10 ფილმი მეგობრობაზე, რომელიც თქვენს წარმოდგენებს შეცვლის

nugo July 11, 2021

როგორი იქნებოდა ჩვენი ცხოვრება მეგობრების გარეშე? მეგობრები ხომ ის ადამიანები არიან, რომლებიც საჭირო მომენტში ჩვენთან ერთად ტირიან და იცინიან, საკუთარივით განიცდიან ჩვენს სიხარულსაც და ტკივილსაც. თუმცა, ზოგჯერ ყველაზე დიდი მეგობრები ყველაზე დიდ მტრებად იქცევიან. გთავაზობთ 10 შესანიშნავ ფილმს მეგობრობაზე, რომელიც თქვენს წარმოდგენებს შეცვლის:

საუკეთესოთა შორის საუკეთესო (1989)

საუკეთესო

ეს ხუთი ადამიანი კარატეს საერთაშორისო ჩემპიონატზე აშშ-ს სახელით მონაწილეობს. მაგრამ მათ შორის ბევრი პრობლემა და უთანხმოებაა. საბედნიეროდ, მწვრთნელმა, ფიზიკური ვარჯიშის გარდა, ისიც იცის, როგორ გარდაქმნას მტრობა მეგობრობად.

დარჩი ჩემთან (1986)

დარჩი ჩემთან

ოთხი მეგობარი ტყეში დაღუპული ბიჭის ცხედრის საძებნელად წასვლას გადაწყვეტს. ამ “მოგზაურობისას” ისინი გაცილებით მეტს გაიგებენ როგორც ერთმანეთზე, ისე საკუთარ თავზე, რაც სიტუაციას შეცვლის…

ირმებზე მონადირე (1978)

ირმებზე მონადირე

ორი მეგობარი პატარა ქალაქიდან ვიეტნამის ომში მიდის, იქიდან კი შეცვლილები ბრუნდებიან. ეს არის ფილმი იმაზე, თუ როგორ ანადგურებს ომი ადამიანს პიროვნულად და შესაბამისად, ანადგურებს ადამიანურ ურთიერთობებსაც.

დიდი იმედგაცრუება (1983)

დიდი იმედგაცრუება

მეგობრის თვითმკვლელობის შემდეგ ისინი უიქენდს ერთად გაატარებენ. დიდი ხნის მეგობრები ერთმანეთს თავიანთ აწმყო ცხოვრებაზე უყვებიან, იხსენებენ წარსულს, სიამოვნებებს, ტკივილს და რა თქმა უნდა, სიკვდილს, რომელმაც ისინი ერთად შეყარა.

ტელმა და ლუიზა (1991)

ტელმა და ლუიზა

რიდლი სკოტმა ნამდვილი მეგობრობის შესახებ ბრწყინვალე კინოსურათი გვაჩუქა, შესანიშნავი საუნდტრეკებით და საოცარი კადრებით. შეუძლებელია, ტელმას და ლუიზას გიჟური ისტორია ოდესმე დაგვავიწყდეს.

ძალიან ცუდი (2007)

ძალიან ცუდი

თინეიჯერული კომედია ორ მეგობარზე, რომელიც სკოლის დამთავრებას აღნიშნავს. ფილმის სიუჟეტი და ატმოსფერო მაყურებელს ღიმილს ჰგვრის და აღწერს პერიოდს, რომელსაც ყველა ადამიანი გადის ცხოვრებაში.

3 ქალი (1977)

3 ქალი

სამი ერთმანეთისგან განსხვავებული ქალის ისტორია. ისტორია მარტოსულობაზე, სასოწარკვეთაზე, მეგობრობაზე, რომელიც შეიძლება მტრობად იქცეს… ადამიანური, სასაცილო, უცნაური და ღრმა ფილმი, რომელიც ურთიერთობის განსხვავებულ მოდელებს გვიჩვენებს.

ღონიერი (1998)

ღონიერი

ეს ერთ-ერთი საუკეთესო ფილმია მეგობრობასა და რწმენაზე – იმ ორ მთავარ ძალაზე, რომლის მეშვეობითაც ფილმის ორი მთავარი გმირი – ორი ბიჭი უნდა გადარჩეს.

შუაღამის კოვბოი (1969)

შუაღამის კოვბოი

ახალგაზრდა კაცი დიდ ქალაქში გადადის კარგი სამსახურისა და უკეთესი ცხოვრების იმედით, თუმცა სასტიკი რეალობა მას იმედგაცრუებულს ტოვებს. ამ საშინელ სასოწარკვეთილებაში კი მისი გადამრჩენელი ის ძალა აღმოჩნდება, რასაც მეგობრობა ჰქვია.

პატარა ხულიგნები და მეკობრეების ოქრო (1985)

პატარა ხულიგნები

პატარა მეგობრები სახიფათო საქმეს წამოიწყებენ. ისინი მიწისქვეშეთში ჩადიან მეკობრეების მიერ გადანახული ოქროს საპოვნელად და უამრავი დაბრკოლების გადალახვა მოუწევთ… ეს შეიძლება საუკეთესო ფილმიც კია ბავშვობის შესახებ.