10 ფილმი მამაკაცებისთვის შუახნის კრიზისზე

მარტოობა, საძულველი სამუშაო, ოჯახური ცხოვრება, საზოგადოება, ახალგაზრდობა, ღალატი, სიკვდილი – სწორედ ეს თემებია განხილული ქვემოთ ჩამოთვლილ ფილმებში, ფილმებში, რომლებიც შუახნის კრიზისზე მოგვითხრობს:

ბინა (1960)

მას შემდეგ, რაც უფროსი თავისი სასიყვარულო თავგადასავლებისთვის ბინის გასაღებს სთხოვს, ფილმის მთავარი გმირი დიდ გაუგებრობაში აღმოჩნდება – ეს სრულიად ახალი რეალობაა, რომელსაც აქამდე არ იცნობდა.

სანამ ახალგაზრდები ვართ (2014)

შუახნის წყვილი კრიზისს განიცდის და მის დასაძლევად ახალგაზრდა წყვილთან დამეგობრებას გადაწყვეტს. თუმცა, ეს გადაწყვეტილება მათ კიდევ უფრო დიდ გაურკვევლობაში ჩააგდებს.

სინოპტიკოსი (2005)

სინოპტიკოსი, რომელსაც აქვს ფული, პოპულარობა, კარიერული წარმატებები, სინამდვილეში ნერვული შეტევის ზღვარზეა. ამისი მიზეზი კი არეული პირადი ცხოვრებაა. ის ვეღარ ხედავს აზრს იმ ყველაფერში, რასაც აკეთებს.

მამაკაცები ზღვარზე (2012)

რამდენიმე მამაკაცის ისტორია, დატვირთული სხვადასხვა პრობლემით, სიტუაციითა და შინაგანი მდგომარეობით, – სხვადასხვა მიზეზით, რის გამოც მათ შუახნის კრიზისი აქვთ.

ღამის სვლები (1975)

ფილმის მთავარი გმირი კერძო დეტექტივია, რომელსაც გაუჩინარებული თინეიჯერი გოგონას მოსაძებნად დაიქირავებენ. გამოძიების პროცესში მისი მღელვარე წარსული ბრუნდება, იგებს ცოლის ღალატის შესახებ და ყოველდღიურად უფრო და უფრო მეტ სიცარიელეს გრძნობს, რასაც საბედისწერო შედეგამდე მიჰყავს.

ირაციონალური ადამიანი (2015)

კოლეჯის პროფესორი კრიზისს განიცდის, თუმცა ყველაფერი იცვლება მას შემდეგ, რაც თავის სტუდენტთან სასიყვარულო კავშირს გააბამს. ისტორია კარგად არ მთავრდება, სამაგიეროდ გვიჩვენებს შედეგს, რომელიც კრიზისის დასაძლევად დესტრუქციული გზის არჩევას მოჰყვება.

ანომალიზა (2015)

წარმატებული მწერალი დეპრესიას ებრძვის. მერე კი მის ცხოვრებაში ჩნდება ქალი, რომელიც თავიდან აღმოაჩენინებს ცხოვრების სიამოვნებებს.

ამერიკული სილამაზე (1999)

პრობლემები ოჯახში, სამსახურში, სოციალურ ურთიერთობებში. ისტერიული ცოლი და დეპრესიული თინეიჯერი შვილი. ცხოვრება, რომლისგანაც ის ძალიან, ძალიან დაიღალა… ამერიკული სილამაზე ალბათ საუკეთესო ფილმია შუახნის კრიზისზე და იმ სიყალბეზე, რომელშიც ჩვენი არსებობა ილევა.

ქმრები (1970)

ახლო მეგობრის მოულოდნელი გარდაცვალება სამ მამაკაცს საკუთარ ცხოვრებაზე დაფიქრებას აიძულებს. შუახნის კრიზისში მყოფი სამივე მამაკაცი უიქენდის ერთად გატარებას დაგეგმავს…

გზის განაპირა (2004)

ორი კრიზისში მყოფი მეგობარი სამოგზაუროდ მიდის პატარა ქალაქში, რომელიც ცნობილია თავისი ღვინოებით. მოგზაურობისას ისინი მრავალფეროვან სიტუაციებში აღმოჩნდებიან, რაც საკუთარ პიროვნებაზე და სამყაროსეულ ხედვაზე დააფიქრებთ.