში მუშაობს, ღამე – კლუბში ბარმენად. ის ვიდეოკლიპების ვარსკვლავობაზე ოცნებობს, მაგრამ იმის გამო, რომ მას პროფესიონალური გამოცდილება არ აქვს, მუდამ უარს ეუბნებიან. ერთხელ მისი ცეკვა შემთხვევითმა მაყურებელმა გადაიღო კამერით და სწორედ ეს ჩანაწერი ხდება მისი უკეთესი მომავლის ბილეთი.

ჩიკაგო (2002)

ჩიკაგო სასტიკია: მისთვის სისხლიანი დანაშაული ჯაზზე უფრო საინტერესოა. ორი ქალი პოპულარობის გზაზე მკვლელობებს ჩადის და მათ ამის გამო, დაწინაურება ელით. ქეთრინ ზეტა–ჯონსის პერსონაჟი ველმა კლუბ “ონიქსის” ვარსკვლავია, რენე ზელვეგერის გმირი როქსი კი უცნობი მოცეკვავეა. მათი დაპირისპირება ციხეში იწყება. იმისთვის, რომ გადარჩნენ, ორივე საუკეთესო ადვოკატის ყურადღების მიბყრობას ცდილობს, რომელსაც მხოლოდ ფული და ძალაუფლება აინტერესებს. ფილმმა ოსკარის 13 ნომინაციიდან ექვსში გაიმარჯვა.

სუპერ მაიკი XXL (2015)

სტრიპტიზიორის კარიერაზე უარის თქმის შემდეგ, მაიკმა ავეჯის ბიზნესი წამოიწყო. როდესაც გაიგო, რომ ოდესღაც ცნობილი კლუბი იხურება, მაიკი და მისი კოლეგები კვლავ იკრიბებიან ერთად, რომ ბოლოჯერ გამოვიდნენ და დაანთონ ცეცლი ლეგენდარულ სცენაზე. მეგობრები გრძელ გზას მიუყვებიან და წარმოდგენაც არ აქვთ, თუ რა ავანტიურები ელოდებათ.

ბოლო ცეკვა ჩემზეა (2001)

ისტორია ყოფილ ბალერინაზე, რომელმაც საკუთარი თავი ჰიპ-ჰოპის სამყაროში აღმოაჩინა. მეოცნებე სარა ჩიკაგოში მამასთან საცხოვრებლად გადადის. ის ახალ ადგილს საკუთარ სახლს ვერ არქმევს და ვერც გარემოს ეგუება, სანამ ადგილობრივ საცეკვაო წვეულებაზე არ მოხვდება. ფილმში მთავარ როლებს ჯულია სტილსი და შონ პატრიკ ტომასი ასრულებენ.