10 ფილმი მათთვის, ვისაც ძალიან გიყვართ ჭამა

nugo July 11, 2021

ანიმაციიდან დაწყებული, დრამით დამთავრებული, ქვემოთ ჩამოთვლილი ფილმები მრავალფეროვანი ჟანრისაა. თუმცა, ყველა მათგანის სიუჟეტი საკვების გარშემო ტრიალებს. ესაა 10 ფილმი მათთვის, ვისაც ძალიან გიყვართ ჭამა:

ადამ ჯონსი (2015)

ადამ ჯონსი

ბრედლი კუპერის გმირი – ადამ ჯონსი საუკეთესო შეფ-მზარეულია, რომელმაც ალკოჰოლიზმის გამო კარიერა გაინადგურა. ის ლონდონში ბრუნდება და ყველაფერს აკეთებს, რათა ნორმალური ცხოვრება დაიბრუნოს.

დამფუძნებელი (2016)

დამფუძნებელი

ფილმი გვიჩვენებს მნიშვნელოვან მომენტებს მაკდონალდსის ისტორიიდან, დაპირისპირებებს, უნიკალურ ბიზნეს-მოდელს და იმას, თუ როგორ იქცა პატარა რესტორანი სწრაფი კვების ყველაზე პოპულარულ ქსელად.

ორმაგი ულუფა (2004)

ორმაგი ულუფა

კიდევ ერთი ფილმი მაკდონალდსზე, ამჯერად დოკუმენტური და სულ სხვა მიზნის მქონე – ორმაგი ულუფაა. რეჟისორი, სცენარისტი და მთავარი გმირი – მორგან სპარლოკი სამი თვის განმავლობაში დღეში სამჯერ იკვებებოდა მაკდონალდსში, რისი შედეგიც – 12 კილოგრამი, ღვიძლისა და თავის ტკივილები, ქოლესტერინი და დეპრესია აღმოჩნდა.

რატატუი (2007)

რატატუი

შესანიშნავი ისტორია, ბევრი კომიკური სცენით – ვირთხაზე, რომელიც ოცნებობს, გახდეს ცნობილი შეფ-მზარეული. ანიმაცია გამოსვლისთანავე პოპულარული გახდა და მაყურებლების გულები დაიპყრო.

გზის განაპირა (2004)

გზის განაპირა

ორი შუახნის კრიზისში მყოფი მეგობარი სამოგზაუროდ მიდის პატარა ქალაქში, რომელიც ცნობილია თავისი ღვინოებით. მოგზაურობისას ისინი მრავალფეროვან სიტუაციებში აღმოჩნდებიან, რაც მათ მსოფლმხედველობაზე იქონიებს გავლენას.

მოღრუბლულობა, შესაძლოა ნალექი გუფთების სახით (2009)

მოღრუბლულობა

ანიმაცია მოგვითხრობს მოუხერხებელ მეცნიერზე, რომელიც ექსპერიმენტისას შეცდომას უშვებს და შედეგად, წვიმის წვეთების ნაცვლად ციდან საჭმელი ცვივა…

ვილი ვონკა და შოკოლადის ქარხანა (1971)

ვილი ვონკა

მსოფლიოს უდიდესი შოკოლადის ქარხნის მეპატრონე, ვილი ვონკა აცხადებს, რომ ხუთ იღბლიან ადამიანს მისცემს შესაძლებლობას, დაათვალიერონ ქარხანა და გაიგონ შოკოლადის მომზადების საიდუმლოებები; გამარჯვებულს კი მთელი ცხოვრების განმავლობაში მიაწვდის შოკოლადს. როდესაც ამას შეიტყობს, პატარა ჩარლი მიზნად დაისახავს, გახდეს გამარჯვებული.

ჯული და ჯულია (2009)

ჯული და ჯულია

ცნობილი მზარეულის, ჯულია ჩაილდის ისტორია, გადაჯაჭვული ბლოგერ ჯული პაუელის გამოწვევასთან, მოამზადოს ყველა კერძი, რომელიც ჩაილდის წიგნშია მოცემული. ერთ-ერთ ინტერვიუში მერილ სტრიპმა განაცხადა, რომ ეს მისი ყველაზე საყვარელი როლია.

სოსისების წვეულება (2016)

სოსისების წვეულება

სანამ მაღაზიას დატოვებენ, სოსისები ბედნიერად ცხოვრობენ. მერე კი მათ ყიდულობენ და უკვალოდ ქრებიან. ერთ-ერთი სოსისი დაინტერესდება, თუ რა მოსდით მათ მაღაზიის დატოვების შემდეგ…

შეფმზარეული (2014)

შეფმზარეული

ცნობილი შეფ-მზარეული გადაწყვეტს, სამსახური მიატოვოს და საოჯახო ბიზნესი დაიწყოს. ის ახლა სატვირთოში მოწყობილ სამზარეულოში, საყვარელ ცოლ-შვილთან ერთად ამზადებს უგემრიელეს კერძებს.