10 ფილმი, რომელიც ამტკიცებს, რომ თანაგრძნობა ცხოვრებას ცვლის

nugo July 11, 2021

იმ დროში, რომელშიც ვცხოვრობთ, ძალიან დიდი მნიშვნელობა აქვს ემპათიასა და თანაგრძნობას. ამ ორი უნარიდან, ხშირად მათ სულ მცირე გამოვლენასაც კი ადამიანის გადარჩენა შეუძლია. გთავაზობთ 10 შესანიშნავ ფილმს, რომელიც ამტკიცებს, რომ თანაგრძნობა ცხოვრებას ცვლის:

მიცვალებული მოდის (1995)

მიცვალებული მოდის

მონაზვნის დამოკიდებულება სიკვდილმისჯილ პატიმარს ეხმარება, საკუთარ საშინელ წარსულს თვალი გაუსწოროს. ეს ნამდვილად საოცარი ფილმია ემპათიასა და ადამიანურობაზე, რომლის მთავარი გმირიც თანაგრძნობას იჩენს როგორც მსხვერპლთა ოჯახებისადმი, ისე მკვლელისადმი.

მალკოლმ X (1992)

მალკოლმ X

ნამდვილ ამბავზე დაფუძნებული ფილმი აღწერს მეოცე საუკუნის ერთ-ერთი ყველაზე დიდი და მნიშვნელოვანი ფიგურის ისტორიას. ფილმის ნელი რიტმი უბიძგებს მაყურებელს, ღრმად გაიაზროს და განიცადოს ის, რასაც ეკრანზე უყურებს.

ადამიანი-სპილო (1980)

ადამიანი-სპილო

მეცხრამეტე საუკუნეში მცხოვრები ადამიანის – ჯონ მერიკის საზარელი ისტორია. ისტორია დამცირებაზე, შეურაცხყოფაზე, სრულ გულგრილობაზე. საბედნიეროდ, ერთი ადამიანი მაინც გამოჩნდება, რომელიც მერიკის დეფორმირებული სხეულის მიღმა პიროვნებას დაინახავს და არა გასართობ საგანს…

ზღვა შიგნიდან (2004)

ზღვა შიგნიდან

ოცდაათი წლის განმავლობაში პარალიზებული, ის ევთანაზიის უფლებისთვის იბრძვის, რათა საკუთარ სიცოცხლეს ბოლო მოუღოს. ამ ტრაგიკულ ამბავში კი სინათლის სხივი იმ ორი ქალის თანაგრძნობაა, რომლებიც მის დახმარებას ცდილობენ.

ჩემი ერთი კვირა მერილინთან (2011)

მერილინი

ფილმი აღწერს მერილინ მონროსა და ლოურენს ოლივიეს ერთობლივ მუშაობას ფილმზე პრინცი და შოუმენი. ეს არის მეოცე საუკუნის ერთ-ერთი ყველაზე მნიშვნელოვანი ქალის შეუცვლელი მინი-ბიოგრაფია, ძალიან ღირებული და დასამახსოვრებელი ფრაგმენტებით.

მერი და მაქსი (2009)

მერი და მაქსი

ამ ანიმაციური ფილმის სიუჟეტი ორი მარტოსული ადამიანის – ასაკოვანი ჯენტლმენისა და პატარა გოგონას მეგობრობის ირგვლივ ვითარდება. ფილმი ცხოვრების უსიამოვნო და სევდიან საკითხებზე ლამაზი, თითქმის პოეტური გზით გვესაუბრება.

ეს მშვენიერი ცხოვრება (1946)

ეს მშვენიერი ცხოვრება

ყველა დროის ერთ-ერთი საუკეთესო კინოსურათი. ისტორია კეთილ და მგრძნობიარე ჯორჯზე, რომელსაც ცხოვრებისეული სირთულეები თვითმკვლელობის გადაწყვეტილებამდე მიიყვანს. თუმცა, მის დასახმარებლად ციდან ანგელოზი ჩამოდის…

დილა მშვიდობისა, ვიეტნამო (1987)

დილა მშვიდობისა, ვიეტნამო

ვიეტნამის ომის დროს ედრიანი საიგონში გადაჰყავთ, რათა რადიოს ყოველდღიური პროგრამა და გასართობი გადაცემა წაიყვანოს სამხედროებისთვის. ეს არის საოცრად ჰუმანური ფილმი, რომელსაც რობინ უილიამსის შესრულება სრულიად დაუვიწყარს ხდის.

შუაღამის კოვბოი (1969)

შუაღამის კოვბოი

ახალგაზრდა კაცი დიდ ქალაქში გადადის საცხოვრებლად, იმ იმედით, რომ შეძლებს, უკეთესად იცხოვროს და კარგი სამსახური იშოვოს. თუმცა, რეალობა გაცილებით სასტიკი აღმოჩნდება, ვიდრე წარმოედგინა. შუაღამის კოვბოი სევდიანი ამბავია, რომელიც ნათლად გვიჩვენებს, სადამდე მიჰყავს ადამიანები იმედგაცრუებას.

მაღლა (2009)

მაღლა

ცოლის გარდაცვალების შემდეგ, 78 წლის კარლი, რომელიც მთელი ცხოვრება მსოფლიოს გარშემო მოგზაურობაზე ოცნებობდა, 8 წლის ბიჭთან ერთად დიდ თავგადასავალს წამოიწყებს. Pixar-ის ეს ანიმაცია გვარწმუნებს, რომ სულ მცირე სიკეთეს და თანაგრძნობას ადამიანის გაბედნიერება შეუძლია.

 

წყარო: www.movielistnow.com