10 ფილმი მოულოდნელ შემთხვევებზე, რომელიც ადამიანის ცხოვრებას ცვლის

nugo July 11, 2021

სუსპირიაში ისმის: რატომ ფიქრობენ ადამიანები, რომ უარესი უკვე მოხდა? ეს სასტიკი, მაგრამ მართალი სიტყვებია, განსაკუთრებით იმის გათვალისწინებით, რომ შეიძლება ჩვენი ცხოვრება ზუსტად ერთ წამში რადიკალურად შეიცვალოს ან დასრულდეს. სწორედ ასეთ მოულოდნელ შემთხვევებზეა ქვემოთ მოყვანილი 10 ფილმი:

სადგური “ფრუტვეილი” (2013)

სადგური "ფრუტვეილი"

ნამდვილ ისტორიაზე დაფუძნებული ფილმი აღწერს ახალგაზრდა კაცის ცხოვრებას გაუთვალისწინებელ, თავზარდამცემ მოვლენამდე. სურათი თემატურად მძიმეა და ნათლად გვიჩვენებს, თუ როგორ გვიბიძგებს ჩვენი არსებობის ყოველი წამი, ყოველი ნაბიჯი თუ არჩევანი გარკვეული მიმართულებისკენ, რომელსაც შესაძლოა, ვერც კი ვაცნობიერებდეთ.

სიკვდილი და ქალწული (1994)

სიკვდილი და ქალწული

ფილმის მთავარი გმირი წლების წინ სასტიკად აწამეს. ახლა კი მის ქმართან სტუმარი მოდის და ქალი მასში თავის მწამებელს შეიცნობს. ის გადაწყვეტს, შანსი გამოიყენოს და სტუმარს სადისტურ ღამეს უწყობს აღიარების მისაღებად.

სამუშაოს შემდეგ (1985)

სამუშაოს შემდეგ

მარტინ სკორსეზეს ეს სურათი ნათლად გვიჩვენებს, რომ ადამიანს ათასი უსიამოვნება, მოულოდნელობა და გაუგებრობა შეიძლება დაემართოს – სულ რაღაც ერთ ღამეში.

თარგმანში დაკარგულები (2003)

თარგმანში დაკარგულები

მელანქოლიური ატმოსფერო, არასტანდარტული ისტორია და მთავარი გმირები… ტოკიოში მოგზაურობისას ორი მარტოსული ადამიანი ერთმანეთს ხვდება და მარტოობის დასაძლევად, ისინი ურთიერთობის საკმაოდ უჩვეულო ფორმას ირჩევენ.

პოლიტექნიკური (2009)

პოლიტექნიკური

ფილმი 1989 წლის 6 დეკემბერს მომხდარ ტრაგედიას აცოცხლებს, როცა ქალთმოძულე დამნაშავემ ხელში იარაღი აიღო და პოლიტექნიკური სასწავლებლისკენ გაემართა. იმ ადამიანების ცხოვრება კი, რომლებიც სწავლობდნენ, უყვარდათ, მომავალზე ფიქრობდნენ, ზუსტად ერთ წამში სამუდამოდ შეიცვალა.

სუბმარინო (2010)

სუბმარინო

ორი ძმის ტრაგიკული ისტორია, ერთი ალკოჰოლზეა დამოკიდებული, მეორე – ნარკოტიკზე. ორივე უიმედოდ უყურებს მომავალს და თვითდესტრუქციულია. მერე კი ვიგებთ, რომ მათი ამგვარი ყოფა ბავშვობაში მომხდარმა შემთხვევამ განაპირობა…

შემთხვევითობის ქრონოლოგიის 71 ფრაგმენტი (1994)

71 ფრაგმენტი

ფილმი გვიჩვენებს ფრაგმენტებს სხვადასხვა ადამიანების ყოველდღიურობიდან. მათ ერთმანეთთან არაფერი აკავშირებთ იმ ტრაგიკულ შემთხვევამდე, რომელიც ყველა მათგანის ცხოვრების თავზარდამცემ მომენტად იქცევა.

ქალწულთა წყარო (1960)

ქალწულთა წყარო

მე-14 საუკუნის შვედეთი. მშვენიერ, უმანკო გოგონას ორი მოძალადე გააუპატიურებს და მოკლავს. მერე კი, სრულიად შემთხვევით, მკვლელები გოგონას მშობლების სახლში აღმოჩნდებიან…

გაქრობა (1988)

გაქრობა

მათ ერთმანეთი უყვართ, ბედნიერები არიან, შვებულების ერთად გასატარებლად მიემგზავრებიან. გზად კი, ბენზინგასამართ სადგურთან, ქალი მაღაზიაში შედის და… უჩინარდება… კაცი შეპყრობილი ხდება იდეით, ამოხსნას ქალის უჩვეულო გაუჩინარების ამბავი.

ბრმა შანსი (1987)

ბრმა შანსი

ფილმი საოცარ ისტორიას გვთავაზობს, ისტორიას, რომელიც გვარწმუნებს, რომ ერთმა, უბრალო შემთხვევამ შესაძლოა ჩვენი ცხოვრება სრულიად სხვა გზით წარმართოს. ფინალური სცენები ერთ-ერთი ყველაზე შოკისმომგვრელია კინოს ისტორიაში.