10 ფილმი, რომელიც დაგიმტკიცებთ, რომ ყოფილებთან დაბრუნება არ ღირს

nugo July 10, 2021

ბრძენი ადამიანები ამბობდნენ, რომ ორჯერ ერთ მდინარეში არ შედიან… ასეა ურთიერთობებშიც: როდესაც ყოფილ პარტნიორთან დაბრუნებას ცდილობენ, უმეტესად, ამას კარგი არაფერი მოაქვს. ადამიანები არ იცვლებიან და ხშირად ურთიერთობები, რომლებიც, თითქოს, მეორე სუნთქვას იძენენ, ფიასკოს განიცდიან.

ამ კოლექციაში წარმოგიდგენთ ფილმებს, რომლებიც დაგაფიქრებთ, ღირს თუ არა დაუბრუნდეთ უკვე დასრულებულ ურთიერთობებს.

გიჟური სიყვარული (2007)

ვინ შეძლებდა ყოფილთან დაბრუნებას, რომელმაც საყვარელი ქალი დაამახინჯა. ამ დოკუმენტურ ფილმში არაჯანსაღი ურთიერთობის ისტორიაა მოთხრობილი და ხაზს უსვამს, რომ ძალადობა ურთიერთობას ანადგურებს. ბერტ პაგჩის და ლინდა რისის ურთიერთობა მაშინ დაიწყო, როდესაც გოგონა 21 წლის იყო, მაგრამ მოგვიანებთ მან გაიგო, რომ ბერტს მეუღლე ჰყავდა და ამის გამო, ურთიერთობა გაწყვიტა, ბერტმა კი განუცხადა: “თუ მე ვერ ვიქნები შენთან, მაშინ ვერავინ იქნება”, რის შემდეგაც ადამიანები დაიქირავა, რომლებსაც გოგონას სახის დასახიჩრება დაავალა. საბოლოო ჯამში ლინდა დაუბრუნდა ბერტს, მაგრამ მათი ურთიერთობა უამრავი სირთულით გაგრძელდა.

ზოგი გოგო(ნები) (2013)

“ზოგი გოგო(ნები)” – არატრადიციული ისტორიაა, როგორსაც ფილმებში არ აჩვენებენ ხოლმე. ფილმი მოგვითხრობს ანონიმურ ადამიანზე, რომელმაც ქორწილის წინ გადაწყვიტა ყველა ყოფილ შეყვარებულთან მივიდეს და ბოდიში მოუხადოს იმისთვის, როგორც ექცეოდა. ყველაფერთან ერთად, ის ხვდება გოგონას, რომლისადმი ჯერ კიდევ აქვს გრძნობები, თუმცა ამავე დროს ხვდება, რომ დაბრუნება არ ღირს, რადგან ყველაფერმა, რაც მათ ერთად გამოიარეს, დაეხმარა ორივეს უფრო სუფთა სიყვარული ეპოვნათ. ფილმში მთავარ როლს ადამ ბროდი ასრულებს.

ბოლო 5 წელი (2015)

როდესაც ვიღაც ფიქრობს იმაზე, რომ დაუბრუნდეს ყოფილ პარტნიორს, მას მხოლოდ სასიამოვნო მომენტები ახსენდება, ცუდი კი – ავიწყდება. რიჩარდ ლაგრავენესის “ბოლო 5 წელი” მიუზიკლის ფორმაში მოგვითხრობს ორივე მხრიდან დანახულ ურთიერთობაზე. ფილმი ხაზს უსვამს იმას, რომ ხშირად სიყვარულის გადარჩენა შეუძლებელია და უმჯობესია მისი დასრულება. მთავარ როლებს ანა კენდრიკი და ჯერემი ჯორდანი ასრულებენ.

სექსი, სირცხვილი და ცრემლები (1999)

მიუხედავად იმისა, რომ კრიტიკოსები სკეპტიკურად არიან ამ ფილმისადმი განწყობილები, ის ძალიან კარგად ასახავს ოჯახური ურთიერთობის სირთულეებს და დაკარგული წარსულისადმი სწრაფვას. ფილმი ორ წყვილზე მოგვითხრობს, რომელთა ურთიერთობებიც ყოფილი პარტნიორების გამო წყდება. ერთ-ერთმა მათგანმა აღადგინა ურთიერთობა ახალგაზრდობის სიყვარულთან, რომელიც ახლა გათხოვილია, და, თითქოს, ერთი შეხედვით, მან შეიძლება მამაკაცი თვითმკვლელობისგან გადაარჩინოს, თუმცა უნდა ახსოვდეთ, რომ ისინი უკვე აღარ არიან ის ადამიანები, წარსული კი იმაზე უკეთ გამოიყურება, ვიდრე სინამდვილეში იყო.

მარტოხელა ქალი (1978)

თუ ვიღაცას მარტო დარჩენის ეშინია, მაგრამ ამასთან ერთად ახალი ურთიერთობის დაწყებაც აშინებს, მაშინ ეს ფილმი უნდა ნახოს. პოლ მაზურსკის ფილმი მოგვითხრობს ქალზე, რომელიც ქმარმა ახალგაზრდა ქალის გამო მიატოვა. მართალია, ის გამოფიტული, არეული და დაკარგული გვეჩვენება იმ სამყაროში, რომელშიც არ ჰყავს მეორე ნახევარი, თუმცა მეგობრებთან, ოჯახთან და ახალ გმირებთან შეხვედრა აძლევს საშუალებას გაიაზროს, რომ ცხოვრება გრძელდება და არ არის საჭირო უკან მიბრუნება იმისთვის, რომ ახალი ბედნეირება იპოვო. ფილმი ოსკარის სამ კატეგორიაში იყო ნომინირებული, მათ შორის მთავარი როლის შემსრულებელი ჯილ კლეიბერგი საუკეთესო მსახიობი ქალისთვის.

ის (2013)

სპაიკ ჯონსის ეს ფილმი არის მარტოობაზე და იმაზე, თუ როგორ გავუმკლავდეთ მას. ყველას აქვს არასასიამოვნო და “ვეღარავის შევიყვარებ” პერიოდი დაშორების შემდეგ. ფილმში მარტოსული მწერალი, რომელსაც ხოაკინ ფენიქსი ასრულებს, ცოლთან დაშორებას განიცდის. მარტოობას იქამდე მიყავს, რომ ის ყიდულობს მოწყობილობას ხელოვნური ინტელექტით, რომელიც შემუშავებულია, როგორც მისი იდეალური მეუღლე. სწორედ მაშინ ახსენდება მას ადამიანური ღირებულებები და ის, რომ ცხოვრების გასაგრძელებლად წარსულის გაშვებაა საჭირო. ფილმი ოსკარის ხუთ კატეგორიაში იყო ნომინირებული, რომლიდანაც ჯილდო საუკეთესო ორიგინალური სცენარისთვის მიიღო.

დაივიწყე სარა მარშალი (2008)

ნიკოლას სტოლერის ეს კომედია კიდევ ერთხელ დაგარწმუნებთ, რომ ყოფილებთან დაბრუნება ცუდი იდეაა. ჯეისონ სეგელის პერსონაჟი პიტერი განადგურებულია მას შემდეგ, რაც ცნობილი მსახიობი სარა მარშალი, რომელსაც კრისტენ ბელი ასრულებს, მას შორდება. განსატვირთად მეგობარი სეგელის გმირს ჰავაიზე გამგზავრებას ურჩევს, მაგრამ ის იქ სარას და მის ახალ მეგობარ ალდუს სნოუს ხვდება, რომელსაც რასელ ბრენდი ასრულებს. დასვენების დროს პიტერი ხვდება, თუ რა საშინელი გრძნობაა იყო “ყოფილი”, მაგრამ ამასთან ერთად იაზრებს, რომ სხვა ქალსაც შეუძლია მისი გაბედნიერება.

ღამის ცხოველები (2016)

ტომ ფორდის ფილმი წარმატებულ ქალზე მოგვითხრობს, რომელიც ფოსტით ყოფილი პარტნიორის პირველ რომანს იღებს, რომელსაც მას უძღვნის. ეიმი ადამსის გმირმა წაიკითხა ეს ძალადობით სავსე ისტორია გატაცებაზე და მკვლელობაზე და ცდილობდა გაეგო, რა გავლენა იქონია ამ ისტორიაზე. მართალია, ფილმი არ არის ფოკუსირებული მათ ურთიერთობაზე, მაგრამ მეტაფორებით გასაგებია ის ტკივილი, რასაც გრძნობ ცხოვრებაში ყველაზე მნიშვნელოვანი რაღაცის დაკარგვისას და ამ ტკივილის გადალახვის რთულ პროცესზე… მაიკლ შენონი ნომინირებული იყო ოსკარზე საუკეთესო მსახიობი კაცისთვის მეორეხარისხოვან როლში.

ხუთჯერ ორი (2004)

ფრანსუა ოზონის ეს არაჩვეულებრივი ფილმი მოგვითხრობს ურთიერთობის ხუთ ყველაზე მნიშვნელოვან მომენტზე, დასაწყისიდან დასასრულამდე. როგორც ამ ჟანრის სხვა ფილმებში, აქაც ურთიერთობის რთული ევოლუცია დიალოგების გზით მიმდინარეობს, გრძნობების ცვლილებები და გაუცხოება წლების მანძილზე, სანამ არ დაგვიანდება ყველაფრის გამოსწორება.

პაწია ავეჯი (2010)

ეს არის ისტორია, რომელიც აუცილებლად დაგეხმარებათ. ფილმი ახალგაზრდა გოგონაზე მოგვითხრობს, რომელიც ახლახანს დაშორდა თავის შეყვარებულს. გოგონამ, რომლის როლსაც ლენა დანჰემი ასრულებს, ცოტა ხნის წინ დაამთავრა სკოლა და იმის გამო, რომ კონკრეტული მიზანი არ გააჩნდა, მშობლების სახლში დაბრუნდა ღრმა დეპრესიით. მაგრამ როგორც კი გარშემო მყოფ ადამიანებთან ურთიერთობა და მათი მოსმენა დაიწყო, მიხვდა, რომ, შესაძლოა, დაშორება არ იყო ყველაზე ცუდი, რაც შეიძლებოდა მომხდარიყო მის ცხოვრებაში და რომ ცხოვრება ახლა იწყება. ეს ფილმი აუცილებელია საკუთარი თავის რწმენის აღსადგენად.